Numere 26:5 - Sesotho 1909/1961 (SO)

⁵ Rubene ke mora wa letsibolo wa Iseraele. Bana ba Rubene ke Henoke; ka yena ho hlahile ntlo ya Bahenoke; Pallu le ntlo ya Bapallu;

BIBELE

⁵ Rubene, letsibolo la Jakobo. Bara ba Rubene ke Hanoke, ya tswetseng morabe wa Hanoke; le Palo, ya tswetseng morabe wa Palo;

Numere 26:5 Referencias Cruzadas

Genese 29:32

Lea a emola, a tswala mora, a mo rea lebitso la Rubene (bonang mora), kahobane a ne a re: Jehova o tadimile ho hlora ha ka, mme jwale monna wa ka o tla nthata.

Genese 35:22

Yare Iseraele ha a sa aheletse naheng eo, Rubene a ya robala le Bilha, serethe sa ntatae; mme Iseraele a utlwa taba eo.

Genese 35:23

Bara ba Jakobo ba ne ba le leshome le metso e mmedi. Bara ba Lea ke Rubene, mora wa Jakobo wa letsibolo, le Simeone, le Levi, le Juda, le Issaskare, le Sabulone.

1 Dikronike 5:1

Bana ke bara ba Rubene, letsibolo la Iseraele. E ne e le yena letsibolo; empa kahobane a ne a silafaditse malao a ntatae, boholo ba hae ba ho tswalwa bo ne bo neilwe bara ba Josefa, mora Iseraele; leha ho le jwalo, e ne e se hore Josefa a ngolwe mangolong a meloko ka ho re o na le boholo ba ho tswalwa.

1 Dikronike 5:3

Bara ba Rubene, letsibolo la Iseraele, ke Henoke, Pallu, Hetsrone, le Karmi.

Eksoda 6:14

Dihlooho tsa matlo a bontata bona ke tsena: Bara ba Rubene, letsibolo la Iseraele: Henoke, Pallu, Hetsrone le Karmi. Mefuta ya Rubene ke yona eo.

Numere 1:20

Bara ba Rubene, letsibolo la Iseraele, ba ngolwa ka meloko ya bona, le ka matlo a bona, le ka matlo a bontata bona; mabitso a ba batona bohle ka bonngwe, ho qala ka ba dilemo tse mashome a mabedi, ho isa ho ba fetang moo, banna bohle ba ka yang ntweng.

Numere 26:4

ba re: Ho balwe ba dilemo tse mashome a mabedi le ba ka pele ho moo, kamoo Jehova a laetseng Moshe kateng, mohla Baiseraele ba tswileng naheng ya Egepeta.

Numere 26:6

Hetsrone le ntlo ya Bahetsrone; Karmi le ntlo ya Bakarmi.