Luka 7:7 - Sesotho 1909/1961 (SO)

⁷ Ke ka baka leo ke itekantseng ya sa tshwaneleng ho ya ho wena; o mpe o bue polelo, mme mohlanka wa ka o tla fola.

BIBELE

⁷ ka baka leo, ha ke a ka ka iphumana ke lokelwa ke ho tla ho wena; mpe o bue feela, mme mohlanka wa ka o tla fola.

Baasraak Sotho NT

⁷ Ka baka leo, ha ke a ka ka ipona ke tshwanela ho tla ho wena, empa bua lentswe, mme mohlanka wa ka o tla fola.

Contemporary Southern Sotho Bible 2024

⁷ Ka baka leo, ha ke a ka ka ipona ke tshwanela ho tla ho wena, empa bua lentswe, mme mohlanka wa ka o tla fola.

Luka 7:7 Referencias Cruzadas

Dipesaleme 107:20

a romela lentswe la hae, a ba fodisa, a ba ntsha mabitleng a bona.

Dipesaleme 33:9

Hobane, ha a bua, ho ye ho hlahe ntho; leha a laela, e ye e be teng.

Eksoda 15:26

a re: Ekare ha o mamedisisa lentswe la Jehova, Modimo wa hao, o etsa se lokileng mahlong a hae, o sekehela taelong ya hae tsebe, o boloka melao yohle ya hae, etlaba mafu kaofela ao ke a tlisitseng hodima Baegepeta, ha ke sa a tlisa hodima hao, hobane ke nna Jehova, mooki wa hao.

Mareka 1:27

Ba makala bohle, ba botsana, ba re: Keng hoo? Ke thuto e ntjha, e matla. O kgalemela le yona meya e ditshila, mme e a mo utlwa.

Luka 4:36

Ba makala bohle, ba botsana, ba re: Lentswe lena ke eng, ha a kgalemela meya e ditshila ka borena le ka matla, mme e etswa?

Luka 5:13

A nanabetsa letsoho, a mo ama, a re: Ke a rata, o ntlafale. Mme lepera la hla la tloha hang ho yena.

Luka 7:6

Yaba Jesu o ya le bona. Ha a se a le haufi le ntlo, molaodi wa lekgolo a roma metswalle ya hae ho yena, ho re ho yena: Morena, o se ke wa ikgathatsa; hobane ha ke a tshwanela hore o kene tlung ya ka.

Luka 7:8

Hobane le nna, ke leng motho ya laolwang ke ba bang, ke na le bahlabani ba katlase ho nna; ha ke re ho e mong: Eya, o a ye: Le ho e mong: Tloo, o a tle; le ho mohlanka wa ka: Etsa hoitseng, o a ho etse.

Deuteronoma 32:39

Tadimang jwale hobane ke nna, e, ke nna feela, mme ha ho modimo o mong, haese nna; ke a bolaya, mme ke a phedisa; ke etsa leqeba, mme ke a le fodisa; ha ho motho ya ka o namolelang letsohong la ka.

1 Samuele 2:6

Jehova o a timetsa, mme o a pholosa, o theosetsa lebitleng, mme o nyolla teng.