Genese 14:3 - Sesotho 1909/1961 (SO)

³ Marena ana kaofela a kgahlana lehwatateng la Sidime, moo kajeno e leng Lewatle la Letswai.

BIBELE

³ Dikgosi tsena kaofela tsa kopanya mabotho, phuleng ya Sidime, e leng Lewatleng la Letswai.

Genese 14:3 Referencias Cruzadas

Genese 10:19

Moedi wa Bakanana o ne o qala Sidone, ho leba Gerare ho isa Gasa, mme o leba Sodoma, le Gomorra, le Adama, le Tseboime ho fihlela Lesha.

Genese 14:10

Lehwatata la Sidime le ne le na le mekotikoti ya bitume, mme eitse ha marena a Sodoma le a Gomora a baleha, a wela ho yona, mme ba phonyohang ba balehela thabeng.

Genese 14:4

Ka dilemo tse leshome le metso e mmedi, a ne a busitswe ke Kedorlaomere, empa ka lemo sa leshome le metso e meraro a kweneha.

Genese 14:8

Yaba ho tswa morena wa Sodoma, le morena wa Gomora, le morena wa Adama, le morena wa Tseboime, le morena wa Bela, ke ho re, wa Tsoware, mme a laola makgotla a wona lehwatateng la Sidime;

Genese 19:24

Yaba Jehova o nesetsa Sodoma le Gomora sebabole le mollo o tswang ho Jehova mahodimong.

Dipesaleme 107:34

Lehwatata le behang a le fetola mobu wa letswai, ka baka la bolotsana ba baahi ba lona.

Numere 34:12

mme o tla theosa Jordane ho ya kena Lewatleng la Letswai. Naha ya lona e tla ba jwalo, ka meedi ya yona e e teelang hare.

Deuteronoma 3:17

Ka ba nea le lehwatata, leo moedi wa lona e leng Jordane, ho tloha Kinnerethe ho isa Lewatleng la Lehwatata, e leng Lewatle la Letswai, katlasa Pisga, nqa botjhabatsatsi.

Joshua 3:16

metsi a theohang, a tswang hodimo, a ema, mme a etsa qubu ho isa holehole, haufi le Adama, motse o pela Tsarthane, mme metsi a mathelang Lewatleng la Lehwatata, e leng Lewatle la Letswai, a kgaolwa ka mokgwa o phethehileng; mme setjhaba sa tshela mabapa le Jeriko.