Mareka 11:13 - Sesotho 1909/1961 (SO)

¹³ A bonela hole sefate sa feiye se nang le mahlaku, a ya ka ho re, mohlomong a ka fihlela ho hong ho sona; empa, ha a fihla ho sona, a se ke a fumana letho, haese mahlaku feela; hobane e ne e se nako ya difeiye.

BIBELE

¹³ A sa le hole, a bona sefate sa feiye se nang le mahlaku, mme a ya sheba hore na a ke ke a fumana ho hong ho sona. Empa ha a fihla ho sona, a se ke a fumana letho haese mahlaku feela, hobane e ne e se nako ya difeiye.

Baasraak Sotho NT

¹³ Mme a bonela hojana sefate sa feiye se nang le mahlaku, a ya, a re mohlomong a ka fumana ho hong ho sona; hobane e ne e se nako ya difeiye.

Contemporary Southern Sotho Bible 2024

¹³ Mme a bonela hojana sefate sa feiye se nang le mahlaku, a ya, a re mohlomong a ka fumana ho hong ho sona; hobane e ne e se nako ya difeiye.

Mareka 11:13 Referencias Cruzadas

Isaia 5:2

A e lema, a tlosa majwe ho yona, a hloma merara e kgethilweng, a haha tora hara yona, a epela sehatelo teng; a tshepa hore e tla bea ditholwana tse monate, empa e beile tse babang.

Isaia 5:7

Ruri, tshimo ya merara ya Jehova wa makgotla ke ntlo ya Iseraele, banna ba Juda ke ditlama tseo a neng a kgahliswa ke tsona; o ne a lebeletse ho loka, empa a bona hloriso, a lebella kahlolo, empa a bona mohoo wa hloreho.

Mattheu 21:19

A bona sefate sa feiye se pela tsela, a ya ho sona, empa a se ke a fumana letho ho sona, haese mahlaku feela; a re ho sona: Ho se ke ha ba ha hlaha tholwana ho wena le ka ho sa feleng. Yaba sefate sa feiye se omella hanghang.

Mareka 11:12

Yare ka hosasane, ha ba etswa Bethania, a lapa.

Mareka 11:14

A bua, a re ho sona: Ho qala jwale, ho se be motho ya sa tla hlola a eja tholwana tsa hao le ka ho sa feleng! Mme barutuwa ba hae ba utlwa.

Luka 10:31

Moprista a tshoha a theoha ka tsela eo; yare ha a mmona, a mo kwekwetla.

Ruthe 2:3

Yaba o tloha, a ya thonaka masimong, a ntse a setse ba helang morao, mme a tshoha a nepisitswe tshimo ya Boase wa lesika la Elimeleke.

1 Samuele 6:9

Ha le bona hobane e ya Bethe-Shemeshe, ka tsela ya habo yona, etlaba ke yena ya re hlahiseditseng kotsi ena e kgolo; ha ho se jwalo, re tla tseba hobane hase letsoho la hae le re otlileng, empa e le taba e re hlahetseng feela.