Eksoda 32:16 - Sesotho 1909/1961 (SO)

¹⁶ Matlapa ao e ne e le mosebetsi wa Modimo; lengolo e ne e le lengolo la Modimo, le ngodilweng matlapeng.

BIBELE

¹⁶ Matlapa ana a ne a entswe ke Modimo; le mongolo e ne e le mongolo wa Modimo; o ngotswe matlapeng.

Eksoda 32:16 Referencias Cruzadas

Jobo 19:24

A ke a ngolwe ka tshepe e betlang le ka loto lefikeng ka ho sa feleng.

Eksoda 31:18

Eitse hobane Modimo o qetelle ho bua le Moshe, thabeng ya Sinai, wa mo nea matlapa a mabedi a bopaki, matlapa a majwe a ngodilweng ka monwana wa Modimo.

Eksoda 32:15

Yaba Moshe o a kgutla, a theoha thabeng, a ena le matlapa a mabedi a bopaki matsohong a hae; matlapa ao a ne a ngodilwe ka nqa tse pedi, a ngodilwe ka kwano le ka kwana.

Eksoda 32:17

Joshua a utlwa mantswe a setjhaba ha se ntse se duduetsa; a re ho Moshe: Ho na le modumo wa ntwa diahelong.

Eksoda 34:1

Yaba Jehova o re ho Moshe: O betle matlapa a mabedi a kang a pele, mme ke tla ngola matlapeng mantswe a neng a le matlapeng a pele ao o a bolaileng.

Eksoda 34:4

Moshe a betla matlapa a mabedi a kang a pele; mme a tsoha e sa le hosasa, a hlwella thabeng ya Sinai, jwalokaha Jehova a ne a mo laetse, a ya a nkile matlapa a mabedi matsohong a hae.

2 Bakorinthe 3:3

Le a bonahala hoba le lengolo la Kreste, le lokisitsweng ke tshebetso ya rona, le ngodilweng, e seng ka enke, empa e le ka Moya wa Modimo o phelang; ha le a ngolwa matlapeng a lejwe, empa e le matlapeng a nama, a dipelo tsa lona.

2 Bakorinthe 3:7

Mme ekare ha tshebeletso ya lefu, e ngodilweng ka diletere tse betlilweng majweng, e ne e na le kganya e kgolo, bana ba Iseraele ba ba ba sitwa ho tadima Moshe mahlong, ka baka la kganya ya sefahleho sa hae, athe ke e neng e tla fela;

Deuteronoma 10:1

Mohlang oo, Jehova a re ho nna: Betla matlapa a mabedi a kang a pele, o nyolohele ho nna thabeng; hape o tla etsa areka ya difate.

Deuteronoma 9:15

Yaba ke a tloha, ka theoha thabeng; thaba e ne e tuka mollo; ke ne ke tshwere matlapa a mabedi a selekane matsohong a ka.

BaHebheru 8:10

Haele selekane seo ke tla se hlaba le ntlo ya Iseraele kamora ditshiu tseo, ke sona sena, ho bolela Morena: Ke tla kenya melao ya ka kelellong tsa bona, ke e ngole dipelong tsa bona; mme ke tla ba Modimo wa bona, le bona e tla ba setjhaba sa ka.