Mattheu 25:44 - Sesotho 1909/1961 (SO)

⁴⁴ Ke moo le bona ba tla mo araba, ba re: Morena, ke neng re kileng ra o bona o lapile, leha o nyorilwe, leha o le moeti, leha o hlobotse, leha o baba, leha o le teronkong, mme re sa ka ra o thusa?

BIBELE

⁴⁴ “Ke moo ba tla mo araba le bona, ba re: ‘Morena, ke neng re ileng ra o bona o lapile, o nyorilwe, o le moeti, o hlobotse, o kula, kapa o le tjhankaneng, yaba ha re o etsetse letho?’

Baasraak Sotho NT

⁴⁴ Jwale le bona ba tla mo araba, ba re: Morena, ke neng re ileng ra o bona o lapile, kapa o nyorilwe, kapa o le moeti, kapa o hlobotse, kapa o kula, kapa o le teronkong, mme ra se ke ra o sebeletsa?

Contemporary Southern Sotho Bible 2024

⁴⁴ Jwale le bona ba tla mo araba, ba re: Morena, ke neng re ileng ra o bona o lapile, kapa o nyorilwe, kapa o le moeti, kapa o hlobotse, kapa o kula, kapa o le teronkong, mme ra se ke ra o sebeletsa?

Mattheu 25:44 Referencias Cruzadas

Jeremia 2:23

O ka bolela jwang, wa re: Ha ke a ka ka itshilifatsa, ha ke a ka ka latela boBaale? Shadima tsela ya hao phuleng, o tle o itsebele seo o se entseng, wena sethole se lebelo sa kamele se mathang mane le mane!

Jeremia 2:35

Leha ho le jwalo, o re: Tjhe, ha ke na molato; efela kgalefo ya hae e nkgelohile! Bona, ke o tsekisa kahobane o bile o re: Ha ke a ka ka etsa sebe.

Malakia 1:6

Mora o hlonepha ntatae, le mohlanka o hlonepha morena wa hae. Haeba ke ntata lona, e kae hlonepho e ntokelang? Ha ke le morena wa lona, e kae tshabo eo le ntshabang ka yona? ho bolela Jehova wa makgotla ho lona baprista ba nyedisang lebitso la ka; athe le re: Re nyedisa lebitso la hao kang?

Malakia 2:17

Le kgathatsa Jehova ka mantswe a lona, mme le re: Re mo kgathatsa kang? ... Ke ha le re: E mong le e mong ya etsang hampe o molemo mahlong a Jehova, mme ke bona bao a kgahlwang ke bona! kapa ha le re: O kae Modimo wa kahlolo?

Malakia 3:13

Mantswe a lona a ikgantsha hodima ka, ho bolela Jehova; mme le re: Re buisana ka dife hodima hao?

Mattheu 10:41

Ya amohelang moporofeta, kahoba a ena le lebitso la moporofeta, o tla newa moputso wa moporofeta; le ya amohelang ya lokileng, kahoba a ena le lebitso la ya lokileng, o tla newa moputso wa ya lokileng.

Mattheu 25:43

ke na be ke le moeti, mme ha le a ka la nkenya tlung ha lona; ke na be ke hlobotse, mme ha le a ka la nkapesa; ke na be ke le pabong, le teronkong, mme ha le a ka la tla mpona.

Mattheu 25:45

Ke moo a tla ba araba, a re: Kannete ke re ho lona: Erekaha le sa ka la etsa jwalo ho e mong wa ba banyenyane bana, ha le a ka la nketsa jwalo le nna.

Mattheu 5:6

Ho lehlohonolo ba lapelang ho loka, ba nyoretsweng hona; hobane ba tla kgoriswa.

Mattheu 7:22

Tsatsing leo, ba bangata ba tla re ho nna: Morena, Morena, na ha re a ka ra porofeta ka lebitso la hao na? Na ha re a ka ra leleka bademona ka lebitso la hao na? Na ha re a ka ra etsa mehlolo e mengata ka lebitso la hao na?

Luka 10:29

Empa yena, kahobane a rata ho ipea ya lokileng, a re ho Jesu: Mme wa heso ke mang na?