Jobo 17:9 - Sesotho 1909/1961 (SO)

⁹ Leha ho le jwalo, ya lokileng o tiisetsa tseleng ya hae, ya nang le matsoho a masweu o eketsa ho ipha matla.

BIBELE

⁹ ya lokileng o tla tiisetsa tseleng ya hae, ya matsoho a hlwekileng a nne a matlafale.”

Jobo 17:9 Referencias Cruzadas

Genese 20:5

A monna eo ha a ka a re ho nna: Enwa ke kgaitsedi ya ka? Mme le yena, yena ka sebele, na ha a ka a re: Ke kgaitsedi ya ka? Ke entse hoo ka pelo e lokileng le ka matsoho a hlwekileng.

2 Samuele 3:1

Ntwa ya nna ya ya halele ya ntlo ya Saule le ntlo ya Davida, Davida yena a nna a ya a tiya, ntlo ya Saule yona ya nna ya fokola.

Jobo 22:30

esita le ya sa hlokeng molato o tla mo namolela ka baka la bosweu ba matsoho a hao!

Jobo 27:5

Taba ya hore le boletse nnete, e be hole le nna; ke tla tiya, ke bolele ho hloka molato ha ka, ke be ke shwe.

Jobo 27:6

Ke itshwareletse ka ho loka ha ka, nke ke ka ho latola; pelo ya ka ha e nkahlole hodima matsatsi a ho phela ha ka leha le le leng.

Jobo 31:7

ha ekaba mehato ya ka e kgelohile tsela ya wona, kapa pelo ya ka ha e lateletse takatso ya mahlo a ka, ditshila tsa ba tsa kgomarela matsoho a ka;

Jobo 33:9

Ke hlwekile, ha ho sebe ho nna; ha ke na molato, ha ho bokgopo ho nna;

Dipesaleme 11:3

Ha metheo e helehile, ya lokileng a ka etsa jwang?

Dipesaleme 24:4

Ke ya matsoho a se nang molato, ya pelo e hlwekileng, ya sa ineeleng leshano, ya sa hlapanyeng ho ya thetsa.

Dipesaleme 26:6

Ke hatlela matsoho a ka ho lokeng, ke pota aletare ya hao, Jehova,

Dipesaleme 73:13

Ke feela ha ke hlwekisitse pelo ya ka, leha ke hlatswitse matsoho a ka bosweung;

Dipesaleme 84:11

Hobane Jehova Modimo ke letsatsi le thebe. Jehova o nea mohau le kganya, ba tsamayang ka ho loka a ke ke a ba hanela le molemo leha o le mong.

Dipesaleme 84:7

Ha ba ntse ba tsamaya, ba ekeletswa matla, ho fihlela ba itlhahisa pela Modimo Sione.

Dipesaleme 84:8

Jehova, Modimo wa makgotla, mamela thapelo ya ka! Sekeha tsebe, Modimo wa Jakobo! (Sela.)

Diproverbia 10:25

Jwaloka setsokotsane ha se feta, ya bolotsana o feta jwalo; empa ya lokileng o tiile ka ho sa feleng.

Diproverbia 10:30

Ya lokileng a ke ke a sisinngwa le ka mohla o le mong; haele ba babe, ba ke ke ba nna ba hlola lefatsheng.

Diproverbia 14:16

Ya bohlale o na le tshabo, o sesefa bobe; empa ya thotofetseng o tlatselela feela, mme o a itshepa.

Diproverbia 4:18

Tsela ya ba lokileng e jwaloka lesedi le kganyang, le ntseng le eketsa ho kganya ho fihlela motshehare o moholo o phethehileng.

Mareka 7:2

Ba ne ba bone barutuwa ba hae ba bang ba eja bohobe ka matsoho a mabe, ke ho re, a sa kang a hatlelwa.

Jakobo 4:8

Atamelang Modimo, mme o tla le atamela. Baetsadibe, hatlelang, mme lona ba pelo di pedi, hlatswang dipelo tsa lona.

1 Petrose 1:5

lona ba bolokwang ke matla a Modimo ka tumelo, le tle le amohele poloko e seng e lokiseditswe ho bonahatswa nakong ya qetello.

1 Johanne 2:19

Ba tswile ho rona, empa e ne e se ba rona; hobane hoja e be e le ba rona, ba ka be ba setse ho rona; empa hoo ho hlahile hore ho tle ho bonahale hobane bohle hase ba rona.