Mattheu 4:24 - Sesotho 1909/1961 (SO)

²⁴ Botumo ba hae ba utlwahala Siria yohle; ha tliswa ho yena bohle ba seng monate ke malwetse a mefutafuta, le ba tshwerweng ke mafu, le ba nang le bademona, le ba jewang ke sethwathwa, le ba omeletseng ditho; mme a ba fodisa.

BIBELE

²⁴ Setumo sa hae sa utlwahala Siria yohle, mme ha tliswa ho yena bohle ba jewang ke mafu a mefutafuta, ba imetsweng ke mahloko, ba nang le bademona, ba shwang sethwathwa, le diritsa, mme a ba fodisa.

Baasraak Sotho NT

²⁴ Tumo ya hae ya utlwahala naheng yohle ya Siria, mme ha tliswa ho yena bohle ba kulang, ba tshwerweng ke malwetse a mefutafuta, le mahloko, le ba nang le batemona, le ba tshwerweng ke bolwetsi, le ba shweleng ditho; mme a ba fodisa.

Contemporary Southern Sotho Bible 2024

²⁴ Tumo ya hae ya utlwahala naheng yohle ya Siria, mme ha tliswa ho yena bohle ba kulang, ba tshwerweng ke malwetse a mefutafuta, le mahloko, le ba nang le batemona, le ba tshwerweng ke bolwetsi, le ba shweleng ditho; mme a ba fodisa.

Mattheu 4:24 Referencias Cruzadas

2 Samuele 8:6

Davida a ntoo bea bahlabani naheng ya Siria ya Damaseka, mme Basiria ya eba bafo ba Davida, ba mo ntshetsa lekgotho. Jehova a nna a boloka Davida jwalo hohle moo a yang.

1 Marena 10:1

Mofumahadi wa Sheba a re a sa utlwa botumo ba Salomone bo hlahileng ka lebitso la Jehova, a tla ho mo leka ka dilotho.

1 Marena 4:31

A feta batho bohle ka bohlale, a feta le Ethane wa Esra, le Hemane, le Kalkole, le Darda, bara ba Mahole; mme lebitso la hae la tuma ditjhabeng tsohle tse kamathoko.

1 Dikronike 14:17

Botumo ba Davida ba hasana naheng tsohle, mme Jehova a mo etsa ya tshajwang ke ditjhaba tsohle.

1 Dikronike 29:2

Ke lokiseditse ntlo ya Modimo wa ka, ka matla wohle a ka, kgauta ya ho etsa tsa kgauta, le silefera ya ho etsa tsa silefera, le koporo ya ho etsa tsa koporo, le tshepe ya ho etsa tsa tshepe, le difate tsa ho etsa tsa difate; le mahakwe a onikse, le mahakwe a tla bewa dikoomaneng, le mahakwe a benyang le a mebalabala, le mahakwe a mang a mefuta a bohlokwa, le majwe a maramore e tshweu a mangata.

Eksoda 15:26

a re: Ekare ha o mamedisisa lentswe la Jehova, Modimo wa hao, o etsa se lokileng mahlong a hae, o sekehela taelong ya hae tsebe, o boloka melao yohle ya hae, etlaba mafu kaofela ao ke a tlisitseng hodima Baegepeta, ha ke sa a tlisa hodima hao, hobane ke nna Jehova, mooki wa hao.

Mattheu 12:22

Yaba ho tliswa ho Jesu motho ya nang le motemona, e le sefofu se semumu, a mo fodisa; mme jwale, sefofu se semumu sa bua, le hona sa bona.

Mattheu 14:1

Mehleng eo, Heroda moteterareke a utlwa botumo ba Jesu.

Mattheu 15:22

Teng ha hlaha mosadi wa Mokanana, ya tswang mathokong ao, a howa, a re: Nkutlwele bohloko, Morena, mora Davida! Moradi wa ka o tshwenngwa hampe ke motemona.

Mattheu 17:15

a re: Morena, utlwela mora ka bohloko; hobane o jewa ke sethwathwa, mme o kula hampe; hobane hangata o wela mollong, mme hangata a wele metsing.

Mattheu 17:18

Mme Jesu a kgalemela motemona haholo; motemona a tswa ngwaneng eo, mme ngwana a fola ka yona nako eo.

