Nehemia 11:1 - Sesotho 1909/1961 (SO)

¹ Dihlooho tsa setjhaba, tsona di ne di se di ahile Jerusalema; haele ba bang ba setjhaba, ha laolwa ka lotho hore hara ba leshome e mong a tle a ahe Jerusalema, motseng o halalelang, ba bang ba robileng mono o le mong ba ahe metseng.

BIBELE

¹ Baetapele ba setjhaba ba aha Jerusalema. Setjhaba sona sa etsa lotho, ho kgetha motho a le mong ho ba leshome, hore a yo aha Jerusalema, e leng motse o halalelang; ba robong, ho ba leshome, bona ba ahe metseng e meng.

Nehemia 11:1 Referencias Cruzadas

1 Dikronike 26:13

Ba laolelwa monyako o mong le o mong ka lotho, ho qala ka e monyenyane ho isa ho e moholo, ka ho ya ka matlo a bontata bona.

1 Dikronike 8:28

Bao ke dihlooho tsa matlo a bontata bona, melokong ya bona; ke dihlooho. Ba ne ba ahile Jerusalema.

1 Dikronike 9:1

Baiseraele kaofela ba balwa jwalo masikeng a bona; ba ngodilwe bukeng ya marena a Iseraele. Haele Juda, a iswa kgolehong Babilona ka baka la meikgantsho ya hae.

1 Dikronike 9:2

Haele ba kileng ba aha ha bona pele, metseng ya bona, e ne e le Baiseraele, le baprista, le Balevi le Banethinime.

1 Dikronike 9:3

Jerusalema, ha aha ba bang ba bara ba Juda, le ba bara ba Benjamine, le ba bara ba Efraime le Manasse,

Nehemia 10:34

Ra laola ka lotho bakeng sa kabelo ya dipatsi, rona, le baprista, le Balevi, le ba bang ba setjhaba, hore, ka ho ya ka matlo a bontata rona, di tliswe tlung ya Modimo wa rona, ka dinako tse beilweng, ka dilemo tsohle, ho tla beswa aletareng ya Jehova, Modimo wa rona, kamoo ho ngodilweng kateng, molaong;

Nehemia 11:18

Kaofela ha Balevi ba neng ba le motseng o halalelang ba ne ba etsa makgolo a mabedi a mashome a robileng meno e le mmedi a metso e mene.

Nehemia 4:22

Hape, mohlang oo, ka re ho setjhaba: E mong le e mong a ke o hlole bosiu le bahlanka ba hae kahare ho Jerusalema, hore bosiu ba tle ba re thuse ho lebela, mme motshehare ba tshware mosebetsi.

Dipesaleme 122:5

Hobane diterone di beilwe teng, e be ditulo tsa kahlolo, diterone tsa ntlo ya Davida!

Dipesaleme 122:6

Rapellang kgotso ya Jerusalema! Ho atlehe ba o ratang!

Diproverbia 16:33

Lotho e pjatlanngwa kobong; empa se bolelwang ke yona se tsejwa ke Jehova feela.

Isaia 48:2

Hobane ba itheella lebitso ka motse o halalelang, ba itshematlela ka Modimo wa Iseraele, oo lebitso la wona e leng Jehova wa makgotla.

Isaia 52:1

Tsoha, tsoha, o ikapese ka matla, wena Sione, o apare diaparo tsa hao tsa bokgabane, wena Jerusalema, motse o halalelang! Hobane ha ho leqai, leha e le ya ditshila ya sa tlang ho hlola a kena ho wena jwale.

Mattheu 27:53

Eitse hobane ba tswe mabitleng, kamora tsoho ya hae, ba kena motseng o halalelang, mme ba ipontsha ho ba bangata.

Mattheu 4:5

Jwale, Diabolose a mo nkela motseng o halalelang, a mmea hlorong ya tempele,

Diketso 1:24

Ba rapela, ba re: Oho, Morena, wena ya tsebang dipelo tsa bohle, e be wena o supang eo o mo kgethileng ho ba babedi bana;

Diketso 1:26

Jwale ba laola ka lotho; lotho ya ntsha Mathiase, a ba a kenngwa palong ya baapostola ba leshome le motso o mong.

Joshua 18:10

Moo Silo, Joshua a ba laolela pela Jehova; mme Joshua a abela bana ba Iseraele naha ka dikarolo tsa bona.