1 Samuele 20:16 - Sesotho 1909/1961 (SO)

¹⁶ Yaba Jonathane o hlaba selekane le ntlo ya Davida, a re: Jehova a pheteletse Davida ho dira tsa hae.

BIBELE

¹⁶ Yaba Jonathane o etsa selekane le ba ntlo ya Davida, o re: “Morena a ke a iphetetse ho dira tsa Davida.”

1 Samuele 20:16 Referencias Cruzadas

Genese 15:18

Ka letsatsi leo, Jehova a hlaba selekane le Abrame, a re: Ditloholo tsa hao ke di neile lefatshe lena, ho nka nokeng ya Egepeta ho isa nokeng e kgolo, noka ya Eufrate;

2 Samuele 21:8

Jwale, morena a nka bara ba babedi ba Ritspa, moradi wa Aja, bao a ba tswaletseng Saule, Armoni le Mefiboshethe, le bara ba bahlano ba Merabe, moradi wa Saule, bao a ba tswaletseng Adriele, mora Barsillai wa Mehola;

Jeremia 40:9

Gedalia, mora Akikame, mora Shafane, a ba anela, bona le batho ba bona, a re: Le se ke la tshaba ho ipea ho Bakalde, le mpe le ikahele lefatsheng, le ipee ho morena wa Babilona, le tle le iketle.

Deuteronoma 23:21

Etlere ha o itlamile ka kano ho Jehova, Modimo wa hao, o se ke wa dieha ho e phetha; hobane Jehova, Modimo wa hao, o tla e botsa ho wena, mme sebe se tla ba teng ha o ka dieha.

Joshua 22:23

Ha re ikgahetse aletare, jwaloka eka re ya furalla Jehova leha e le ho hlaba ditjheso le dinyehelo hodima yona, leha e le ho hlaba mahlabelo a teboho hodima yona Jehova e be yena ya batlang taba ena ho rona!

1 Samuele 18:3

Ebile Jonathane o hlaba selekane le Davida, hobane a ne a mo rata jwalokaha a ithata.

1 Samuele 20:42

Jonathane a re ho Davida: eya ka kgotso; re hlapantse ba babedi ka lebitso la Jehova hore Jehova o tla ba mahareng a ka le wena, le mahareng a bana ba ka le bana ba hao ka ho sa feleng.

1 Samuele 22:8

haele moo le dumellane kaofela ha lona ho nkwenehela, ho se le a mong ya ntsebisang hobane le mora ka o hlabile selekane le mora Jese, ho se le a mong wa lona ya nkutlwelang bohloko, leha e le ya ntsebisang hobane mora ka o ntsoseditse mohlanka wa ka ho ntalla, jwalokaha ho le jwale na?

1 Samuele 23:18

Ebile bobedi ba bona ba etsa selekane pela Jehova; mme Davida a sala morung, Jonathane yena a kgutlela hae.

1 Samuele 25:22

Modimo o etse dira tsa Davida ka hore le ka hore, ha nka siya letho leha le le leng la hae, kapa monna, ha bo esa.

1 Samuele 25:26

Ha ho le jwalo, monghadi, ka Jehova ya utlwang, le ka moya wa hao o utlwang, efela ke Jehova ya o thibetseng, hore o se tle ho tsholla madi, le ho iphetetsa ka letsoho la hao. Dira tsa hao, le ba batlelang monga ka bobe, ba be jwaloka Nabale.

1 Samuele 31:2

Bafilista ba phallela Saule le bara ba hae ka matla, Bafilista ba ba ba bolaya Jonathane le Abinadabe le Malkishua, bara ba Saule.