Eksoda 30:13 - Sesotho 1909/1961 (SO)

¹³ Bohle ba balwang ba tla ntsha hona: ba ntshe halofo ya shekele (ka ho ya ka shekele ya sehalalelo, e leng shekele e nang le gera tse mashome a mabedi), ke re, halofo ya shekele, e be kabelo e abelwang Jehova.

BIBELE

¹³ Ba tla fana ka hona: bohle ba fetelang sehlopheng sa ba seng ba ngodisitswe, ba tla ntsha silefera e etsang boima ba dikeramo tse hlano le halofo motho ka mong, ho ya kamoo e balwang kateng Sehalalelong. Digera tse mashome a mabedi ke dikeramo tse leshome le motso o mong; jwale dikeramo tse hlano le halofo e tla ba seabo se ntshetswang Morena.

Eksoda 30:13 Referencias Cruzadas

Genese 23:15

Monghadi, ako nkutlwe: Tshimo e rekwang ka dishekele tse makgolo a mane tsa silefera e ka ba eng mahareng a ka le wena? Hlo o mpe o pate mofu wa hao.

2 Marena 12:4

Ebile Joase o re ho baprista: Haele tjhelete tsohle tse kgethilweng, tse tliswang ka tlung ya Jehova, le ditjhelete tse ntshwang ke e mong le e mong wa setjhaba, e leng ditjhelete tseo motho ka mong a lekanngwang ka tsona, le ditjhelete tsohle tseo motho a ikgopolelang ka pelong ya hae ho di tlisa ka tlung ya Jehova,

2 Marena 12:5

baprista ba ke ba di amohele e mong le e mong ho ba tsebanang le yena, mme ba lokise dikgeo tsa ntlo, kahohle moo dikgeo di ka bonwang.

Eksoda 30:14

Mang le mang ya balwang, ho tloha ho ya dilemo tse mashome a mabedi le ho ya pele, o tla ntsha kabelo e abelwang Jehova.

Eksoda 38:24

Haele kgauta kaofela e keneng mosebetsing, e leng mosebetsi wohle wa sehalalelo, ke ena: Kgauta ya kabelo e tsokoditsweng ya eba talenta tse mashome a mabedi a metso e robileng mono o le mong tse nang le dishekele tse makgolo a supileng a mashome a mararo, ha ho uwa ka shekele ya sehalalelo.

Eksoda 38:26

ya eba beka bakeng sa e mong le e mong, halofo ya shekele, ha ho uwa ka shekele ya sehalalelo, bakeng sa bohle ba badilweng, ho tloha ho ba dilemo tse mashome a mabedi le ho ya pele, ba etsa dikete tse makgolo a tsheletseng a metso e meraro tse nang le makgolo a mahlano a mashome a mahlano.

Ezekiele 45:12

Haele shekele, e tla etsa gera tse mashome a mabedi. Mine ya lona e tla ba dishekele tse mashome a mabedi, e nngwe e be dishekele tse mashome a mabedi a metso e mehlano e nngwe e be dishekele tse leshome le metso e mehlano.

Levitike 27:25

Ditekanyetso tsa hao kaofela di tla etswa ka dishekele tsa sehalalelo: gera tse mashome a mabedi di etsa shekele e le ngwe.

Levitike 27:3

Ha o lekanyetsa e motona ya dilemo tse tlohang mashomeng a mabedi, ho isa mashomeng a tsheletseng, tekanyetso ya hao e tla ba dishekele tsa silefera tse mashome a mahlano, ka ho ya ka shekele ya sehalalelo;

Levitike 5:15

Ekare ha e mong a etsa ho sa lokang, mme a seba ka ho se tsebe, ka ho fotha ntho ho tse kgethetsweng Jehova, o tla hlahisetsa Jehova sehlabelo sa molato wa hae, e leng pheleu e se nang sekodi ya mohlape wa hae, ka ho ya ka tekanyetso eo o tla e lekanya ka dishekele tsa silefera, e leng ka shekele ya sehalalelo, e be sehlabelo sa molato.

Numere 18:16

O tla di lopollisa, ha di se di na le kgwedi e le nngwe, ka ho lekanya ha hao le ka theko ya dishekele tse hlano tsa silefera, e leng ka shekele ya sehalalelo, e etsang digera tse mashome a mabedi.

Numere 3:47

o di nke ka tjhelete ya sehalalelo, e leng ka shekele ya digera tse mashome a mabedi.

Numere 7:67

Kabelo ya hae ya eba mokeke wa silefera, boima ba wona e le dishekele tse lekgolo le mashome a mararo; le morifi wa silefera wa dishekele tse mashome a supileng, e leng dishekele tsa sehalalelo; tse pedi tseo di ne di tletse lefi la phofo le dubilweng ka ole, e be nyehelo;

Numere 7:86

Dipitsa tse leshome le metso e mmedi tsa kgauta, tse tletseng dibano, e nngwe le e nngwe e ne e le ya dishekele tse leshome tsa sehalalelo; kgauta yohle ya dipitsa tseo ya eba dishekele tse lekgolo le mashome a mabedi.

Mattheu 17:24

Eitse ha ba fihla Kapernauma, ha tla ho Petrose ba bokellang didrakema, ba re ho yena: Ana moruti wa lona ha a ntshe didrakema na?

Mattheu 21:12

Jesu a kena tempeleng ya Modimo; a lelekela ntle bohle ba bapatsang le ba rekang ka tempeleng; a diha ditafole tsa ba ananyang ditjhelete, le ditulo tsa ba bapatsang ka maeba.

Mattheu 27:24

Jwale, Pilato ha a bona hobane ha a thuse letho, le hoba moferefere o ntse o tota, a nka metsi, a hatlela pontsheng ho bongata, a re: Ha ke na molato mading a motho eo ya lokileng; ho iponele lona.