Genese 1:29 - Sesotho 1909/1961 (SO)

²⁹ Modimo wa re: Bonang, ke le neile dimela tsohle tse beang peo, tse kahohle lefatsheng, le sefate se seng le se seng se beang ditholwana tse nang le peo, e be dijo tsa lona.

BIBELE

²⁹ Modimo a nto re: “Bonang, ke le file meroho yohle e nang le peo, e teng lefatsheng lohle; le difate tsohle tse behang ditholwana tse nang le peo, hore e be dijo tsa lona.

Genese 1:29 Referencias Cruzadas

Genese 2:16

Jehova Modimo a laela motho, a re: Haele difate tsohle tsa tshimo, o tla di ja;

Genese 6:21

O nke dijo tsohle tse jewang, o di bokelle ho wena arekeng, e be ho ja ha hao le ha tsona.

Genese 9:3

Dintho tsohle tse tsamayang, tse phelang, e tla ba dijo tsa lona; ke le neile tsona tsohle, jwalokaha ke le neile dimela tse tala.

Jobo 36:31

Ke tseo o otlang batho ka tsona; ke tseo o hlahisang nala ka tsona.

Dipesaleme 111:5

Jehova o mohau, o lereko. O nea ba mo tshabang dijo; o hopola selekane sa hae kamehla le mehla.

Dipesaleme 115:16

Haele mahodimo, ke mahodimo a Jehova, mme lefatshe o le neile bana ba batho.

Dipesaleme 136:25

Ya fang dibopuwa tsohle dijo: Efela mohau wa hae ke o sa feleng.

Dipesaleme 146:7

O ahlolela ba tujwang, o fa ya lapileng bohobe. Jehova o lokolla batshwaruwa;

Dipesaleme 147:9

o fa diphoofolo dijo tsa tsona, o fepa madinyane a makgwaba a llang.

Dipesaleme 24:1

Lefatshe ke la Jehova le tsohle tse ho lona, lefatshe le ba ahileng ho lona.

Isaia 33:16

Ke yena ya tla aha nqalong tse phahameng, ditshabelo tsa hae e tla ba diqhobosheane tse theilweng mafikeng. O tla fuwa bohobe ba hae, metsi a hae a ke ke a epsha.

Hosea 2:8

Athe yena o ne a sa ka a lemoha hoba ke nna ya mo neileng koro le veine le ole, ya bileng a mo atisetsa silefera le kgauta tseo ba sebeletsang Baale ka tsona.

Mattheu 6:11

o re fe kajeno bohobe ba rona ba tsatsi le leng le le leng;

Diketso 14:17

Leha ho le jwalo, ha o a ka wa phetsa ho itsebahatsa ho rona ka dipontsho, ka ho etsa batho hantle, wa re sitsa ka dipula tsa lehodimo le ka dilemo tsa nala, mme wa tlatsa dipelo tsa rona ka dijo le ka thabo.

Diketso 17:28

Hobane ke ka yena re utlwang, re sisinyehang, re leng teng; jwalokaha baroki ba bang ba ho lona ba itse: Re moloko wa hae ka sebele.

1 Timothea 4:3

ba tlang ho hana ha batho ba nyala, ba tla re, ho tshajwe dijo tseo Modimo o di bopileng hore ba dumetseng, ba tsebang nnete, ba di amohele ka teboho.

1 Timothea 6:17

Laela ba ruileng tsa mehla ya jwale hore ba se ke ba ikgohomosa, ba se ke ba tshepa moruo o sa tiyang, ba mpe ba tshepe Modimo o phelang, o re fang tsohle ka bongata, re tle re di thabele.