Eksoda 1:9 - Sesotho 1909/1961 (SO)

⁹ A re ho setjhaba sa hae: Bonang, setjhaba sa bana ba Iseraele ke sena se re feta ka bongata le ka matla.

BIBELE

⁹ Yaba e re ho batho ba yona: “Bonang, setjhaba sena sa bana ba Iseraele se sengata ho re feta, se bile se matla ho re feta.

Eksoda 1:9 Referencias Cruzadas

Genese 26:16

Yaba Abimeleke o re ho Isaaka: Tloha ho rona, hobane o matlafetse ho fetisa rona haholo.

Genese 46:3

Yaba o re: Ke nna Modimo, Modimo wa ntatao; o se ke wa tshaba ho theohela Egepeta, hobane ke tla o etsa setjhaba se seholo teng.

Jobo 5:2

Athe bohale bo bolaya lehlanya, mme lewatla le bolawa ke mona.

Eksoda 5:5

Faro a ba a re: Batho bana, naheng ena, ba se ba le bangata, mme le ba tlohedisa mesebetsi ya bona.

Diproverbia 14:28

Kganya ya morena ke bongata ba batho; empa ho hlokahala ha bona ke tshenyeho ho ngwana morena.

Diproverbia 27:4

Bohale bo soro, hlonamo ke ho tlala ha noka; haele lefufa, ke mang ya tla ema pela lona?

Moeklesia 4:4

Ke bone hobane mokgathala wohle le mesebetsi yohle e metle ya batho e ntse e hlahisa mona le mohono. Hoo le hona ke lefeela, ke mosebetsi o nyopileng.

Tite 3:3

Hobane le rona kgale re ne re le dithoto, re le ba hanang ho utlwa, ba lahlehileng, ba buswang ke ditakatso le ke dikgahliso tse ngata, ba phelang lonyeng le mohonong, ba tshwanetseng ho hlouwa, ba hloyanang.

Jakobo 4:5

Na le lekanya hoba Lengolo le bolela lefeela na? Moya o ikahetseng ho rona na o re isa mohonong na?