Esdrase 3:11 - Sesotho 1909/1961 (SO)

¹¹ Ba dumelana ba ntse ba rorisa, ba boka Jehova, ba re: Hobane o molemo, hobane mohau wa hae ho Iseraele ke o sa feleng. Setjhaba sohle sa etsa ditlatse tse kgolo tsa ho rorisa Jehova ka taba ya hobane ho thewa metheo ya ntlo ya Jehova.

BIBELE

¹¹ Ba bina ba neeletsana, ka dihlopha tsa bona, ba rorisa, mme ba boka Morena, ba re: “O molemo, mohau wa hae ke wa kamehla yohle ho Baiseraele.” Setjhaba sohle, ha se rorisa Morena, sa howeletsa haholo, hobane motheo wa Tempele ya Morena o ne o radilwe.

Esdrase 3:11 Referencias Cruzadas

1 Dikronike 16:34

Rorisang Jehova, hobane o molemo, hobane mohau wa hae o hlola ka ho sa feleng.

1 Dikronike 16:41

Ba ne ba na le Hemane le Jeduthune le Balevi ba bang ba kgethilweng, ba thontsweng ka mabitso a bona hore ba nne ba rorise Jehova; hobane mohau wa hae ke o sa feleng.

2 Dikronike 5:13

ba letsang le ba binang, eitse ha ba kopanya mantswe jwaloka eka ke la motho a le mong, ho rorisa le ho boka Jehova, mme ba phahamisa mantswe, ha ho ntse ho letswa diterompeta le disimbala le diletsa tse ding, ba boka Jehova, ba re: Hobane o molemo, hobane mohau wa hae ke o sa feleng; ntlo, ntlo ya Jehova ya tlala leru;

2 Dikronike 7:3

Bana bohle ba Iseraele ba bona mollo le kganya ya Jehova ha di theohela tlung, mme ba inama ba kobotetse fatshe, ba kgumama, ba boka Jehova, ba re: Hobane o molemo; hobane mohau wa hae ke o sa feleng!

Nehemia 12:24

Dihlooho tsa Balevi e ne e le Hashabia, Sherebia, le Joshua, mora Kadmiele; ba ne ba na le banababo bona ho boka le ho rorisa Jehova ka taelo ya Davida, monna wa Modimo, ka dihlopha tse tadimanang.

Nehemia 12:40

Dihlopha tse pedi tse binang tsa ema pela ntlo ya Modimo, le nna ka ema jwalo re ena le karolo e nngwe ya mahosana,

Dipesaleme 100:5

Hobane Jehova o molemo, mohau wa hae o hlola ka ho sa yeng kae, le botshepehi ba hae melokong le melokong.

Dipesaleme 103:17

Empa mohau wa Jehova o hlola o le teng kamehla le mehla ho ba mo tshabang, le ho loka ha hae ho bana ba bana ba bona,

Dipesaleme 106:1

Bokang Jehova! Rorisang Jehova, hobane o molemo; hobane mohau wa hae ke o sa feleng!

Dipesaleme 107:1

Rorisang Jehova, hobane o molemo, hobane mohau wa hae ke o sa feleng.

Dipesaleme 118:1

Rokang Jehova, hobane o molemo, etswe mohau wa hae o hlola ka ho sa feleng.

Dipesaleme 131:1

Jehova, pelo ya ka ha e na boikgohomoso, mahlo a ka ha a phahame, ha ke a ka ka tsamaya ho tse phahameng, tse mphetisang ka boholo.

Dipesaleme 135:3

Rorisang Jehova, hobane Jehova o molemo; le roke lebitso la hae, hobane ke ntho e ratehang.

Dipesaleme 47:1

Lona ditjhaba kaofela, opang ka diatla! Hlasimolohelang Modimo ka dipina tsa nyakallo!

Dipesaleme 47:5

Modimo o nyoloha ka mehoo ya thabo, Jehova o phahama ka modumo wa terompeta.

Eksoda 15:21

Miriame a dumellana le bona, a re: Rokang Jehova, hobane o itlotlisitse le ho itlotlisa; o dihetse pere le mopalami wa yona lewatleng.

Isaia 12:6

Lona ba ahileng Sione, le nyakalle, le ithabele ka difela, hobane o moholo hara lona, Mohalaledi wa Iseraele.

Isaia 44:23

Mahodimo, nyakallang ka difela, hobane Jehova o sebeditse; le lona matebo a lefatshe hlabang ditlatse. Dithaba a di ke di dume ka mehoo ya thabo, le meru le difate tsa yona, hobane Jehova o lopolotse Jakobo, mme o bonahaditse kganya ya hae Iseraeleng.

Isaia 6:3

Tsa howeletsana, tsa re: O a halalela, O a halalela, O a halalela, Jehova wa makgotla; lefatshe lohle le tletse kganya ya hae!

Jeremia 33:11

ho sa tla utluwa teng lentswe la thabo le lentswe la nyakallo, le lentswe la monyadi le lentswe la monyaduwa, le lentswe la ba reng: Lebohang Jehova wa makgotla, hobane Jehova o molemo, hobane mohau wa hae ke o sa feleng, ha ba ntse ba tlisa diteboho tsa bona tlung ya Jehova. Hobane ke tla busetsa ba hapilweng ba lefatshe lena, ba be jwaloka mehleng ya pele, ho bolela Jehova.

Haggai 2:3

Ke mang ho lona ya setseng ho ba kileng ba bona ntlo ena kganyeng ya yona ya pele? Mme jwale, le e bona e le jwang? Ha ke re, e ka lefeela mahlong a lona?

Sakaria 4:7

Wena thaba e kgolo, o eng pela Sorobabele? O lehwatata feela! Mme o tla hlahisa lejwe la hloro ya ntlo hara ditlatse tse reng: Le hauhelwe! le hauhelwe!

Sakaria 9:9

Nyakalla haholo, moradi wa Sione, o tshele ditlatse, moradi wa Jerusalema! Bona, morena wa hao ke enwa; o tla ho wena; ke ya lokileng, ya nang le poloko, ke ya ikokobetsang, ya kaletseng esele, e leng petsana, namane ya esele e tshehadi.

Luka 1:50

mohau wa hae o melokong ya meloko ya ba mo tshabang.

Joshua 6:10

Joshua a laela setjhaba, a re: Le se ke la etsa ditlatse, mme mantswe a lona a se ke a utlwahala, ho se ke ha eba puo e tswang melomong ya lona, ho be ho fihle tsatsi leo ke tla re ho lona: Hlabang ditlatse. Mohlang oo, le tla hlaba ditlatse.

Joshua 6:16

Ka lekgetlo la bosupa, ha baprista ba letsa diterompeta, Joshua a re ho setjhaba: Hlabang ditlatse, hobane Jehova o le neetse motse.

Joshua 6:5

Etlere ha ba letsa halelele ka manaka a tlerolang, ha le utlwa modumo wa terompeta, setjhaba kaofela se hlabe ditlatse tse kgolo; mme lerako la motse le tla heleha kaofela, mme motho ka mong o tla nyoloha hona pela hae.