2 Bakorinthe 1:4 - BIBELE

⁴ O re tshedisa matshwenyehong wohle a rona, e le hore le rona re tle re tsebe ho tshedisa bohle ba matshwenyehong, ka matshediso ao le rona re tshediswang ka wona ke Modimo.

Sesotho 1909/1961 (SO)

⁴ o re tshedisang mahlomoleng wohle a rona, hore ba leng mahlomoleng, leha e le afe le afe, re tle re tsebe ho ba tshedisa ka matshediso ao le rona re tshediswang ka wona ke Modimo.

Baasraak Sotho NT

⁴ o re tshedisa matshwenyehong wohle a rona, hore re tle re tsebe ho tshedisa ba mahlomoleng afe kapa afe, ka matshediso ao rona ka borona re tshediswang ke Modimo.

Contemporary Southern Sotho Bible 2024

⁴ o re tshedisa matshwenyehong wohle a rona, hore re tle re tsebe ho tshedisa ba mahlomoleng afe kapa afe, ka matshediso ao rona ka borona re tshediswang ke Modimo.

2 Bakorinthe 1:4 Referencias Cruzadas

Dipesaleme 32:5

Ka ba ka ipolela sebe sa ka ho wena, ka se ke ka pata molato wa ka; ka re: “Ke tla ipolela ditlolo tsa ka ho Morena;” wena wa ntshwarela molato wa sebe sa ka.

Dipesaleme 32:7

O setshabelo sa ka, o tla mphemisa matshwenyeho; o nteela hare, o a ntopolla.

Dipesaleme 66:16

Tloong, le mamele, lona bohle ba tshabang Modimo, ke le phetele seo a nketseditseng sona.

Dipesaleme 86:17

Bonahatsa molemo wa hao ho nna, ba ntlhoileng ba hlajwe ke dihlong, ha ba bona hore wena Morena, o mothusi wa ka le motshedisi wa ka.

Isaia 12:1

Mohla tsatsi leo, o tla re: “Oho, Morena, ke tla o boka, le hoja o ne o nkgalefetse; kgalefo ya hao e kgaoditse, wena o fela o ntshedisitse.

Isaia 40:1

“Tshedisang setjhaba sa ka, se tshediseng,” ho rialo Morena.

Isaia 49:10

Ha ba ka ke ba lapa kapa ba nyorwa, kapa ba tjheswa ke motjheso wa tsatsi la lehwatata. Ya ba utlwelang bohloko o tla ba tataisa, a ba ise pela didiba tse kollang.

Isaia 51:12

“Nna, nna ke inotshi, ke nna ya le tshedisang. O mang wena o tshabang batho, dibopuwa tse shwang? O tshabang batho ba itshwanelang le jwang feela?

Isaia 51:3

“E, Morena o tla utlwela Sione bohloko, a utlwele bohloko masupi wohle a yona, mafeella ao a a fetole a be jwaloka Edene, mahwatata a yona a be jwaloka rapa sa Morena. Thabo le nyakallo di tla fumanwa ho yona, ho utlwahale mantswe a pina tsa diteboho.

Isaia 52:9

Binang pina tsa thabo, le di bine le le mmoho, binang lona masupi a Jerusalema, hobane Morena o tshedisitse, a tshedisa setjhaba sa hae, Morena o lopolotse Jerusalema.

Johanne 14:16

Ke tla kopa Ntate, mme o tla le nea Mothusi e mong, hore a be le lona ka ho sa feleng,

Johanne 14:18

Ha ke na ho le siya le le dikgutsana, ke tla tla ho lona.

Johanne 14:26

empa Mothusi, Moya o Halalelang oo Ntate a tla o romela lebitsong la ka, yena o tla le ruta tsohle, a le hopotse tsohle tseo ke le boleletseng tsona.

2 Bakorinthe 7:13

Ka baka leo, re tshedisehile. Kantle ho ho tshediseha hoo ha rona, re ile ra thaba haholo ha re bona kamoo Tite a thabileng kateng. Moya wa hae o ile wa kgathollwa ke lona bohle.

2 Bakorinthe 7:4

Ke le tshepile haholo, ke motlotlo ka lona; matshwenyehong a rona wohle ke ntse ke tletse tshepo, thabo ya ka e a kgaphatseha.

BaFilipi 1:14

mme bana babo rona ba bangata ba tshepile Morena ka ho tiya ka baka la ditlamo tsa ka, hoo ba leng sebete ho feta pele ho bolela lentswe la Modimo ba sa tshabe letho.

1 BaThesalonika 4:18

Ka hona tshedisanang ka thuto eo.

1 BaThesalonika 5:11

Ka baka leo, le ke le tshedisane, mme le matlafatsane, jwalokaha le fela le etsa.

BaHebheru 12:12

Ka baka leo, phahamisang matsoho a lona a kgathetseng, le matlafatse mangwele a lona a rerekelang.