2 Samuele 4:7 - Sesotho 1909/1961 (SO)

⁷ Ba ne ba mo kenetse tlung, a robetse diphateng, phaposing ya hae ya ho robala, ba mo hlaba teng, ba mmolaya, ba mo kgaola le hlooho, mme ba nka hlooho ya hae, ba ya le tsela ya thota bosiu bohle.

BIBELE

⁷ E ne e ile ya re hoba ba kene ka tlung ba mo hlaba, ba mmolaya a ntse a paqame diphateng tsa hae. Ba mo kgaola hlooho, ba e nka, ba tsamaya bosiu bohle ka tsela ya Araba.

2 Samuele 4:7 Referencias Cruzadas

2 Samuele 2:29

Abnere le banna ba hae ba ya le lehwatata bosiu bohle, ba tshela Jordane, ba ba ba qeta le naha yohle ya Bithrone, ba ba ba fihla Mahanaime.

Eksoda 8:3

Noka e tla nyekenyeha dihohwana; di tla nyoloha, di kene ka tlung ya hao, le ka taong tsa malao a hao, ho fihlela le malaong a hao, le ka matlung a bahlanka ba hao le a setjhaba sa hao, le diontong tsa hao le merifing ya hao eo ho dubelwang bohobe ho yona.

Mattheu 14:11

Hlooho ya hae ya tliswa ka mokeke, ya newa morwetsana, mme a e isa ho mmae.

1 Samuele 17:51

Ebile Davida o titima, a ema ho Mofilesta; a nka sabole ya hae, a e pshemola selateng sa yona, a mmolaya, a mo kgaola hlooho ka yona. Bafilesta bohle ha ba bona hobane senatla sa bona se shwele, ba baleha.

1 Samuele 17:54

Haele Davida, a nka hlooho ya Mofilesta a e isa Jerusalema; le dihlomo tsa hae a di bea tenteng ya hae.

1 Samuele 31:9

Ba kgaola hlooho ya Saule, ba mo hlobodisa le dihlomo tsa hae, mme ba romela kahohle naheng ya Bafilesta, ho tsebisa ditaba tseo matlung a medimo ya bona le hara setjhaba.