Mattheu 4:23

Jesu a ya le Galelea yohle, a ntse a ruta masinagogeng a teng, a bolela Evangeli ea mmuso, a fodisa malwetse wohle le mefokolo yohle e ho batho.

Mattheu 8:28

Yare ha a fihlile mose wane, naheng ya Bagadarene, a kgahlanyetswa ke batho ba babedi ba nang le batemona, ba tswa mabitleng; e ne e le ba hlanyang hampe, hoo ho neng ho se motho ya ka betang pelo ho feta ka tsela eo.

Mattheu 8:33

Yaba badisa ba baleha; ha ba fihla hae, motseng, ba bolela ditaba tseo tsohle, le tse hlahetseng ba neng ba ena le batemona.

Mattheu 8:6

a re: Morena, mohlanka wa ka o rapaletse tlung; o omeletse ditho, mme o kula hampe.

Mattheu 9:26

Mme taba eo ya tuma lefatsheng leo lohle.

Mattheu 9:35

Jesu a tsamaya, a tjhalakela metse yohle le metsana, a ruta masinagogeng a teng, a bolela Evangeli ya mmuso, a fodisa malwetse wohle le mefokolo yohle.

Mareka 1:28

Mme lebitso la Jesu la phakisa la tuma ka nqa tsohle naheng ya Galelea.

Mareka 1:32

Yare mantsiboya, ha tsatsi le dikela, ha tliswa ho Jesu bohle ba seng monate le ba nang le batemona.

Mareka 2:3

Ha fihla ba tlisang ho yena motho ya omeletseng ditho, a jerwe ke batho ba bane.

Mareka 2:4

Mme kahobane ba ne ba sitwa ke bongata ho atamela Jesu, ba phunya marulelo a ntlo eo a leng ho yona, mme ha ba a phuntse, ba lepelletsa diphate tseo ya omeletseng ditho a robetseng ho tsona.

Mareka 2:9

Na haele ho re ho ya omeletseng ditho: O tshwaretswe dibe tsa hao, e le ho re: Ema, nka diphate tsa hao, o tsamaye, ho bonolo ke hofe na?

Luka 2:2

Palo eo ke ya pele, ya etswa Kuirine e le mmusisi wa Siria.

Luka 4:14

Yaba Jesu o boela Galelea ka matla a Moya; mme botumo ba hae ba utlwahala mathokong wohle a naha eo.

Luka 4:38

Yaba o tswa sinagogeng, a kena tlung ya Simone. Mohwehadi wa Simone o ne a tshwerwe ke febere e kgolo; ba mo rapella ho yena.

Luka 5:15

Botumo ba hae ba eketsa ho ata, mme matshwele a maholo a tla hammoho ho mo utlwa, le ho fodiswa malwetse a bona ke yena.

Luka 5:24

Jwale, — hore le tle le tsebe hobane Mora motho o na le matla lefatsheng a ho tshwarela dibe, — a re ho ya omeletseng ditho: Ke re ho wena: Ema, o nke diphate tsa hao, o ikele tlung ya hao.

Luka 7:17

Taba eo a bolelwang ka yona ya tuma Judea yohle le naheng yohle e kamathoko.

Johanne 10:21

Ba bang ba ne ba re: Ditaba tseo hase tsa motho ya nang le motemona. Na motemona a ka tutubolla mahlo a difofu na?

Diketso 10:38

kamoo Modimo o tlotsitseng ka Moya o Halalelang kateng, le ka matla Jesu wa Nasaretha, ya neng a tsamaya hohle, a ntse a etsa hantle, a fodisa bohle ba hataketsweng ke Diabolose; hobane Modimo o ne o ena le yena.

Diketso 15:23

Ba ba ba ngola ka bona, ba re: Re le baapostola le baholo le baena, dumelang, lona baena ba ditjhaba tsa Antioke, tsa Siria, le tsa Silisia!

Diketso 15:41

Mme a etela dinaha tsa Siria le tsa Silisia, a ntse a tiisa dikereke tsa teng.

Diketso 28:9

Tseo ha di le jwalo, bohle ba sehlekehlekeng ba kulang ba tla, mme ba fodiswa.

Diketso 8:7

Hobane meya e ditshila e ne e tloha ho ba bangata ba kenweng ke yona, e howa ka lentswe le leholo; le ba bangata ba neng ba omeletse ditho le diritsa ba fodiswa.

Joshua 6:27

Jehova a nna a ba le Joshua, mme a tuma lefatsheng lohle.