Amose 3:4 - BIBELE

⁴ Na tau e ka puruma hara moru, ya puruma e sa bolaya nyamatsane? Na tawana e ka rora ka selaong sa yona, ya rora ho se seo e se tshwereng?

Sesotho 1909/1961 (SO)

⁴ Na tau e rora morung, ho se seo e ka se harolang? Na tawana e utlwahatsa lentswe la yona lehaheng la yona, e sa tshwara letho na?

Amose 3:4 Referencias Cruzadas

Dipesaleme 104:21

ditawana di purumele diphofu tsa tsona, di batle dijo tsa tsona ho Modimo.

Hosea 11:10

Etlare ha Morena a puruma sa tau, tjhaba sa hae se mo sale morao; etlare ha a puruma, bana ba hae ba tle, ba tle ba thothomela, ba etswa bophirima.

Hosea 5:14

Ho ba ntlo ya Efraime ke tla tshwana le tau, ho ba ntlo ya Juda eke ke tawana. Nna ka sebele ke tla harola, ke ikele, ke ba hlasinye, ba hloke monamoledi.

Amose 1:2

Yaba Amose o re: “Morena o puruma a le Sione, o thwathwaretsa a le Jerusalema; makgulo a badisa a a omella, tlhoro ya Karamele yona e a pona.”

Amose 3:3

Na ba babedi ba ka tsamaisana tsela ba sa ka ba dumellana ho etsa jwalo?

Amose 3:5

Na nonyana e ka tshwaswa ke leraba, la e tshwasa le sa tjhehwa ke motho? Na sefi se ka raha mokgwephetsane, ho se letho le thetsitseng mokgwephetsane?

Amose 3:8

Jwale tau e se e purumile; ya ke keng a tshoha ke mang? Morena Modimo o se a buile; ya ke keng a porofeta ke mang.