Mattheu 6:33 - Baasraak Sotho NT

³³ Le mpe le batle mmuso wa Modimo le ho loka ha wona pele; mme ntho tseo tsohle le tla di ekeletswa.

Sesotho 1909/1961 (SO)

³³ Le mpe le batle mmuso wa Modimo le ho loka ha wona pele; mme dintho tseo tsohle le tla di ekeletswa.

BIBELE

³³ Jwale batlang Mmuso wa Modimo le ho loka ha hae pele, mme tsena tsohle le tla di ekeletswa.

Contemporary Southern Sotho Bible 2024

³³ Le mpe le batle mmuso wa Modimo le ho loka ha wona pele; mme ntho tseo tsohle le tla di ekeletswa.

Mattheu 6:33 Referencias Cruzadas

Mattheu 19:28

Jesu a re ho bona: Kannete ke re ho lona: Lona ba ntatetseng, mehleng ya ho tswalwa ha Mora motho, ha a se a dutse teroneng ya kganya ya hae, le lona le tla dula diteroneng tse leshome le metso e mmedi, le ahlola meloko e leshome le metso e mmedi ya Iseraele.

Mattheu 19:29

Mme e mong le e mong ya tlohetseng matlo, kapa banababo, kapa dikgaitsedi, kapa ntatae, kapa mmae, kapa bana, kapa masimo, ka baka la lebitso la ka, o tla fuwa halekgolo, mme o tla rua bophelo bo sa feleng.

Mattheu 3:2

A re: Bakang, hobane mmuso wa mahodimo o atametse.

Mattheu 4:17

Ho tloha mohlang oo Jesu a qala ho bolela, a re: Bakang, hobane mmuso wa mahodimo o atametse.

Mattheu 5:6

Ho lehlohonolo ba lapetseng ho loka le ba nyoretsweng ho loka, hobane ba tla kgoriswa.

Luka 1:6

Bobedi ba bona e ne e le ba lokileng pela Modimo, ba tsamaya ka ditaelo le ditaelo tsohle tsa Morena, ba se na sekodi.

Luka 12:31

Le mpe le batle mmuso wa Modimo; mme ntho tseo tsohle le tla di ekeletswa.

Johanne 5:4

Hobane ka nako e nngwe lengeloi le ne le theohela letsheng, le fuduhe metsi;

Johanne 6:27

Le se ke la sebeletsa dijo tse felang, le mpe le sebeletse dijo tse hlolang ho isa bophelong bo sa feleng, tseo Mora motho a tla le nea tsona;

Diketso 20:25

Jwale, bonang, ke a tseba hobane lona bohle bao ke tsamaileng hara lona ke ntse ke bolela tsa mmuso wa Modimo, ha le sa tla hlola le bona sefahleho sa ka.

Diketso 28:31

A bolela tsa mmuso wa Modimo, a ruta tsa Morena Jesu Kreste ka tshepo yohle, ho se ya mo thibelang.

Baroma 1:17

Hobane ho loka ha Modimo ho bonahatswa ka teng ho tloha tumelong ho isa tumelong, jwalokaha ho ngodilwe, ho thwe: Ya lokileng o tla phela ke tumelo.

Baroma 10:3

Hobane, kahobane ba ne ba sa tsebe ho loka ha Modimo, mme ba ne ba batla ho tiisa ho loka ha bona, ha ba a ka ba ikokobeletsa ho loka ha Modimo.

Baroma 14:17

Hobane mmuso wa Modimo hase ho ja le ho nwa; empa ho loka, le kgotso, le thabo ka Moya o Halalelang.

Baroma 8:31

Jwale re tla reng tabeng tsee? Ha Modimo a eme le rona, ke mang ya ka bang kgahlano le rona?

1 Bakorinthe 1:30

Empa lona le ho Kreste Jesu, ya re etseditsweng bohlale bo tswang ho Modimo, le ho loka, le kgalaletso, le topollo ho rona.

1 Bakorinthe 3:22

leha e le Pauluse, leha e le Apolose, leha e le Kefase, leha e le lefatshe, leha e le bophelo, leha e le lefu, leha e le tsa jwale, leha e le tse tlang ho tla; tsohle ke tsa hao;

2 Bakorinthe 5:21

Hobane ya sa kang a tseba sebe o mo entse sebe bakeng sa rona; re tle re etswe ho loka ha Modimo ho yena.

BaFilipi 3:9

mme ke fumanwe ho yena, ke se na ho loka ha ka ho tswang molaong, empa e le ka ho dumela ho Kreste, ho loka ho tswang ho Modimo ka tumelo.

2 BaThesalonika 1:5

Seo e leng pontsho ya kahlolo e lokileng ya Modimo, le tle le nkoe le le ba lokelwang ke mmuso wa Modimo, oo le lona le utlwang bohloko ka baka la wona.

1 Timothea 4:8

Hobane ho thapisa mmele ha ho thuse letho, empa borapedi bo na le thuso nthong tsohle, bo na le pallo ya bophelo ba jwale, le ya bo tlang ho tla.

2 Petrose 1:1

Simone Petrose, mohlanka le moapostola wa Jesu Kreste, ke ngolla ba amohetseng tumelo ya bohlokwa, e tshwanang le ya rona ka ho loka ha Modimo le Mopholosi wa rona Jesu Kreste:

2 Petrose 1:11

Hobane ka mokgwa o jwalo le tla ekeletswa ka ho enneng ho kena mmusong o sa feleng wa Morena wa rona le Mopholosi Jesu Kreste.