Esdrase 10:2 - Sesotho 1909/1961 (SO)

² Yaba Shekania, mora Jehiele, wa bara ba Elame, o bua, a re ho Esdrase: Re ikgantsheditse Modimo wa rona, re nyetse basadi basele ba ditjhaba tsa lefatshe lena; leha ho le jwalo, tshepo e sa le teng bakeng sa Iseraele hodima taba eo.

BIBELE

² Yaba Shekaniya, mora wa Jehiele, e leng e mong wa bara ba Elame, o re ho Esera: “Re sitetswe Modimo wa rona, re nyetse basadi ba baditjhaba ba ahileng naheng ena, empa ha e le tabeng ena, tshepo e sa le teng bakeng sa Baiseraele.

Esdrase 10:2 Referencias Cruzadas

Esdrase 10:26

Ho bara ba Elame, ke Matthania, Sakaria, Jehiele, Abdi, Jeremothe, le Elia.

Esdrase 2:31

bana ba Elame e mong ba sekete se nang le makgolo a mabedi a mashome a mahlano a metso e mene;

Esdrase 2:7

bana ba Elame ba sekete se nang le makgolo a mabedi a mashome a mahlano a metso e mene;

Esdrase 8:7

ho bara ba Elame, ke Esaia, mora Athalia, a ena le ba batona ba mashome a supileng;

Esdrase 9:1

Taba tseo hobane di fele, dihlooho tsa atamela ho nna, tsa re: Setjhaba sa Iseraele le baprista le Balevi ha ba ka ba ikgetha ho ditjhaba tse dinaheng tse ka mathoko, ba mpa ba entse ka manyala a tsona, e leng Bakanana, le Bahethe, le Baferese, le Bajebuse, le Baammone, le Bamoabe, le Baegepeta, le Baamore.

Esdrase 9:2

Ke mona ba nyetse baradi ba bona, ba ba nyadisitse le bara ba bona, mme mofuta o halalelang o se o itswakantse le ditjhaba tsa naha tseo. Boikgantsho boo bo qadilwe ke dihlooho le bahlahlobi.

Nehemia 13:27

Re ka le dumella jwang hore le etse bobe bo bokalo, mme le halefise Modimo wa rona ka ho nyala basadi ba baditjhaba?

Nehemia 3:29

Kapele ho bona, Tsadoke, mora Immere, a lokisa maloka le ntlo ya hae; kapele ho eo, ha lokisa Shemaia, mora Shekania, molebedi wa monyako wa botjhabatsatsi.

Nehemia 7:12

bana ba Elame ba sekete se nang le makgolo a mabedi a nang le mashome a mahlano a metso e mene;

Nehemia 7:34

bana ba Elame e mong ba sekete se nang le makgolo a mabedi a mashome a mahlano a metso e mene;

Eksoda 34:12

O tle o iponele, esere mohlomong wa etsa selekane le ba ahileng fatsheng leo o tla fihla ho lona, ba tle ba se ke ba o fetohela leraba.

Diproverbia 28:13

Ya patang melato ya hae a ke ke a hlohonolofala; empa ya e bolelang, a e bakela, o tla fumana mohau.

Jakobo 2:9

Empa ha le ya ka tshobotsi ya batho, le etsa sebe, mme le tsuwa ke molao, ka hore le batlodi ba wona.