2 Bakorinthe 12:2 - BIBELE

² Ke tseba motho wa Mokreste, eo ho seng ho fetile dilemo tse leshome le metso e mene a kile a nkelwa lehodimong la boraro. Le haeba e ne e le ka mmele kapa e se ka mmele, ha ke tsebe; ho tseba Modimo.

Sesotho 1909/1961 (SO)

² Ke tseba motho ya leng ho Kreste, ya kileng a nkelwa lehodimong la boraro, ho se ho le dilemo tse leshome le metso e mene — kapa e bileng ka mmele, ha ke tsebe; kapa e bileng ka ho siya mmele, le teng ha ke tsebe, ho tseba Modimo —

Baasraak Sotho NT

² Ke tsebile motho e mong ya leng ho Kreste, e se e le dilemo tse leshome le metso e mene, (hore na o ne a le ka mmeleng, ha ke tsebe, kapa ka ntle ho mmele, ha ke tsebe, ho tseba Modimo), motho ya jwalo a nketswe lehodimong la boraro.

Contemporary Southern Sotho Bible 2024

² Ke tsebile motho e mong ya leng ho Kreste, e se e le dilemo tse leshome le metso e mene, (hore na o ne a le ka mmeleng, ha ke tsebe, kapa ka ntle ho mmele, ha ke tsebe, ho tseba Modimo), motho ya jwalo a nketswe lehodimong la boraro.

2 Bakorinthe 12:2 Referencias Cruzadas

1 Marena 18:12

Etlare hanghang ha ke kgaohana le wena, moya wa Morena o o nkele moo ke sa tsebeng, mme ha ke fihla ke bolella Akabe hore o teng, feela a sa o fumane, ebe o a mpolaya, le hoja nna, mohlanka wa hao, ke hlomphile Morena ho tloha botjheng ba ka.

1 Marena 8:27

“Empa na ruri Modimo o tla hle a ahe lefatsheng? Bona, esita le lehodimo la mahodimo ha le a o lekana; ebe jwale Tempele ee, e hahilweng ke nna, yona e ka o lekana jwang?

2 Marena 2:16

Ba re ho yena: “Bona mona, rona bahlanka ba hao re na le banna ba mashome a mahlano ba dinatla. Re a o rapela: Ako ba dumelle ba yo batla monga hao. Mohlomong Moya wa Modimo o ile wa mo nkela hodimo, wa ya mo lahlela hodima thaba e nngwe, kapa kahara kgohlo e nngwe.” Empa Elisha a re ho bona: “Le se ke la ba roma!”

Dipesaleme 148:4

Mo roriseng, lona mahodimo a hodimodimo, le lona metsi a kahodimo ho mahodimo.

Isaia 57:15

Ya phahameng, ya hodimodimo, yena ya phelang kamehla yohle, eo lebitso la hae le halalelang, o re: “Ke phela bakeng se phahameng, bakeng se halalelang, ya robehileng moya, ke phela le yena, le ya ikokobeditseng ke phela le yena, ke kgothatsa ya ikokobetsang, ke kgothatsa ya robehileng moya.

Ezekiele 11:24

Ka pona e entsweng ke Moya wa Modimo, Moya wa mphahamisa, wa nkisa ho bathopuwa ba naheng ya Bakalatiya. Yaba pono eo ke e boneng e tloha ho nna,

Ezekiele 43:5

Jwale Moya wa mphahamisa, wa nkisa lebaleng le kahare, mme tlotla ya Morena ya tlala Tempele.

Luka 24:51

Eitse ha a ntse a ba hlohonolofatsa, a tloha ho bona, a nyollelwa lehodimong.

Johanne 6:56

Ya jang nama ya ka, a enwa madi a ka, o dula ka ho nna, le nna ka ho yena.

Diketso 14:6

Ha baapostola ba lemoha taba eo, ba tshabela metseng ea Lokaonia, le Lesitera le Derebe, le tikolohong ya yona,

Diketso 22:17

“Ha ke kgutletse Jerusalema, mme ke ntse ke rapela ka Tempeleng, ka ba le pono.

