Joele 2:24 - Sesotho 1909/1961 (SO)

²⁴ Diotlo di tla tlala koro, ho kgaphatsehe dinkgo tse tletseng veine le oli;

BIBELE

²⁴ Diotlo tsa lona di tla tlala mabele, merifi e kgaphatsehe veine le ole.

Joele 2:24 Referencias Cruzadas

Ezekiele 36:8

Haele lona, dithaba tsa Iseraele, le tla hlomela mahlomela a lona, le beele setjhaba sa ka sa Iseraele ditholwana tsa lona, hobane se se se le lekgatheng la ho fihla.

Joele 3:13

Akgelang sekele, hobane mabele a butswitse. Tloong, le hate, hobane sehatelo se tletse, dinkgo di bile di a kgaphatseha; hobane bolotsana ba bona bo boholo.

Joele 3:18

Mohlang oo, dithaba di tla kolla veine e ntjha, marallana a phalle lebese, melapo yohle ya Juda e tla nne e be le metsi a mathang; mme sediba se tla tswa tlung ya Jehova, se nosetse lehwatata la Sittime.

Levitike 25:19

Naha e tla beha ditholwana tsa yona; le tla ja, le be le kgore, mme le tla aha ho yona ka boiketlo.

Levitike 26:10

Le tla ja dikotulo tsa kgale, mme le tla tlosa tsa kgale ho suthela tse ntjha.

Amose 9:13

Bonang, matsatsi a ya tla, ho bolela Jehova, ao ya lemang a tla tshwara ya kotulang; le ya dubang ditholwana tsa morara ka maoto a tshwara ya jalang peo; mme veine e ntjha e tla phalla dithabeng, le maralla wohle a tla kolla.

Malakia 3:10

Tlisang tlung ya polokelo karolo ya leshome ya tsohle tseo le di ruileng, dijo di tle di be teng tlung ya ka; le nteke kahoo, ho bolela Jehova wa makgotla, mme le bone ha nke ke ka le thibollela diphororo tsa lehodimo, ke be ke le tshollele hlohonolofatso ka tekanyo e fetisang!