Joshua 17:16 - Sesotho 1909/1961 (SO)

¹⁶ Bana ba Josefa, ba re: Thaba e ke ke ya re lekana, hobane Bakanana kaofela ba dutseng lehwatateng ba na le makoloi a tshepe; ke ba Bethe-Sheane le metse ya teng, le ba lehwatateng la Jisreele.

BIBELE

¹⁶ Bana ba Josefa ba re: “Naha e maralla ha e a re lekana. Bakanana bohle ba ahileng naheng e kgohlong, le ba ahileng Bete-Sheane le metsaneng ya yona, le ba ahileng kgohlong ya Jiserele ba na le dikariki tsa ntwa, tse entsweng ka tshepe.”

Joshua 17:16 Referencias Cruzadas

1 Marena 18:45

Ho se hokae, mahodimo a ntshofala ke maru le ke moya, ha na pula e kgolo.

1 Marena 18:46

Akabe a kena koloing, a ya Jisreele. Letsoho la Jehova la eba hodima Elia: a itlama letheka, a titima pela Akabe ho ya fihla kgorong ya Jisreele.

1 Marena 21:1

Kamora tseo, ha bo ho le Nabothe wa Jisreele, ya nang le tshimo ya merara Jisreele, haufi le ntlo ya borena ya Akabe, morena wa Samaria.

1 Marena 21:23

Jehova o buile le baken sa Jesebele, o itse: Dintja di tla ja Jesebele lepatlelong la Jisreele.

1 Marena 4:12

Ke Baana, mora Akilude, a beilwe Thaanake, le Megiddo, le naheng yohle ya Bethe-Sheane e haufi le Tsarthane, katlasa Jisreele, ho tswa Bethe-Sheane, ho isa Abele-Mehola, le ho feta Jokmeame.

2 Marena 9:10

Haele Jesebele, dintja di tla mo ja naheng ya Jisreele, ho se ya mo patang. Yaba o bula lemati, a baleha.

2 Marena 9:37

mme setopo sa Jesebele se tla ba jwaloka kgapane hodima lefatshe, naheng ya Jisreele, ho tle ho se ke ha thwe: Ke yena Jesebele.

Jeremia 49:2

Ka baka leo, ho bolela Jehova, ho tla matsatsi ao ke tla hlaba mokgosi wa ntwa ka wona hodima Rabba wa bana ba Ammone, mme o tla etswa qubu ya dithako, metse ya bona e tjheswe ka mollo; mme Iseraele o tla rua lefa la ba neng ba mo ruile, ho bolela Jehova.

Joshua 15:56

Jisreele, Jokdeame, Sanoa,

Joshua 17:11

Fatsheng la Issaskare le la Asere, Manasse a newa Bethe-Sheane le metse ya teng, le Jibleame le metse ya teng, le ba ahileng Dore le metseng ya teng, le ba ahileng Ene-Dore le metseng ya teng, le ba ahileng Thaanake le metseng ya teng, le ba ahileng Megiddo le metseng ya teng, le diqepho tse tharo.

Joshua 17:15

Joshua a re ho bona: Ha le le batho ba bangata, eyang morung, le ikgathele teng fatsheng la Baferese le la Barefaime, ha thaba ya Efraime e sa le lekane.

Joshua 17:17

Joshua a bolella ba ntlo ya Josefa, Baefraime le Bamanasse, a re: Empa le batho ba bangata, le matla haholo, le ke ke la ba le seabo se le seng feela; hobane thaba e tla ba ya lona;

Joshua 17:18

leha e le moru le tla ikgathela teng, le phello ya wona e tla ba ya lona; hobane le tla leleka Bakanana, leha ba ena le makoloi a tshepe, hape ba le matla.

Joshua 19:18

Moedi wa bona o lebile Jisreele le Kesullothe, le Shuneme;

Baahlodi 1:19

Jehova a ba le Juda, mme Juda a hapa dithaba, a mpa a sitwa ho tlosa ba ahileng lehwatateng, kahobane ba ne ba na le makoloi a tshepe.

Baahlodi 4:13

Yaba Sisera o bokella makoloi a hae kaofela, e leng makoloi a tshepe a makgolo a robileng mono o le mong, le setjhaba sa hae kaofela, ho tloha Haroshethe-Gojime, ho isa molapong wa Kishone.

Baahlodi 4:3

Yaba bana ba Iseraele ba howeletsa ho Jehova, hobane Sisera o ne a na le makoloi a tshepe a makgolo a robileng mono o le mong; bana ba Iseraele ba tujwa hampe ke yena ka dilemo tse mashome a mabedi.

Baahlodi 6:33

Yaba Bamidiane kaofela le Baamaleke le bana ba Botjhabela ba phutheha, ba tshela Jordane, mme ba emisa lehwatateng la Jisreele.

1 Samuele 29:1

Jwale Bafilesta ba kgobokanyetsa makgotla wohle a bona Afeke; Baiseraele bona ba emisa sedibeng se Jisreele.