Jobo 11:8 - Sesotho 1909/1961 (SO)

⁸ Bo phahame jwaloka lehodimo: o ka etsang? Bo tebile ho fetisa nqalo ya bafu: o ka tsebang?

BIBELE

⁸ O ka etsang? Bo phahametse le mahodimo! O ka tsebang? Bo tebile ho feta lebitla!

Jobo 11:8 Referencias Cruzadas

2 Dikronike 6:18

Empa fale Modimo o fela o ka aha le motho lefatsheng na? Bona, esita mahodimo, le mahodimo a mahodimo a ke ke a o lekana; haholo ntlo ena eo ke e hahileng!

Jobo 11:9

Bolelele ba bona bo fetisa lefatshe, bo pharaletse ho feta lewatle.

Jobo 22:12

Na Modimo ha o a phahama jwaloka lehodimo na? Tadima bohodimo ba dinaledi, bo hole hakakang!

Jobo 26:6

Nqalo ya bafu e feela pela wona; ho wona bodiba ha bo na tshirelo.

Jobo 35:5

Tadima nqa mahodimong, mme o bone; o tadime maru; a phahamile ho fetisa wena.

Jobo 37:23

Re ke ke ra finyella ho Ya matla wohle; o phahamile ka matla le ka toka, le ka ho loka ho sa kgelosweng.

Jobo 38:17

Na o buletswe menyako ya lefu na? Na o bone menyako ya moriti wa lefu na?

Jobo 7:9

Maru a qhalane, a iketse; ho jwalo le ya theohelang nqalong ya bafu: ha a na ho kgutla teng;

Dipesaleme 103:11

Empa jwaloka lehodimo ha le phahamile hodimo ho lefatshe, mohau wa hae o moholo jwalo ho ba mo tshabang.

Dipesaleme 148:13

A ba ke ba rorise lebitso la Jehova, hobane lebitso la hae ke lona le nnotshi le phahamileng, bokgabane ba hae bo phahamile ho fetisa lefatshe le mahodimo.

Dipesaleme 36:6

Ho loka ha hao ho ka ka dithaba tsa Modimo, dikahlolo tsa hao di tebile jwaloka lewatle. Jehova o baballa batho le diphoofolo.

Diproverbia 30:4

Ke mang ya nyolohetseng lehodimong, a ba a theoha a etswa teng? Ke mang ya fuparetseng moya letsohong la hae? Ya bokeletseng mawatle kobong ya hae ke ha e le mang? Ke mang ya tiisitseng dipheletso tsa lefatshe? Lebitso la hae ke mang? Ke mang lebitso la mora hae, ha o fela o tseba?

Isaia 55:9

Empa jwalokaha lehodimo le phahame hodimo ho lefatshe, ditsela tsa ka di phahame jwalo hodimo ho ditsela tsa lona, le mehopolo ya ka hodimo ho mehopolo ya lona.

Amose 9:2

Leha ba ka phunya nqalo ya bafu ho tshabela teng, le teng letsoho la ka le tla ba ntsha; leha ba ka nyolohela lehodimong, ke tla ba theola teng.