Levitike 17:4 - Sesotho 1909/1961 (SO)

⁴ a sa e tlise monyako wa tente ya pokano hore e be nyehelo ho Jehova pela tabernakele ya Jehova, madi a yona e tla ba molato ho yena, mme motho eo, ya tsholotseng madi, o tla kgaolwa setjhabeng sa habo;

BIBELE

⁴ a se e tlise pele, monyakong wa Tente ya Morena, ho nyehela ka yona ho Morena, kapele ho Leaho la hae, o tla tadingwa a le molato wa ho tsholla madi. Motho eo o tsholotse madi, mme o tla kgaolwa setjhabeng sa habo.

Levitike 17:4 Referencias Cruzadas

Genese 17:14

Motho e motona wa leqai ya sa bolotswang nameng ya hae, motho eo o tla kgaolwa setjhabeng sa hae, hobane o sentse selekane sa ka.

Dipesaleme 32:2

Ho lehlohonolo motho eo Jehova a sa mmalleng bokgopo ba hae, eo thetso e leng siyo pelong ya hae!

Eksoda 12:15

Le tla ja bohobe bo se nang ditomoso ka matsatsi a supileng, le tlose ditomoso matlung a lona ka tsatsi la pele; hobane ya ka jang bohobe bo nang le ditomoso ho qala ka tsatsi la pele ho isa ho la bosupa, motho eo o tla kgaolwa Iseraeleng.

Eksoda 12:19

Ka matsatsi a supileng, ditomoso di se ke tsa fumanwa matlung a lona, hobane ya ka jang se lomositsweng, motho eo o tla tloswa phuthehong ya Iseraele, kapa e leng moditjhaba, kapa e leng ya tswaletsweng naheng ya lona.

Eksoda 30:33

Mang le mang ya ka etsang ditlolo tse jwalo, kapa ya ka tlotsang moditjhaba ka tsona, a kgaolwe tjhabeng sa habo.

Eksoda 30:38

Mang le mang ya ka etsang tse jwalo ho di fofonela, a kgaolwe tjhabeng sa habo.

Isaia 66:3

Ya hlabang kgomo, ho nna ho jwaloka ya bolayang motho; ya etsang sehlabelo ka nku, o jwaloka ya fenethileng ntja; ya hlahisang setjheso, o jwaloka ya hlahisang madi a kolobe; ya tjhesang dibano, o jwaloka ya bokang medimo ya bohata. Erekaha ba ikgethetse ditsela tsa bona, mme meya ya bona e ithatetse manyala a bona,

Ezekiele 20:40

Hobane thabeng ya ka e halalelang, thabeng e phahameng ya Iseraele, ho bolela Morena Jehova, bohle ba ntlo ya Iseraele, e leng bohle ba leng naheng ya bona, ba tla ntshebeletsa teng; hona teng, ke tla kgahlwa ke bona; teng ke tla botsa dikabelo tsa lona tse tsokotswang le dilopotsiya tseo le tla di tlisa tsa ntho tsohle tsa lona tse halalelang.

Levitike 1:3

Ha sehlabelo sa hae e le setjheso sa kgomo, a hlahise e tona e se nang sekodi, a e hlahise monyako wa tente ya pokano, a tle a amohelwe ke Jehova.

Levitike 17:10

Ekare ha motho wa ntlo ya Iseraele, leha e le wa baditjhaba ba ikahetseng hara lona, a ka ja madi afe le afe, ke tla tjamela motho eo ya jang madi, ke mo tlose hara setjhaba sa habo.

Levitike 17:14

Hobane madi ke moya wa nama tsohle, madi a tsona ke wona moya wa tsona. Ke ka baka leo ke itseng ho bana ba Iseraele: Le ke ke la ja madi a nama efe le efe, hobane moya wa dinama tsohle ke madi a tsona; mang le mang ya tlang ho a ja, a tloswe.

Levitike 17:3

Ekare ha motho wa ntlo ya Iseraele a hlaba kgomo, leha e le nku, kapa podi, diahelong, kapa kantle ho diahelo,

Levitike 17:5

hore bana ba Iseraele, bakeng sa ho hlabela dintho tsa bona naheng, ba di tlise ho moprista pela Jehova, monyako wa tente ya pokano, mme ba di hlahisetse Jehova, e be mahlabelo a teboho.

Levitike 17:9

a sa ka a se tlisa monyako wa tente ya pokano ho se hlahisetsa Jehova, motho eo o tla tloswa hara setjhaba sa habo.

Levitike 18:29

Hobane bohle ba tlang ho etsa leha le le leng la manyala ao, ba tla tloswa hara setjhaba sa ba habo bona.

Levitike 20:16

Ekare ha mosadi a ka emela phoofolo hore a fejwe ke yona, o tla bolaya mosadi eo le yona phoofolo; mosadi o tla bolawa le yona phoofolo, mme madi a bona a tla ba hodima hae le hodima yona.

Levitike 20:18

Ekare ha monna a robala le mosadi ya idileng, a apola bofeela ba hae, mme a pepesa mohlapo wa hae, le yena mosadi a pepesa letlang la hae, ba tla tloswa ba babedi hara setjhaba sa habo bona.

Levitike 20:3

Mme nna motho eo ke tla mo tjamela, mme ke tla mo tlosa hara setjhaba sa habo; hobane o neetse Moloke e mong wa bana ba hae, mme o tshetse jwalo nqalo e halalelang ya ka ditshila; o nyefotse lebitso la ka le halalelang.

Levitike 3:2

O tla bea letsoho la hae hodima hlooho ya kgomo eo ya sehlabelo sa hae, o tla e hlaba monyako wa tente ya pokano; baprista, bara ba Aarone, ba tla tshollela madi aletareng ka nqa tsohle.

Levitike 7:18

Ha ekaba motho a ka leka ho ja nama ya sehlabelo sa hae sa teboho ka letsatsi la boraro, se ke ke sa amohelwa, mme se ke ke sa ballwa ya se entseng; e tla ba ntho e manyala, mme motho ya se jang o tla jara molato wa hae.

Johanne 10:7

Jesu a boela a re ho bona: Kannetenete ke re ho lona: Ke nna monyako wa dinku.

Johanne 10:9

Ke nna monyako; ekare ha motho a kena ka nna, o tla bolokeha; o tla nne a kene, a tswe, a bone makgulo.

Johanne 14:6

Jesu a re ho yena: Ke nna tsela, le nnete, le bophelo; ha ho motho ya ka tlang ho Ntate, haese ka nna.

Baroma 4:6

jwalokaha Davida le yena a bolela lehlohonolo la motho eo Modimo o mmeang ya lokileng kantle ho mesebetsi, ha a re:

Baroma 5:13

Hobane molao o eso ho fihle, sebe se ne se ntse se le teng lefatsheng. Empa sebe ha se ballwe motho, ha molao o le siyo.

Baroma 5:20

Empa molao o hlahile hore tlolo e ngatafale; mme moo sebe se ngatafetseng, mohau le wona o ngatafetse kahodimo;

Deuteronoma 21:8

Oho Jehova, o tshwarele setjhaba sa hao sa Iseraele, seo o se lopolotseng, mme o se ke wa balla setjhaba sa hao sa Iseraele madi a se nang molato. Mme ba tla leselwa molato wa madi ao.