Eksoda 26:36 - BIBELE

³⁶ “Jwale ebe o etsa lesira la monyako wa Tente ya Morena; o le etse ka lesela le leputswa, le le perese, le le lefubedu, le la lene, le loehileng, mme le etswe ke sehomi.

Sesotho 1909/1961 (SO)

³⁶ O tle o etsetse monyako wa tente lesela la la purepera le sekarelata le krimsone le lene e ntle e lohilweng, e be mosebetsi o homilweng.

Eksoda 26:36 Referencias Cruzadas

2 Samuele 7:6

Ho tloha mohla ke nyollang bana ba Iseraele Egepeta, ho fihlela kajeno, ha ke eso ka ke dula ka tlung; ke tsamaile ke le ka tenteng, le ka leahong.

Dipesaleme 78:60

Yaba o furalla Leaho la hae la Shilo, e leng tente eo a neng a e hlomile, a e hlomile hara batho.

Eksoda 26:31

“O tla etsa lesira ka lesela le leputswa, le le perese, le le lefubedu, le le entsweng ka lesela la lene, le loehileng; e be le entsweng ke ditsebi, le homilweng ditshwantsho tsa dikerubime.

Eksoda 27:16

“Monyakong wa seotlwana ho tla ba le lesira le bolelele ba dimethara tse robong, le entsweng ka lesela le leputswa, le le perese, le le lefubedu, le la lene le loehileng, le entsweng ke sehomi. Lesira le be le ditshiya tsa lona tse nne, le ditshehetso tsa tsona di be nne.

Eksoda 28:15

“O tla etsa le mokgabiso wa sefuba wa kahlolo, o etswe ke setsebi. O o etse jwalokaha ho entswe setipe, ka lesela le nang le mmala wa kgauta, le ka le leputswa, le le perese, le le lefubedu, le la lene, le loehileng.

Eksoda 28:39

“O etse seaparo se fihlang maotong ka lesela le lene, le katiba o e etse ka lesela le jwalo, o be o etse le leqhama le homilweng.

Eksoda 35:11

e leng Leaho, tente ya lona, le marulelo a lona, le dihokelo tsa lona, le dithupa tsa lona, le maballo a lona, le ditshiya tsa lona, le didulwana tsa tsona;

Eksoda 35:15

le aletare ya mokubetso, le mefeng ya yona, le ole e tlotsang, le mokubetso o monko o monate, le lesira la monyako, le monyakong wa Leaho;

Eksoda 36:37

Ba etsa le lesira la monyako wa Tente ka lesela le leputswa, le le perese, le le lefubedu, le la lene, le loehileng; la etswa ke sehomi.

Eksoda 38:18

Lesira la monyako wa seotlwana le ne le entswe ke sehomi, lesela le leputswa, le le perese, le le lefubedu, le le entsweng ka lene, le loehileng. Bolelele ba lona e ne e le dimethara tse robong; bophara ba lona e le dimethara tse pedi, hore le tshwane le masela a lepeletseng a seotlwana.

Eksoda 39:29

Ba etsa le leqhama ka lesela la lene, le loehileng, le ka lesela le leputswa, le le perese, le le lefubedu, le entsweng ke sehomi, jwalokaha Morena a ne a laetse Moshe.

Eksoda 39:33

Ba tlisetsa Moshe Leaho, le masela a le kwahelang, le tsohle tsa lona, le dihokelo tsa lona, le dithupa tsa lona, le maballo a lona, le ditshiya tsa lona, le ditshehetso tsa tsona.

Eksoda 40:5

O bee le aletare ya kgauta, ya mokubetso, kapele ho areka ya selekane, ebe o lepeletsa lesira monyako wa Leaho.

Ezekiele 16:10

Ka o tentsha mose o homilweng, ka o rwesa meqathatso ya letlalo la qibi. Ka o rwesa moqhaka wa lene e ntle, ka o apesa seaparo sa sileka.

Numere 3:25

Mosebetsi wa bana ba Gereshone ka Tenteng ya Morena, e ne e le ho hlokomela Leaho, Tente ya Morena, le marulelo a yona, le lesira la monyako wa Tente ya Morena;

Numere 9:15

Ka letsatsi leo ba neng ba hloma Tente ya Morena ka lona, leru la e kgurumetsa. Ka phirimana leru lena le ne le ye le ke kganare ya mollo hodima Tente ya Morena, ho fihlela hoseng.

Johanne 10:9

Ke nna monyako; ha motho a kena ka nna o tla pholoswa, mme o tla kena, a tswe, a fumane lekgulo.

Johanne 14:6

Jesu a re ho yena: “Ke nna tsela, le nnete, le bophelo; ha ho ya ka tlang ho Ntate haese ka nna.