Sakaria 5:6 - Sesotho 1909/1961 (SO)

⁶ Ka re: Keng? Yaba le re: Ke efa e hlahang. La boela la re: Ke sona setshwantsho sa ba bolotsana ba lefatsheng lohle.

BIBELE

⁶ Ka le botsa, ka re: “Ke eng?” La nkaraba, la re: “Ke morifi.” La boela la re: “O tshwantsha bokgopo ba batho ba naha yohle.”

Sakaria 5:6 Referencias Cruzadas

Levitike 19:36

Le be le sekala se lokileng, le boima bo lokileng, le efa e lokileng, le hine e lokileng. Ke nna Jehova, Modimo wa lona, ya le ntshitseng naheng ya Egepeta.

Amose 8:4

Utlwang taba ena, lona le pheheletseng ho metsa mofutsana le ho timetsa bafumanehi lefatsheng; lona le reng:

Amose 8:5

Tsatsi la kgwedi e thwasang le tla feta neng, re tle re rekise ka koro? Le Sabatha e tla feta neng, re tle re bule menyako ya mediko ya koro, re tswe re fokotsa tekanyo, re hodisa theko, re fosisa dikala ka ho thetsa?

Amose 8:6

Ke moo re tla reka bafumanehi ka tjhelete, le mafutsana ka seeta, re rekise le ka ditlhoka tsa koro.

Mikea 6:10

Na matlotlo a bokgopo a sa le teng tlung ya ya sa lokang, le tekanyo e fokotsehileng, e rohakilweng na?

Sofonia 1:9

hape, tsatsing leo, ke tla kgalemela bohle ba tlolang sefate se monyako, ba tlatsang ntlo ya morena wa bona ka tse hapilweng ka bohoroso le ka thetso.

Sakaria 5:7

Mme bonang, ha emiswa lekapa la loto le e kwalang, mme ha hlaha mosadi ya dutseng kahara efa.