BaKolose 2:9 - BIBELE

⁹ Bomodimo bohle, ka ho tlala ha bona, bo ahile ho yena, bothong ba hae.

Sesotho 1909/1961 (SO)

⁹ Hobane botlalo kaofela ba bomodimo bo ahile ho yena ka mmele.

Baasraak Sotho NT

⁹ Hobane botlalo bohle ba Bomodimo bo ahile ho yena ka nama.

Contemporary Southern Sotho Bible 2024

⁹ Hobane botlalo bohle ba Bomodimo bo ahile ho yena ka nama.

BaKolose 2:9 Referencias Cruzadas

Isaia 7:14

Ka baka lena, Morena ke yena ya tla le etsetsa sesupo. Bonang, morwetsana o tla emola, a tswale mora, mme o tla mo rea lebitso la Emanuele.

Mattheu 1:23

“Bonang, morwetsana o tla emola, a tswale mora, mme mora eo o tla rewa lebitso la Emmanuele,” e leng ho re: Modimo o na le rona.

Luka 14:22

“Mohlanka a re: ‘Monghadi, ke phethile taelo ya hao, feela ho sa na le sebaka.’

Luka 3:22

mme Moya o Halalelang wa theohela hodima hae ka sebopeho se kang sa leeba; lentswe la tswa lehodimong, la re: “O Mora wa ka eo ke mo ratang, ya nkgahlang.”

Johanne 1:14

Lentswe ya eba motho, la aha hara rona, mme ra bona tlotla ya lona, e tletseng mohau le nnete, tlotla e kang eo Mora ya tswetsweng a nnotshi a e fumaneng ho Ntate.

Johanne 1:16

Mohaung wa hae o kgaphatsehang, rona bohle re amohetse mohau hodima mohau,

Johanne 10:30

Rona le Ntate re ntho e le nngwe.”

Johanne 10:38

empa ha ke e etsa, leha le sa ntumele, dumelang mesebetsi, hore le hlalohanye, mme le nne le tsebe hore Ntate o ka ho nna, le nna ke ka ho Ntate.”

Johanne 14:20

Mohlang oo le tla tseba hore ke ka ho Ntate, mme lona le ka ho nna, le nna ke ka ho lona.

Johanne 17:21

hore bohle ba tle ba be ntho e le nngwe, jwalokaha wena, Ntate, o le ka ho nna, le nna ke le ka ho wena, hore le bona ba tle ba be ka ho rona, lefatshe le tle le dumele hore o nthomile.

Johanne 2:21

Feela yena o ne a bua ka tempele eo e leng mmele wa hae.

Diketso 17:29

“Kaha re le bana ba Modimo, ha re a tshwanela ho hopola hore bomodimo bo tshwana le kgauta, silefera kapa lejwe le betlilweng ka tsebo le ka bohlale ba motho.

2 Bakorinthe 5:19

Seo ke se bolelang ke hore Modimo o ile a boelanya batho bohle ba lefatshe le yena ka Kreste, ka ho ba leballa dibe tsa bona, le ka ho re nea mosebetsi wa ho ba boelanya le yena.

BaKolose 1:19

Ho kgahlile Modimo hore Kreste a be le bomodimo ka ho tlala,

1 Timothea 3:16

Ha ho pelaelo, sephiri sa tumelo ya rona se seholo: “Kreste o ile a hlaha e le motho, a pakwa ke Moya hore o lokile, mme a bonwa ke mangeloi. A phatlalatswa hara baditjhaba, a dumelwa ke lefatshe lohle, mme a nkelwa tlotleng.”

Tite 2:13

re ntse re lebeletse lehlohonolo leo re le tshepisitsweng le ponahalo ya tlotla ya Modimo e Moholo, Jesu Kreste, Mopholosi wa rona.

1 Johanne 5:20

Hape re a tseba hore Mora wa Modimo o tlile, mme o re neile kutlwisiso, hore re tle re tsebe Modimo wa nnete. Re phela ka ho Modimo wa nnete, ka ho Mora wa hae, Jesu Kreste. Yena ke Modimo wa nnete, ke bophelo bo sa feleng.

1 Johanne 5:7

Dipaki tse tharo di teng: