1 Samuele 18:7 - BIBELE

⁷ Basadi ba neng ba etsa motjeko ba ne ba bina, ba re: “Saule o bolaile ba hae ba dikete, Davida yena o bolaile ba kete tsa dikete.”

Sesotho 1909/1961 (SO)

⁷ Basadi bao ha ba letsa, ba dumelana, ba re: Saule o bolaile dikete tsa hae, Davida yena o bolaile mashome a dikete tsa hae.

1 Samuele 18:7 Referencias Cruzadas

2 Samuele 18:3

Empa bahlabani ba re: “Wena o se ke wa futuha le rona. Ha re ka baleha, ba ke ke ba re tsotella. Leha ba ka ba bolaya halofo ya bahlabani ba rona, ba ke ke ba re tsotella; feela wena o lekana le bahlabani ba dikete tse leshome ba rona, ka bohlokwa. Ka baka leo, ho molemo hore o tle o re thuse o ntse o le ka motseng.”

2 Samuele 23:1

Tsena ke dipolelo tsa ho qetela tsa Davida: “Dipolelo tsa Davida, mora wa Jese, dipolelo tsa monna a phahamisitswe, motlotsuwa wa Modimo wa Jakobo, kgeleke ya tjhaba sa Iseraele:

2 Samuele 6:5

Davida le bohle ba ntlo ya Iseraele ba etsa motjeko kapele ho Morena, ba letsa diletsa tsa mefutafuta tse entsweng ka sefate sa modutu; ba letsa le diharepa, le dikatara, le meropa, le merutlhwana, le matlheretlhere.

Eksoda 15:21

Meriama a phokola sefela, a re: “Binelang Morena, hobane ruri o itlotlisitse, o itlotlisitse ka tlholo, o lahletse pere le mopalami wa yona ka lewatleng.”

1 Samuele 21:11

Bahlanka ba Akishe ba re ho yena: “Na eo hase Davida, kgosi ya naha ye? Na basadi ha ba a ka ba mmina metjekong, ba re: “ ‘Saule o bolaile ba hae ba dikete, Davida yena o bolaile ba kete tsa dikete?’ ”

1 Samuele 21:12

Davida a boloka mantswe ana ka pelong ya hae, a tshaba Akishe, kgosi ya Gate haholo.

1 Samuele 29:5

Na hase yena Davida eo ba neng ba mmina metjekong, ba re: “ ‘Saule o bolaile ba hae ba dikete, Davida yena o bolaile ba kete tsa dikete?’ ”