2 Samuele 22:4 - Sesotho 1909/1961 (SO)

⁴ Ke howeletsa, ke re: Jehova o loketse ho bokwa! Mme ke namolelwa matsohong a dira tsa ka.

BIBELE

⁴ Ke ipiletsa ho Morena ya lokelang ho roriswa, mme ke pholoswa direng tsa ka.

2 Samuele 22:4 Referencias Cruzadas

2 Dikronike 20:22

Ba re ba sa qala ho etsa dipina le dithoko, Jehova a bea balalli ba ho lwantsha bana ba Ammone le Bamoabe le ba thaba ya Seire ba futuhetseng Bajuda; mme ba hlolwa.

Nehemia 9:5

Balevi, Joshua, Kadmiele, Bani, Hashabnia, Sherebia, Hodia, Shebania, le Pethahia, ba re: Emang, le boke Jehova, Modimo wa lona, ka ho sa feleng le ka ho sa feleng! Ho bokwe lebitso la hao le kganyang, mme le phahamiswe ho feta dipoko tsohle le dithoko tsohle!

Dipesaleme 106:2

Ke mang ya ka tsebang ho bolela diketso tse phahameng tsa Jehova, le ho bina dithoko tsa hae kaofela?

Dipesaleme 116:13

Ke tla emisa senwelo sa topollo, ke rapele lebitso la Jehova;

Dipesaleme 116:17

Ke tla o hlahisetsa sehlabelo sa teboho, ke rapele lebitso la Jehova.

Dipesaleme 116:2

hobane o ntshekehetse tsebe; ke tla mo rapela ke hona ka matsatsi wohle a ho phela ha ka.

Dipesaleme 116:4

Empa ka rapela lebitso la Jehova, ka re: Oho Jehova, o boloke moya wa ka!

Dipesaleme 18:3

Ke howeletsa, ke re: Jehova a ke a bokwe! mme ke namolelwa ho dira tsa ka.

Dipesaleme 34:6

Mohlomohi ha a rapela, Jehova o a utlwa; o mo pholosa mahlomoleng a hae kaofela.

Dipesaleme 48:1

Jehova o moholo, o tshwanetse ho rokwa motseng wa Modimo wa rona, thabeng ya hae e halalelang.

Dipesaleme 50:15

O ntoo bitsa ho nna ka letsatsi la matswalo; ke tla o namolela, mme o tla nkgodisa!

Dipesaleme 55:16

Haele nna, ke ntse ke howeletsa ho Modimo, mme Jehova o tla mpoloka.

Dipesaleme 56:9

Ka letsatsi leo ke tlang ho bitsa ho wena, bao e leng dira ho nna ba tla suthela morao. Hoo ke ho tsebang, ke tseba hobane Modimo o na le nna.

Dipesaleme 66:2

Rokang kganya ya lebitso la wona, le o tlotlise ka dithoko.

Dipesaleme 96:4

Hobane Jehova o moholo, o lokelwa ke ho roriswa ka ho fetisisa; o tshabeha ho fetisa medimo kaofela;

Baroma 10:13

Hobane mang le mang ya rapelang lebitso la Morena, o tla bolokeha.

Tshenolo 4:11

Morena, o loketswe ke ho newa kganya, le hlompho, le matla; hobane o hlodile dintho kaofela, mme ke ka ho rata ha hao di leng teng, di bileng di bopilwe.

Tshenolo 5:12

A ne a re ka lentswe le phahamileng: Konyana e neng e hlajwe e loketse ho nka borena, le monono, le bohlale, le matla, le hlompho, le kganya, le teboho.