Jeremia 27:19 - Sesotho 1909/1961 (SO)

¹⁹ Hobane ho itswe ke Jehova wa makgotla bakeng sa ditshiya, le sa letsha, le sa didulo, le sa mafiso a mang a sa setseng motseng wona,

BIBELE

¹⁹ “Morena wa mabotho o bua tjena malebana le ditshiya le tanka eo baprista ba tollang ka ho yona le ditshehetso le thepa e setseng motseng ona,

Jeremia 27:19 Referencias Cruzadas

1 Marena 7:23

Yaba o etsa letsha le tsholotsweng, ya eba ditswe tse leshome ho nka morumong o mong ho isa ho o mong, le le letjhitja, botebo ba lona e le ditswe tse hlano, tekanyo ya botjhitja e le ditswe tse mashome a mararo.

1 Marena 7:27

A ntoo etsa didulwana tse leshome tsa koporo; boholo ba sedulwana se seng e ne e le ditswe tse nne, bophara e le ditswe tse nne, bolelele e le ditswe tse tharo.

2 Marena 25:13

Haele ditshiya tsa koporo tse ka tlung ya Jehova, le didulwana, le letsha la koporo le ka tlung ya Jehova, Bakalde ba di robaka dikoto, ba isa koporo ya tsona Babilona.

2 Marena 25:17

Bolelele ba tshiya e nngwe e ne e le ditswe tse leshome le metso e robileng meno e le mmedi; hlooho ya yona e ne e le ya koporo; bolelele ba hlooho e ne e le ditswe tse tharo; le dikgabiso tse kang meqhaka, le digaranata tse rwesang hlooho, kaofela ha tsona e ne e le tsa koporo. Le tshiya ya bobedi e be e na le dikgabiso tse kang meqhaka, jwaloka e nngwe.

2 Dikronike 36:18

Haele mesebetsi yohle ya ntlo ya Modimo, e meholo le e menyenyane, le matlotlo a ntlo ya Jehova, le matlotlo a morena le a mahosana a hae, a ya le tsohle Babilona.

KOLI-YA-MALLA 1:10

Sera se otlolletse letsoho la sona ka nqa ho tsohle tsa hae tsa bohlokwa, hobane o bone ditjhaba ha di kena sehalalelong sa hae, tseo o neng o laetse hore di se ke tsa kena phuthehong ya hao.

Daniele 1:2

Morena a neela Jojakime, morena wa Juda, le mesebetsi e meng ya ntlo ya Modimo matsohong a hae; Nebukadnesare a e isa naheng ya Shineare ka tlung ya modimo wa hae, a kenya mesebetsi eo polokelong ya letlotlo la modimo wa hae.