Genese 3:19 - Sesotho 1909/1961 (SO)

¹⁹ O tla ja bohobe ka mofufutso wa phatla ya hao, o be o kgutlele mobung oo o ntshitsweng ho wona; hobane o lerole, mme o tla kgutlela leroleng.

BIBELE

¹⁹ O tla ja bohobe ka mofufutso wa phatla ya hao, ho fihlela o boela mobung, hobane o ntshitswe mobung, o lerole, mme o tla boela leroleng!”

Genese 3:19 Referencias Cruzadas

Genese 18:27

Abrahama a araba, a re: Bona hle, ke betile pelo ho buisana le Morena, leha ke le lerole le molora feela.

Genese 2:7

Jehova Modimo a bopa motho ka lerole la lefatshe, mme a budulela dinkong tsa hae phefumoloho ya ho phela, mme motho ya eba moya o phelang.

Genese 23:4

Ke moditjhaba le mojaki hara lona; nneeng setsha sa mabitla hara lona, e be sa ka, ke tle ke pate mofu wa ka teng, a tloswe pela ka.

Genese 3:18

le tla o medisetsa ditshehlo le meutlwa, mme o tla ja jwang ba naha.

Genese 5:5

Ditshiu tsohle tseo Adama a phetseng ka tsona, e bile dilemo tse makgolo a robileng mono o le mong a mashome a mararo; mme a shwa.

Jobo 1:21

Ke tswile popelong ya mme ke le feela, mme ke tla kgutlela teng ke le feela; Jehova o ne a neile, o boetse o latile: ho roriswe lebitso la Jehova.

Jobo 10:9

Elellwa hle hobane o mpopile jwaloka letsopa; mme o re, ke kgutlele leroleng?

Jobo 19:26

Mme leha letlalo la ka le senyehile, ke tla bona Modimo ke se ke se nameng.

Jobo 21:26

Ba robala leroleng ba bapile, diboko di ba apesa ba babedi.

Jobo 34:15

nama yohle e ne e tla shwa hang, mme motho o ne a tla kgutlela leroleng.

Jobo 4:19

ho jwalo hakakang ho ba ahileng matlung a letsopa, ba hlahileng leroleng, ba ka rinngwang jwaloka ditshwele!

Dipesaleme 103:14

Hobane o tsebisisa ho bopjwa ha rona, o elellwa hoba re lerole feela.

Dipesaleme 104:23

Ebe motho o tswela tshebetsong ya hae le mosebetsing wa hae ho fihlela mantsiboya.

Dipesaleme 104:29

Ha o pata sefahleho sa hao, di tsielehe; ha o di amoha phefumoloho, di fele, mme di kgutlele leroleng.

Dipesaleme 127:2

Ha ho thuso leha le tsoha le mafube, leha le robala e se e le ka phirimana, leha le ntse le eja bohobe ba kgathatso; Jehova o fa eo a mo ratang, a ntse a robetse.

Dipesaleme 22:15

matla a ka a omile jwaloka lengeta, leleme la ka le manne mahalapeng a ka, o nthobaditse leroleng la lefu.

Dipesaleme 22:29

Ba jang menono ya lefatshe ba tla tla, ba je, ba rapele; o tla kgumamelwa ke bohle ba theohelang leroleng, le ke ba sitwang ho iphedisa.

Dipesaleme 90:3

O kgutlisetsa batho leroleng, mme o re: Kgutlelang, lona, bana ba batho!

Diproverbia 21:16

Motho ya kgelohang tsela ya hlalefo o tla fella sebokeng sa bafu.

Moeklesia 1:13

Ke ntho e tenang eo Modimo o e neileng bana ba batho, hore be ikgathatse ka yona.

Moeklesia 1:3

Molemo ke ofe oo motho a o bonang mokgathaleng wohle wa hae oo a ikgathatsang ka wona tlasa letsatsi?

Moeklesia 12:7

lerole le eso ho kgutlele leroleng, moo le tswileng teng, moya o eso ho kgutlele ho Modimo o neng o o nee.

Moeklesia 3:20

Tsohle di ikela nqalong e le nngwe; tsohle di tswa leroleng, mme tsohle di kgutlela leroleng.

Moeklesia 5:15

jwalokaha a ne a tswile mpeng ya mmae, o tla ikgutlela a le feela, a ikele jwalokaha a tlile; o tla ya a sa nke letho mokgathaleng wa hae, leo a ka yang le lona a le fuparetse ka letsoho.

Daniele 12:2

Ba bangata ho ba robetseng leroleng la lefatshe ba tla tsoha, ba bang ba tsohele bophelo bo sa feleng, ba bang ba tsohele dihlong le sekgobo se sa feleng.

1 Bakorinthe 15:47

Motho wa pele e ne e le wa lefatshe, o entswe ka mobu, empa motho wa bobedi, e leng Morena, o tswile lehodimong.

Baefese 4:28

Ya neng a utswa, a se ke a hlola a utswa, a mpe a ineele ho sebetsa dintho tse molemo ka matsoho a hae, a tle a tsebe ho nea ya hlokang.

1 BaThesalonika 2:9

Le lona, banabeso, le sa hopotse mosebetsi le mofufutso wa rona, kamoo re le boleletseng Evangeli ya Modimo kateng, re ntse re sebetsa motshehare le bosiu, re tle re se ke ra imetsa motho, leha a le mong, hara lona.

2 BaThesalonika 3:10

Hobane enere ha re sa le ha heno, re kile ra le laela, ra re: Ekare ha e mong a hana ho sebetsa, a se ke a ja le hona.

BaHebheru 9:27

Mme jwalokaha ho laetswe hoba batho bohle ba shwe hang, ho ntoo ba kahlolo;