Mattheu 6:25 - Sesotho 1909/1961 (SO)

²⁵ Ke moo ke reng ho lona: Le se ke la belaela ka tsa ho phela ha lona, ka seo le tla se ja, le ka seo le tla se nwa; leha e le ka sa mmele ya lona, ka seo le tla se apara. Na bophelo ha bo fetise dijo na? Na mmele ha o fetise seaparo na?

BIBELE

²⁵ “Ka baka leo, ke re ho lona: Le se ke la itshwenya ka bophelo ba lona, hore na le tla jang, kapa le tla nwang, leha e le ka mmele ya lona, hore na le tla aparang. Ana bophelo ha bo fete dijo, le mmele ha o fete diaparo ka bohlokwa na?

Baasraak Sotho NT

²⁵ Ka baka leo, ke re ho lona: Le se ke la itshwenya ka bophelo ba lona, hore na le tla ja eng, kapa le tla nwa eng; leha e le bakeng sa mmele ya lona, seo le tla se apara. Na bophelo ha bo fete dijo, le mmele ho feta diaparo na?

Contemporary Southern Sotho Bible 2024

²⁵ Ka baka leo, ke re ho lona: Le se ke la itshwenya ka bophelo ba lona, hore na le tla ja eng, kapa le tla nwa eng; leha e le bakeng sa mmele ya lona, seo le tla se apara. Na bophelo ha bo fete dijo, le mmele ho feta diaparo na?

Mattheu 6:25 Referencias Cruzadas

Dipesaleme 55:22

Jarisa Jehova phahlo tsa hao, mme o tla o tshehetsa; a ke ke a dumela hore ya lokileng a nne a sisinngwe.

Jeremia 45:5

Mme wena, na o ka ipatlela boholo na? O se ke wa ipatlela jona, hobane bona, ke ya tlisa bobe hodima batho bohle, ho bolela Jehova; empa ke tla o nea bophelo ba hao, e be kgapo ya hao nqalong tsohle moo o ka yang teng.

Mattheu 10:19

Empa mohla ba le neelang bona, le se ke la belaella mokgwa oo le tla bua ka wona, le seo le tla se bolela; hobane seo le tla se bolela, le tla se newa nakong yona eo.

Mattheu 13:22

Haele ya e amohetseng hara meutlwa, ke ya utlwang lentswe; empa ho belaella dintho tsa lefatshe lena, le ho thetsa ha lefumo, ho pupetsa lentswe, mme le nyope.

Mattheu 6:31

Ke moo ke reng: Le se ke la belaela ka ho re: Re tla jang? kapa, re tla nwang? kapa, re tla ikapesa kang?

Mattheu 6:34

Ka baka leo, le se ke la belaella tsa hosasane; hobane hosasane ho tla ipatlela se sa hona. Letsatsi ka leng le lekanwa ke tsietsi ya lona.

Mareka 13:11

Mohla ba le hulang ho le isa kahlolong, le se ke la belaela pele ka seo le tla se bolela, mme le se ke la se nahana, empa seo le tla se newa nakong yona eo, le bolele sona; hobane e ke ke ya eba lona le buang, empa e tla ba Moya o Halalelang.

Mareka 4:19

empa ho belaella tsa lefatshe, le thetso ya lefumo, le ditakatso tsa dintho tse ding, di kene, di pupetse lentswe, mme le nyope.

Luka 12:11

Etlare ha ba le isa masinagogeng, le pela baholo le babusi, le se ke la belaella mokgwa oo le tla ikarabela ka wona, leha e le seo le tla se bolela;

Luka 8:14

Tse wetseng meutlweng, ke ba utlwileng lentswe; empa ha ba ntse ba eya, ba pupetswa ke dipelaelo tsa lefatshe, le lerato la lefumo, le menyaka ya bophelo bona, mme ba se ke ba beha dijo.

Baroma 8:32

Wona o sa kang wa qenehela Mora wa wona wa sebele, wa mpa wa mo tella rona bohle, na o ke ke wa re sitsa ka dintho tsohle le yena na?

1 Bakorinthe 7:32

Nka rata hore le hloke pelaelo. Ya sa nyalang o hlokomela tseo e leng tsa Morena, le kamoo a ka kgahlisang Morena kateng.

BaFilipi 4:6

Le se ke la belaella letho; empa nthong tsohle seo le se batlang, le ke le se tsebise Modimo ka thapelo le ka kopo e nang le teboho.

2 Timothea 2:4

Ya yang ntweng ha a itshitse ka ditaba tsa bophelo bona, a tle a kgahlise ya mo memileng.

1 Petrose 5:7

Lahlelang dipelaelo tsohle tsa lona hodima wona; hobane o a le hlokomela.