Luka 6:47 - Sesotho 1909/1961 (SO)

⁴⁷ E mong le e mong ya tlang ho nna, ya utlwang dipolelo tsa ka, mme a di etsa, ke tla le lekanyetsa eo a tshwanang le yena.

BIBELE

⁴⁷ Mang le mang ya tlang ho nna, a utlwa dipolelo tsa ka, a di phetha, ke tla le bontsha hore na o tshwana le mang.

Baasraak Sotho NT

⁴⁷ E mong le e mong ya tlang ho nna, a utlwa dipolelo tsa ka, mme a di etsa, ke tla le bontsha eo a tshwanang le yena.

Contemporary Southern Sotho Bible 2024

⁴⁷ E mong le e mong ya tlang ho nna, a utlwa dipolelo tsa ka, mme a di etsa, ke tla le bontsha eo a tshwanang le yena.

Luka 6:47 Referencias Cruzadas

Isaia 55:3

Sekehang ditsebe, le tle ho nna! Mamelang, meya ya lona e tle e phele! Mme ke tla le sitsa ka selekane sa kamehla sa mehau e tiileng e baletsweng Davida.

Mattheu 12:50

Hobane e mong le e mong ya tla etsa thato ya Ntate ya mahodimong, ke yena e leng ngwaneso, le kgaitsedi ya ka le mmè.

Mattheu 17:5

A re a sa bua, leru le kganyang la hlaha, la ba kgurumetsa, mme ha utlwahala lentswe le tswang lerung, le re: Enwa ke Mora wa ka ya ratwang, eo ke kgahliswang ke yena; mo utlweng!

Luka 11:28

A mpa a re: E, empa haholo ho lehlohonolo ba utlwang lentswe la Modimo, mme ba le boloka.

Luka 14:26

Ekare ha e mong a etla ho nna a sa hloye ntatae, le mmae, le mosadi wa hae, le bana ba hae, le banababo, le bokgaitsedie, le bona bophelo ba hae, o sitwa ho ba morutuwa wa ka.

Luka 6:48

O tshwana le motho ya hahang ntlo, eo, eitseng ha a tjheka moralo, a o etsa sekoti, a e thea letlapeng; yare sekgohola ha se etla, phororo ya otla ntlo eo, empa e se ke ya e sisinya, kahobane e theilwe letlapeng.

Luka 8:13

Ba majweng, ke bao e reng ha ba utlwile, ba amohele lentswe ka thabo; empa bao ha ba na metso, ke ba dumelang ka mehla e seng mekae; mme ere mohla moleko, ba kwenehe.

Luka 8:8

Tse ding tsa wela mobung o motle; tsa mela, tsa beha ha lekgolo. Yare hobane a bolele tseo, a howa, a re: Ya nang le ditsebe ho utlwa, a utlwe.

Johanne 10:27

Dinku tsa ka di utlwa lentswe la ka; ke a di tseba, mme di a ntatela.

Johanne 13:17

Ekare ha le tseba taba tseo, le lehlohonolo ha le di etsa.

Johanne 14:15

Ekare ha le nthata, bolokang melao ya ka.

Johanne 5:40

Empa ha le rate ho tla ho nna le tle le be le bophelo.

Johanne 6:35

Jesu a re ho bona: Ke nna bohobe ba bophelo; ya tlang ho nna a ke ke a lapa, mme ya dumelang ho nna a ke ke a nyorwa le ka mohla o le mong.

Johanne 6:37

Hohle hoo ke ho newang ke Ntate, ho tla fihla ho nna; mme ya tlang ho nna, nke ke ka mo lahlela ntle.

Johanne 8:52

Yaba Bajuda ba re ho yena: Jwale, re a tseba hobane o na le motemona; Abrahama o shwele, le bona baporofeta; mme wena o re: Ekare ha motho a boloka lentswe la ka, a ke ke a utlwa lefu le ka mohla o le mong.

BaHebheru 5:9

Mme jwale, ha a phethehile, o entswe moetsi wa poloko e sa feleng ho bohle ba mo utlwang,

Jakobo 4:17

Efela ya tsebang ho etsa botle, mme a sa bo etse, yena o etsa sebe.

1 Petrose 2:4

Le tle ho yena, e leng lejwe le phelang, le neng le lahlilwe ke batho, athe ho Modimo ke le kgethilweng, la bohlokwa;

2 Petrose 1:10

Ha ho le jwalo, banabeso, le mpe le tiye matla ke hona ho tiisa ho bitswa le ho kgethwa ha lona; hobane ha le ka etsa jwalo ke moo le ke keng la kgoptjwa le ka mohla o le mong.

1 Johanne 2:29

Ha le tseba hobane o lokile, le ke le tsebe hoba e mong le e mong ya etsang ho lokileng, o tswetswe ke yena.

1 Johanne 3:7

Bana, le se ke la thetswa ke motho: Ya etsang ho lokileng o lokile, jwalokaha le yena a lokile;

Tshenolo 22:14

Ho lehlohonolo ba hlatswang diaparo tsa bona, ba tle ba lokele ho ja sefate sa bophelo, mme ba kene motseng ka menyako ya wona.