Jobo 14:1 - Sesotho 1909/1961 (SO)

¹ Motho ya tswetsweng ke mosadi o na le matsatsi a se makae, mme o kgotshe ditsietsi.

BIBELE

¹ “Motho ya tswetsweng ke mosadi o phela hakgutshwanyane, bophelo ba hae bo aparetswe ke ditsietsi;

Jobo 14:1 Referencias Cruzadas

Genese 3:17

A re ho Adama: Erekaha o utlwile lentswe la mosadi wa hao, mme wa ja sefate seo ke o laetseng sona, ka re: O se ke wa se ja; lefatshe le rohakilwe ke hona ka baka la hao, mme o tla ja tsa lona ka thata, ka matsatsi wohle a ho phela ha hao;

Genese 47:9

Jakobo a re ho Faro: Ditshiu tsa ho jaka ha ka ke dilemo tse lekgolo le mashome a mararo; ditshiu tsa ho phela ha ka di bile kgutshwanyane, di bile mpe, mme ha di a fihla ditshiung tsa dilemo tsa bontate mehleng ya ho jaka ha bona.

2 Marena 4:19

Teng a re ho ntatae: Jo! hlooho ya ka! hlooho ya ka! Yena a re ho mohlankana e mong: Mo ise ho mmae.

Jobo 10:20

Matsatsi a ka na ha a makaenyana na? Ha ho le jwalo, lesa, o ntlohele, ke tle ke boele ke ele sefahleho hanyenyane,

Jobo 15:14

Motho keng, hore a hlweke, le ya tswetsweng ke mosadi keng, hore a loke?

Jobo 25:4

Le jwale, motho a ka loka jwang pela Modimo? Ngwana wa mosadi a ka hlweka jwang na?

Jobo 25:5

Ha esita le kgwedi e se ntho e kganyang, le dinaledi di sa hlweka pela mahlo a wona,

Jobo 5:7

motho o tswaletswe maswabi, jwaloka hlase ho qhoma.

Jobo 7:1

Bophelo ba motho lefatsheng ke ntwa; matsatsi a hae a jwaloka matsatsi a motho ya thotsweng.

Jobo 7:6

Tshiu tsa ka di pomilwe kapele ho fetisa lesika leo molohi a lohang ka lona; di fela ho se tshepo e ntshaletseng.

Jobo 8:9

hobane rona re ba maobane, ha re na tsebo, etswe matsatsi a rona lefatsheng e le moriti feela.

Jobo 9:25

Matsatsi a ka a ikela kapele ho fetisa ya lebelo; a baleha a eso ho bone leseho:

Dipesaleme 39:5

Bona, o lekanyeditse ditshiu tsa ka di be jwaloka boahlamo ba seatla; ditshiu tsa ho phela ha ka di jwaloka ntho e leng siyo pela hao; ruri, motho e mong le e mong ya leng teng ke mofehelo feela. (Sela.)

Dipesaleme 39:6

Efela motho o itsamaela jwaloka seriti, o a dumaduma, o ikgathaletsa ntho e fetang; o ipokellela maruo, mme ha a tsebe hobane a ya jewa ke mang!

Dipesaleme 51:5

Bona, ke tswaletswe bokgopong, mme o nkemoletse sebeng.

Dipesaleme 89:47

Hopola hore bophelo ba ka bo bokgutshwanyane, le hore bana bohle ba batho o ba bopetse lefeela!

Moeklesia 2:17

Ka ba ka ila bophelo ke ho kgathatswa ke mesebetsi yohle e etswang tlasa letsatsi; ruri tsohle ke lefeela le mosebetsi o nyopileng.

Moeklesia 2:23

Hobane matsatsi wohle a hae ke a nang le mahloko, mme mosebetsi wa hae ke o nang le maswabi; esita le bosiu, pelo ya hae ha e phomole. Hoo le hona ke lefeela.

Jeremia 20:18

Ke ne ke tswelang popelong, hore ke tle ke bone ho kgathala le ho swaba? Hobane ditshiu tsa ka di ye di fete ka dihlong.

Mattheu 11:11

Ke re ho lona: Kannete, hara ba tswetsweng ke basadi, ha ho e moholo ho Johanne Mokolobetsi; empa e monyenyane mmusong wa mahodimo o moholo ho yena.