Baroma 16:10

Dumedisang Apelese, ya bontshitseng botshepehi ba hae ho Kreste. Dumedisang ba lelapa la Arisetobulose.

Baroma 16:3

Ntumedisetseng Priseka le Akulase, bao re sebeletsang Kreste Jesu mmoho le bona,

Baroma 16:7

Dumedisang Anaderonikose le Junia, bahaeso ba bileng ditlamong mmoho le nna, ba tumileng hara baapostola, mme ba ineetseng ho Kreste pele ho nna.

Baroma 16:9

Dumedisang Urebanose, eo re sebeletsang Kreste mmoho le yena, le motswalle wa ka Setakuse.

Baroma 8:1

Jwale he, ba leng ho Kreste ha ba sa tla ahlolwa,

1 Bakorinthe 1:30

Ke ka Modimo le leng ho Kreste Jesu, eo Modimo a mo entseng bohlale ba lona, le ho loka ha lona, le kgalalelo ya lona, le topollo ya lona.

2 Bakorinthe 11:11

Hobaneng? Hobane ke sa le rate? Tjhe, Modimo o a tseba, ke a le rata.

2 Bakorinthe 13:5

Itekoleng, mme le itlhahlobe, le tle le fumane hore na le phela ka tumelo. Ha ke re, le a tseba hore Kreste Jesu o teng ho lona, haese haeba le le ba sa amoheleheng?

2 Bakorinthe 5:17

Ka tsela ena, ha motho a le ho Kreste, ke mmopuwa e motjha; tsa kgale di fetile, tse ntjha di hlahile.

2 Bakorinthe 5:21

Kreste ya neng a se na sebe, Modimo o ile a mo nka e le moetsadibe ka baka la rona, e le hore ka yena Modimo a re etse ba lokileng.

Bagalata 1:22

Dikereke tsa Kreste tse Judea di ne di eso bone sefahleho sa ka;

Bagalata 5:6

hobane ha motho a le ho Kreste, lebollo kapa boqai hase letho, empa tabataba ke tumelo e sebetsang ka lerato.

Baefese 4:10

Ya ileng a theohela tlase, ke yena ya nyolohetseng hodimodimo ho mahodimo wohle, hore tsohle di tlale boyena.

Deuteronoma 10:14

“Bona, lehodimo, le lehodimo la mahodimo, le lefatshe, le tsohle tse ho lona, ke tsa Morena Modimo wa hao.

1 BaThesalonika 4:17

Jwale rona ba tla beng ba ntse ba phela re tla nkelwa marung hammoho le bona, ho ya kgahlanyetsa Morena sebakeng, mme ka mokgwa o jwalo re tla ba le Morena kamehla.

BaHebheru 4:14

Erekaha re ena le Moprista e Moholo, ya hlompehang, ya keneng lehodimong, e leng Jesu, Mora wa Modimo, a re boleleng tumelo ya rona re tiile.

BaHebheru 9:24

Kreste ha a a ka a kena ka Sehalalelong se entsweng ke batho, e leng setshwantsho feela sa Sehalalelo sa nnete, empa o kene lehodimong la sebele, moo jwale a tlang ho hlaha kapele ho Modimo sebakeng sa rona.

Tshenolo 1:10

Ka letsatsi la Morena, ka tlalwa ke Moya wa Modimo, mme kamora ka ka utlwa lentswe le phahameng, le kang modumo wa terompeta,

Tshenolo 12:5

A beleha mora, ngwana e motona, ya tlang ho busa ditjhaba tsohle ka lere la tshepe. Yaba ngwana eo wa hae o nkelwa ho Modimo, teroneng ya hae.

Tshenolo 4:2

Hanghang ka tlalwa ke Moya wa Modimo. Lehodimong ho ne ho beilwe terone, mme e mong a dutse hodima yona.