Tshenolo 8:10 - Sesotho 1909/1961 (SO)

¹⁰ Lengeloi la boraro la letsa terompeta ya lona, mme ha wa lehodimong naledi e kgolo, e tukang jwaloka serumula, mme ya wela hodima karolo ya boraro ya dinoka le ya didiba tsa metsi.

BIBELE

¹⁰ Lengeloi la boraro la letsa terompeta, mme naledi e kgolo, e tukang jwaloka serumola, ya wa lehodimong. Ya wela hodima karolo ya boraro ya dinoka, le hodima didiba.

Baasraak Sotho NT

¹⁰ Lengeloi la boraro la letsa terompeta, mme ha wa lehodimong naledi e kgolo, e tukang jwaloka lebone, mme ya wela hodima karolo ya boraro ya dinoka le hodima liliba tsa metsi.

Contemporary Southern Sotho Bible 2024

¹⁰ Lengeloi la boraro la letsa terompeta, mme ha wa lehodimong naledi e kgolo, e tukang jwaloka lebone, mme ya wela hodima karolo ya boraro ya dinoka le hodima liliba tsa metsi.

Tshenolo 8:10 Referencias Cruzadas

2 Dikronike 32:3

a rera le mahosana a hae le banna ba hae ba bahale, hore ho katwe mehlodi ya didiba tse kantle ho motse, mme ba mo dumela.

Isaia 12:3

Le tla ikgella metsi ka thabo didibeng tsa poloko;

Isaia 14:12

O wele jwang lehodimong, mphatlalatsane, mora mafube? O rapaladitswe jwang fatshe, wena, mohlaseladitjhaba?

Sakaria 13:8

Lefatsheng lohle, ho bolela Jehova, karolo tse pedi tsa batho ba teng di tla kgaolwa, di timele, ya boraro e sa le teng.

Sakaria 13:9

Eo ya boraro, yona ke tla e kenya mollong, ke ba qhibidise jwaloka ha ho qhibidiswa silefera, ke be ke ba tsheke jwaloka, ha ho tshekwa kgauta. Ba tla rapela lebitso la ka, mme ke tla ba arabela. Ke tla re: Ke setjhaba sa ka, mme sona se tla re: Jehova ke Modimo wa rona.

Mattheu 25:1

Mohlang oo, mmuso wa lehodimo o tla tshwana le barwetsana ba leshome ba nkileng dilampi tsa bona, ba tswile ho kgahlanyetsa monyadi.

Luka 10:18

A re ho bona: Ke ne ke tadima Satane a ewa lehodimong jwaloka lehadima.

Yuda 1:13

ke maqhubu a hlanyang a lewatle, a akgelang mafilo a ditshila tsa wona mane le mane; ke dinaledi tse kgerang, tse lokiseditsweng botsho ba lefifi la bo sa feleng.

Tshenolo 1:20

sephiri sa dinaledi tse supileng tseo o di boneng letsohong la ka le letona, le dikandelare tse supileng tsa kgauta. Dinaledi tse supileng ke mangeloi a dikereke tse supileng; mme dikandelare tse supileng tseo o di boneng, ke dikereke tse supileng.

Tshenolo 12:4

Mohatla wa yona o ne o hulanya karolo ya boraro ya dinaledi tsa lehodimo, mme o ne o di lahlela lefatsheng. Drakone ya ema pela mosadi ya belehang, hore e tle e je ngwana hae ha a se a mmelehile.

Tshenolo 14:7

la re ka lentswe le phahamileng: Tshabang Modimo, isang kganya ho wona, hobane nako ya ho ahlola ha wona e tlile; mme le kgumamele ya entseng lehodimo, le lefatshe, le lewatle, le didiba tsa metsi.

Tshenolo 16:4

Lengeloi la boraro la tshollela nkgo ya lona dinokeng le didibeng tsa metsi, mme tsa fetoha madi.

Tshenolo 6:13

Dinaledi tsa lehodimo tsa wela lefatsheng, jwaloka difeiye tse tala ha sefate sa tsona se tsukutlwa ke moya o fokang ka matla.

Tshenolo 8:7

Lengeloi la pele la letsa terompeta ya lona, mme ha hlaha sefako le mollo, ho kopane le madi; ntho tseo tsa akgelwa lefatsheng; mme ha etjha karolo ya boraro ya lefatshe, ha etjha le karolo ya boraro ya difate, le jwang bo botala ba etjha kaofela.

Tshenolo 9:1

Lengeloi la bohlano la letsa terompeta ya lona, mme ka bona naledi e tswang lehodimong e wetseng lefatsheng; ya newa senotlolo sa sekoti sa dihele,

Tshenolo 9:15

Yaba ho lokollwa mangeloi ao a mane, a seng a itokiseditse hora, le letsatsi, le kgwedi, le ngwaha, hore a tle a bolaye karolo ya boraro ya batho.

Tshenolo 9:18

Mme ka ntho tse tharo tsena, mollo, mosi, le sebabole, tse tswang melomong ya tsona, karolo ya boraro ya batho ya eshwa.

Baahlodi 15:11

Yaba banna ba Juda ba kete tse tharo ba theohela lefarung la lefika la Etame, ba re ho Samsone: Na ha o tsebe hobane Bafilesta ba re busa na? O re etseditseng jwalo? A re ho bona: Ke entse ka bona kamoo ba entseng ka nna kateng.