1 Bakorinthe 14:16 - Sesotho 1909/1961 (SO)

¹⁶ Ha ho se jwalo, ekare ha o leboha ka moya, ana ya dutseng setulong sa ya sa tsebeng a ka tiisa jwang teboho ya hao ka amen ya hae, haele mona a sa tsebe seo o se bolelang?

BIBELE

¹⁶ Ho seng jwalo, ha ho ka ba teng phuthehong motho eo e esong ho be Mokreste, o tla re “Amen!” jwang thapelong ya hao ya teboho, athe ha a utlwisise seo o se bolelang?

Baasraak Sotho NT

¹⁶ Ho seng jwalo, ha o boka ka moya, ya dutseng tlung ya motho ya sa rutehang o tla re jwang “Amen” tebohong ya hao, athe ha a utlwisise seo o se bolelang?

Contemporary Southern Sotho Bible 2024

¹⁶ Ho seng jwalo, ha o boka ka moya, ya dutseng tlung ya motho ya sa rutehang o tla re jwang “Amen” tebohong ya hao, athe ha a utlwisise seo o se bolelang?

1 Bakorinthe 14:16 Referencias Cruzadas

1 Marena 1:36

Moo Benaia, mora Jehojada, a araba morena, a re: Ho be jwalo! Jehova, Modimo wa morena, monga ka, ha a ke a rialo le yena!

1 Dikronike 16:36

Ho roriswe Jehova, Modimo wa Iseraele, ho tloha ho sa simoloheng ho isa ho sa feleng. Setjhaba sohle sa re: Amen! sa rorisa Jehova.

Nehemia 5:13

Ka udubatsa le sefuba sa seaparo sa ka, ka re: Modimo o ke o udubatse jwalo tlung ya hae le mosebetsing wa hae motho ka mong ya ke keng a phetha polelo ena; a fele a udubatswe jwalo, mme a tshollwe. Yaba phutheho kaofela e re: Ho be jwalo! Ba rorisa Jehova, mme setjhaba sa etsa ka polelo eo.

Nehemia 8:6

Esdrase a boka Jehova, Modimo o moholo; mme setjhaba kaofela sa araba, sa re: Amen! Amen! se emiseditse matsoho hodimo; ba boela ba inama; ba kgumama pela Jehova, ba kobotetse fatshe.

Dipesaleme 106:48

Ho roriswe Jehova, Modimo wa Iseraele, ho nka ho sa simoloheng ho isa ho sa feleng! Mme setjhaba kaofela se ke se re: Amen! Bokang Jehova!

Dipesaleme 41:13

Ho roriswe Jehova, Modimo wa Iseraele, ho tloha ho bo sa qaleng, ho isa ho bo sa feleng! Amen, e, amen!

Dipesaleme 72:19

Ho bokwe lebitso la hae le kganyang ka ho sa feleng; lefatshe lohle le ke le tlale kganya ya hae! Amen! e, amen!

Dipesaleme 89:52

Ho roriswe Jehova ka ho sa feleng! Amen, e, amen.

Jeremia 11:5

ke tle ke phethe kano eo ke e anneng ho bontata lona moholo, ka re: Ke tla ba nea lefatshe le kollang lebese le dinotshi, jwalokaha ho le jwalo le kajeno. Yaba ke a araba, ka re: Ho be jwalo, Jehova!

Jeremia 28:6

moporofeta Jeremia a re: A ho be jwalo! Jehova a ke a etse jwalo! Jehova a ke a etsahatse lentswe la hao leo o le porofetileng bakeng sa ho busetsa nqalong ena mafiso a ntlo ya Jehova, le bohle ba leng kgolehong Babilona!

Numere 5:22

metsi ana a tlisang thohako a kene maleng a hao, a kokomose mpa ya hao, mme a omeletse letheka la hao. Mme mosadi o tla re: Amen! amen!

Mattheu 15:36

Yare hobane a nke mahobe ao a supileng le dihlapi, a a ngwatha, ha a se a lebohile, a nea barutuwa ba hae, mme barutuwa ba abela bongata.

Mattheu 28:20

mme le ba rute ho boloka tsohle tseo ke le laetseng tsona. Mme bonang, nna, ke na le lona kamehla yohle, ho isa bofelong ba lefatshe.

Mattheu 6:13

o se ke wa re isa molekong; o mpe o re lwele ho e mobe; [hobane mmuso ke wa hao, le matla, le kganya ka ho se feleng. Amen!]

Mareka 16:20

Haele bona, ba tloha, ba ya bolela Evangeli kahohle, Morena a ntse a sebetsa le bona, a tiisa lentswe ka mehlolo o le felehetsang.]

Johanne 21:25

Taba tse ding di sa le teng tse ngata, tseo Jesu a di entseng. Hojane di ka ngolwa ka bonngwe, ke lekanya hore le lona lefatshe le be le ke ke la lekana dibuka tse ka ngolwang.

Johanne 7:15

Bajuda ba makala ke hona, ba re: Na eo o tseba Mangolo jwang, athe ha a ka a ithuta?

Diketso 4:13

Eitse ha ba bona ho tiya ha Petrose le Johanne, athe ba tseba hobane ke batho ba sa rutehang, e le batho feela, ba makala, mme ba lemoha hobane ba kile ba tsamaya le Jesu.

1 Bakorinthe 11:24

mme hobane a lebohe, a bo ngwatha, a re: Nkang, le je; hona ke mmele wa ka o robelwang lona; le etse hoo, le tle le nkgopole ka hona.

1 Bakorinthe 14:14

Hobane ekare ha ke rapela ka puo, moya wa ka o a rapela, empa kelello ya ka ha e sebetse letho.

1 Bakorinthe 14:2

Efela haele ya buang ka puo, ha a bue le batho, o bua le Modimo feela, hobane ha ho ya mo utlwang, mme o bolela disatsejweng ka moya.

1 Bakorinthe 16:24

Lerato la ka le aparetse lona bohle ho Jesu Kreste. Amen!

2 Bakorinthe 1:20

Hobane dipallo tsa Modimo kaofela ha tsona ke e ho yena; ka baka leo, amen le yona e teng ka yena, Modimo o tle o tlotliswe ka rona.

Tshenolo 22:20

Ya pakang ditaba tseo o re: E, ke tla kapele. Amen! Tloo, Morena Jesu!

Tshenolo 5:14

Mme dibopuwa tse phelang tse nne tsa re: Amen! Mme baholo ba wa ka difahleho tsa bona, ba rapela.

Tshenolo 7:12

a re: Amen! Ho Modimo wa rona e be poko, le kganya, le bohlale, le teboho, le hlompho, le borena, le matla, mehleng le mehla! Amen!