1 Timothea 3:7 - Sesotho 1909/1961 (SO)

⁷ Hape, e ka kgona a be le bopaki bo botle bo tswang ho ba kantle, a tle a se ke a wela dihlapeng le lerabeng la Diabolose.

BIBELE

⁷ Eka kgona a buuwe hantle ke ba kantle ho kereke, esere a wela ho tse mo tlontlollang, le lerabeng la Diabolosi.

Baasraak Sotho NT

⁷ Ho feta moo, e ka kgona a bolelwe ke ba kantle; esere a wela sekgobong le lerabeng la Diabolosi.

Contemporary Southern Sotho Bible 2024

⁷ Ho feta moo, e ka kgona a bolelwe ke ba kantle; esere a wela sekgobong le lerabeng la Diabolosi.

1 Timothea 3:7 Referencias Cruzadas

Mareka 4:11

Yaba o re ho bona: Lona le neilwe ho tseba sephiri sa mmuso wa Modimo, athe ho bao ba kantle tsohle di etswa ka ditshwantsho;

Diketso 10:22

Ba re: Kornele, molaodi wa lekgolo, monna ya lokileng, ya tshabang Modimo, ya roriswang ke setjhaba kaofela sa Bajuda, o laetswe ke Modimo ka lengeloi le halalelang, ho o biletsa tlung ya hae, a tle a utlwe seo o tla mmolella sona.

Diketso 22:12

Teng, Ananiase, monna ya tshabang Modimo ka mokgwa wa molao, ya hlomphuwang ke Bajuda kaofela ba ahileng Damaseka,

Diketso 6:3

Ha ho le jwalo, lona banababo rona, a le ke le kgetheng banna ba supileng hara lona, e leng ba tshepjwang, ba tletseng Moya o Halalelang le hlalefo, bao re ka ba beang tshebeletsong eo.

1 Bakorinthe 10:32

Le se ke la dihela Bajuda, leha e le Bagerike, leha e le kereke ya Modimo,

1 Bakorinthe 5:12

Hobane ke na le taba efe kahlolong ya ba kantle? Haele ba kahare, na ha le ba ahlole na?

2 Bakorinthe 6:3

Ha re dihele batho le ka nthwana e nyenyane, tshebeletso ya rona e tle e se ke ya nyatsuwa.

2 Bakorinthe 8:21

Hobane re batla seo e leng se setle, e seng mahlong a Morena feela, e leng le mahlong a batho.

BaKolose 4:5

Tsamayang ka bohlale pela ba kantle, le ntse le lopolla dinako.

1 BaThesalonika 4:12

le tle le etse ka mokgwa o tshwanelang ka nqeng ya ba kantle, mme le se ke la hloka letho.

1 BaThesalonika 5:22

Tshabang tsohle tse tshwanang le bobe.

1 Timothea 3:6

Hape, e se ke ya eba modumedi e motjha, esebe a ka ikgohomosa, mme a wela tsuong ya Diabolose.

1 Timothea 5:14

Ke ka baka leo ke ratang hoba bahlolohadi ba batjha ba nyalwe, ba tswale bana, ba dise matlo a bona, ba se ke ba nea mohanyetsi sebaka le se senyenyane sa ho seba.

1 Timothea 6:9

Empa ba ratang ho rua, ba wela melekong, le lerabeng, le ditakatsong tse ngata, tse sa utlwahaleng, tse senyang, tse tebisetsang batho timelong le tahlehong.

2 Timothea 2:26

mme ba tlohe lerabeng la Diabolose, ya ba tshwasitseng hore ba etse kamoo a ratang kateng.

Tite 2:5

ho phela ka kelello, le ho hlweka, le ho itulela mahae a bona; e be basadi ba molemo, ba utlwang banna ba bona, hore lentswe la Modimo le se ke la nyefolwa.

Tite 2:8

Puo ya hao e be e pholosang, e se nang ho nyatseha, hore ya re hanyetsang a tle a swabe ke ho hloka ntho e mpe eo a ka re beang yona.

3 Johanne 1:12

Demetriuse o bokwa ke bohle, le ke yona nnete; le rona re a mmoka, mme le a tseba hobane poko ya rona ke ya nnete.

1 Samuele 2:24

Tjhe, bara ba ka, hase ditaba tse ntle tseo ke di utlwang; le fosisa setjhaba sa Jehova.