1 Timothea 4:5 - BIBELE

⁵ hobane di halaletswa ka lentswe la Modimo le ka thapelo.

Sesotho 1909/1961 (SO)

⁵ hobane tsohle di halaleditswe ke lentswe la Modimo le thapelo.

Baasraak Sotho NT

⁵ Hobane le halaletswa ka lentswe la Modimo le thapelo.

Contemporary Southern Sotho Bible 2024

⁵ Hobane le halaletswa ka lentswe la Modimo le thapelo.

1 Timothea 4:5 Referencias Cruzadas

Genese 1:25

Modimo a etsa diphoofolo tse hlaha ka mefuta ya tsona, le makgomo ka mefuta ya wona, le dihahabi tsohle ka mefuta ya tsona. Modimo a bona hore hoo ho hotle.

Genese 1:31

Jwale Modimo a tadima tsohle tseo a di entseng, mme a bona hore di ntle haholo. Ha phirima, ha esa, ya eba letsatsi la botshelela.

Luka 11:41

Leha ho le jwalo, fanang ka se tswang botebong ba pelo, mme bonang, tsohle di tla be di hlwekile ho lona.

Luka 4:4

Jesu a mo araba, a re: “Ho ngotswe, ho thwe: ‘Motho a ke ke a phela ka bohobe feela.’ ”

1 Bakorinthe 7:14

Monna eo e seng modumedi o halaletswa ka mosadi wa hae, le mosadi eo e seng modumedi o halaletswa ka monna wa hae. Hoja ha ho jwalo bana ba bona ba ka be ba sa hlweka, athe jwale ba a halalela.

1 Timothea 4:3

Ba tla thibela batho ho nyalana, ba re ho ilwe dijo tse itseng, athe Modimo o di etseditse hore di jewe ka teboho ke ba dumelang, ba tsebang nnete ka ho tlala.

Tite 1:15

Ho ba hlwekileng tsohle di hlwekile, empa ho ba silafetseng le ho ba sa dumeleng ha ho letho le hlwekileng, hobane dikelello tsa bona le matswalo a bona a silefetse.

BaHebheru 11:3

Ka tumelo re utlwisisa hore lefatshe lohle le bopilwe ka lentswe la Modimo, mme tse bonwang di tswa ho tse sa bonweng.