Jeremia 4:24 - Sesotho 1909/1961 (SO)

²⁴ Ke tadima dithaba, mme bonang, di a thothomela, marallana kaofela a tlakasela.

BIBELE

²⁴ Ka tadima dithaba, ka bona di thothomela, maralla wohle le wona a sisinyeha.

Jeremia 4:24 Referencias Cruzadas

1 Marena 19:11

Lentswe la re: Tloha, o ye ho ema thabeng pela Jehova. Yaba Jehova o a feta. Moya o moholo, o matla, wa petsola dithaba, wa qhetsola mafika pela Jehova; empa Jehova o ne a le siyo moyeng. Kamora moya, ya eba tshisinyeho ya lefatshe; empa Jehova o ne a le siyo tshisinyehong.

Dipesaleme 18:7

Yaba lefatshe le a reketla, la thothomela, metheo ya dithaba ya keqa, ya sisinyeha, hobane a ne a halefile.

Dipesaleme 77:18

diaduma tsa hao tsa duma hara setsokotsane, mahadima a hao a bonesa lefatshe; lefatshe la tshoha, la reketla.

Dipesaleme 97:4

Mahadima a hae a kganyetsa lefatshe; lefatshe le a a bona, le a thothomela.

Eksoda 19:18

Thaba ya Sinai e ne e kubella mosi kahohle hobane Jehova o ne a theohetse ho yona a le mollong; mosi wa yona wa lopallela hodimo jwaloka mosi wa sebopi, mme thaba kaofela ya reketla haholo.

Isaia 13:13

Ke moo ke tla thetherehisa mahodimo, lefatshe le suthe tulong tsa lona ka baka la kgalefo ya Jehova wa makgotla, ka letsatsi la bohale ba hae bo tukang.

Isaia 24:20

Lefatshe le thekesela jwaloka motho ya tahilweng, le tetema jwaloka lephephe, le imelwa ke sebe sa lona, le a wa, ha le sa tla hlola le tsoha.

Isaia 5:25

Ka baka leo, kgalefo ya Jehova e tuketse setjhaba sa hae, mme o otlolletse letsoho la hae hodima sona, o se otlile; dithaba di a sisinyeha; ditopo tsa bona di ba jwaloka dithole tsa mmila. Leha ho le jwalo, ha a kgutla kgalefong ya hae, empa letsoho la hae le sa ntse le otlolohile.

Jeremia 10:10

Empa Jehova ke Modimo wa nnete, ke Modimo o phelang, ke Morena wa kamehla le mehla; lefatshe le sisinyeha ke kgalefo ya wona, ditjhaba di ke ke tsa ema pela bohale bo tjhesang ba wona.

Jeremia 8:16

Modumo wa dipere tsa hae o utlwahetse Dane, fatshe lohle le reketla ke dillo tse tshabehang tsa tsona; ba ya tla ho bolaya naha le tseo e tletseng tsona, metse le baahi ba yona.

Jeremia 9:10

Ke tla phahamisa dillo le pokollo dithabeng, le makgulong a lefeella ke bine kodiyamalla, hobane a tjhesitswe, ha ho sa le motho ya fetang teng, ha ho sa utluwa dillo tsa mehlape; dinonyana tsa lehodimo le diphoofolo di balehile, di ile.

Ezekiele 38:20

Pontsheng ya ka, ho tla thothomela dihlapi tsa lewatle, le dinonyana tsa lehodimo, le diphoofolo tsa naha, le dihahabi tsohle tse hahabang fatshe, le batho bohle ba lefatsheng; dithaba di tla heletswa, dilomo di thetehe, marako wohle a wele fatshe.

Mikea 1:4

dithaba di tla qhibidiha katlasa hae, dikgohlo di petsohe, jwaloka makgeha a dinotshi ha a le pela mollo, le jwaloka metsi a tsholletsweng motheong.

Habakuke 3:10

Dithaba di a o bona, mme di a meneka; ho feta sekgohola sa metsi; bodiba bo phahamisa lentswe la bona, bo emisetsa matsoho a bona hodimo.

Habakuke 3:6

O a ema, mme o thothometsa lefatshe; o a tadima, mme o tlakasedisa ditjhaba; dithaba tsa kgale di a qhalana, o pharama le maralla a boholoholo. Tsela tsa hae ke tsa boholoholo.

Tshenolo 6:14

Lehodimo le finahana jwaloka lengolo ha le phuthwa, mme dithaba le dihlekehleke kaofela tsa suthiswa ditulong tsa tsona.