Mikea 1:6 - Sesotho 1909/1961 (SO)

⁶ Ka baka leo, ke tla fetola motse wa Samaria, o be jwaloka sefika sa majwe se pela tshimo, le moo ho ka lengwang merara; ke tla akgela majwe a wona thotaneng, ke kwaholle metheo ya wona;

BIBELE

⁶ “Ka baka leo, Samaria ke tla e fetola lesupi, dirapa tsa morara di lengwe teng; majwe a yona ke tla a akgela ka kgohlong, metheo ya yona e sale poyaneng.

Mikea 1:6 Referencias Cruzadas

2 Samuele 17:13

Leha a itshabela motseng o mong, Baiseraele bohle ba tla tlisa marapo motseng oo, re o hulele nokeng, ho fihlela ho sa fumanwe lejwe la teng leha le le leng.

2 Marena 18:10

Ha dilemo tse tharo di fetile, a o hapa; ka selemo sa botshelela sa Esekiase, e leng selemo sa boroba mono o le mong sa Osea, morena wa Iseraele, Samaria wa hapuwa.

2 Marena 18:9

Ka selemo sa bone sa ho busa ha Esekiase, e leng selemo sa bosupa sa Osea, mora Ela, morena wa Iseraele, Salmanasare, morena wa Assiria, a futuhela Samaria, a o thibella.

2 Marena 19:25

Hleka ha o a ka wa utlwa hore ke kgale ke entse taba eo, ke e rerile mehleng ya boholoholo na? Jwale, ke a e hlahisa, le wena o mona hore o fedise metse e marako, o e fetole diqubu tsa dithako.

Isaia 17:1

Boporofeta hodima Damaseka: Bonang, Damaseka o se a tla leswa ho balwa palong ya metse, a fetohe qubu ya dithako.

Isaia 25:12

O tla heletsa diqhobosheane tsa marako a hao a phahamileng; o tla di rapalatsa fatshe, leroleng.

Isaia 25:2

Hobane o entse motse sefika sa majwe, qhobosheane e se e le qubu ya lesupi; meaho ya basele ha e sa le motse, ha e sa tla hlola e tsoswa.

Jeremia 31:5

O sa tla be o leme merara dithabeng tsa Samaria; balemi ba yona ba tla e lema, ba itjelle tsa yona.

Jeremia 51:25

Bona, ke tla ho wena, thaba e senyang, ho bolela Jehova, wena ya senyang lefatshe kaofela; ke tla otlolla letsoho la ka hodima hao, ke o dihe mafikeng, ke o fetole thaba e tjhesitsweng;

Jeremia 51:37

Babilona o tla etswa diqubu tsa majwe, leaho la diphokojwe, makatso le sesomo, moo ho seng moahi teng.

Jeremia 9:11

Ke tla etsa Jerusalema diqubu tsa majwe, letsaba la diphokojwe, le metse ya Juda ke e etse lesupi le hlokang moahi.

KOLI-YA-MALLA 4:1

Na kgauta e hlile e a fifala jwang? Kgauta e lekilweng e fetohile mmala jwang! Majwe a sehalalelo a hasane keng dikoung tsa mapatlelo wohle na?

Ezekiele 13:14

Ke tla heletsa lerako leo le le ditseng ka seretse, ke le rapalatse fatshe, metheo ya lona e apolwe; le tla wa, mme lona le tla timeletswa kaofela hammoho le lona, le tle le tsebe hoba ke nna Jehova.

Hosea 13:16

Samaria o tla kgalemelwa, hobane o ikgantshitse ho Modimo wa hae. Ba tla bolawa ke lerumo, masea a bona a pshatlwe, basadi ba bona ba emereng ba petsolwe.

Amose 5:11

Ka baka leo, kahobane le hatakela e monyenyane, le nka koro ya hae ka ho mo tuba, leha le hahile matlo ka majwe a betlilweng, le ke ke la dula ho wona; leha le hlomile masimo a matle a merara, le ke ke la nwa veine ya wona.

Amose 6:8

Morena Jehova o hlapantse ka moya wa hae, o re: Ho itswe ke Jehova, Modimo wa makgotla: Ke hloile boikgohomoso ba Jakobo, matlo a hae a borena ke a a ila; ke tla neela dira motse le tsohle tse ho wona.

Mikea 3:12

Ka baka leo, ka molato wa lona, Sione o tla lengwa jwaloka tshimo, Jerusalema a fetohe diqubu tsa majwe, le thaba ya ntlo ya Jehova e fetohe thaba ya meru.

Habakuke 3:13

O tswela ho pholosa setjhaba sa hao, ho pholosa motlotsuwa wa hao! O thuhaka hlooho ya ntlo ya e mobe, o be o kwaholle metheo ya yona, o e senye ho isa marulelong. (Sela.)

Mattheu 24:2

Empa Jesu a re: Le a di bona ntho tseo tsohle? Kannete ke re ho lona: Ha ho ka ke ha leswa teng lejwe hodima lejwe le leng, le sa heletswang.