Jeremia 49:6 - Sesotho 1909/1961 (SO)

⁶ Empa hamorao, ke tla kgutlisa ba kgolehong ba bana ba Ammone, ho bolela Jehova.

BIBELE

⁶ “Hamorao ke tla boela ke atlehisa Baamone,” ho rialo Morena.

Jeremia 49:6 Referencias Cruzadas

Isaia 23:18

Empa leruo la hae le moputso wa hae di tla kgethelwa Jehova, di ke ke tsa bokellwa hammoho, leha e le ho bolokwa, empa leruo la hae le hwebilweng e tla ba la ba emang pela Jehova, ba tle ba kgore hantle, mme ba apeswe ka bokgabane.

Jeremia 12:15

Empa ha ke se ke ba epolotse, ke sa tla boela ke ba hauhele; ke tla ba busetsa e mong le e mong lefeng la hae, e mong le e mong naheng ya hae.

Jeremia 46:26

Ke tla ba neela matleng a ba batlang bophelo ba bona, le matleng a Nebukadresare, morena wa Babilona, le matleng a bahlanka ba hae; empa hamorao, Egepeta o tla boela a ahuwe jwaloka mehleng ya kgale, ho bolela Jehova.

Jeremia 48:47

Leha ho le jwalo, ke tla kgutlisa ba kgolehong ba Moabe mehleng ya morao, ho bolela Jehova. Ho fihlela moo, ke kahlolo ya Moabe.

Jeremia 49:39

Leha ho le jwalo, mehleng ya ho qetella, ke tla kgutlisa ba kgolehong ba Elame, ho bolela Jehova.

Ezekiele 16:53

Ke tla ba lata kgolehong; ke tla lata baholehuwa ba Sodoma le ba baradi ba hae, le baholehuwa ba Samaria le ba baradi ba hae; le baholehuwa ba hao hammoho le ba bona;

Daniele 11:41

O tla tla le naheng e kgahlehang, mme ho tla wa ba le bangata, empa ho tla phonyoha matsohong a hae Baedomo, le Bamoabe, le ba baholo ho bana ba Ammone.