Matthew 5:3 - Muklom

³ “Utin na tharangka moq tey tang ma sunmaan, chammatakoi Rangmungtan sha ning ma angna!

ASII LAKDAP Bible (BSI)

³ “Jurwa tsangshiq ka wenyi na miitsan nguta tumtlaq, kriiti ka chochi; Ramuntan ka tsangshiq rii!”

Hawa Naga Bible 2001

³ “Siyac htauk nuex vhtemc vrvmc rvhumc jix kuex thuinhvlx wuez yaq; yvmx khoc lac ngoz ruiux lec raungx Mungtan kuex tsuingshiq mungtan rvtueq!

Matthew 5:3 Referencias Cruzadas

Matthew 11:25

Ethi rangham tho, Jesu aa batta, “Iwa, mungtan nia mingkang Teyhungwa, nga nang ma kechu ajong kophang chammatakoi nang aa iri tang thaji raa rapney samtey etho asam atol miqtang wang tapu eq nijangsa mal miqtang ma tasam ma kotu.

Matthew 11:6

Nga nàn phamong miqtang sha sunmaan.”

Matthew 13:16

“Nim miik sha sunmaan chammatakoi nim miik eq jin khi eq inn. Etho nim naq sha sunmaan chammatakoi nim aa naq eq jin tat eq inn.

Matthew 19:14

Jesu aa batta, “Iri nijang tang ri ijamnáng takat phin, ning ri ijamnáng kat ma nak táng inn, chammatakoi Rangmungtan sha ning mal rima.”

Matthew 24:46

Utangteywa sha him náng thu ajo piq jaksom sha jaqhal ta khi ajo piq sha sunmaan.

Matthew 25:34

Esho Lungwang eq jakqhak kowang tang thima batna, ‘Nim thaji Iwa sunmaan kaptey tang, wangphin. Nim mingkang haq hun tok wang nga nim ma shing táng, nim mung shináng wang inn.

Matthew 3:2

“Ngarey wang wel inn, chammatakoi rangmungtan rapney arelna.”

Matthew 8:11

Nga asing batphang, saalkhong nia saalnop wang daqhan miq thu eq Rangmungtan phaksat rangma Abraham, Isaac, Jacob jamoq tong na.

Mark 10:14

Etho Jesu aa esha khi eq, piq tinkha eq ujiphantey tang thima batta, “Nijangsa tang ri irelnáng katma ko inn, etho ning ri nak táng inn, chammatakoi Shkewa mungtan sha ning mal miqtang ma hun angna.

Luke 11:28

Etho Jesu aa batta, “Etharin barey Shkewa tung aa raaq tat eq tong aa eshima ináng eq tho ahan sunmaan.”

Luke 18:14

Jesu aa batta, “Nga nim ma batphang, iri phunta qhekteywa Shkewa jakho na miq qhal ang eq qhing chuwang ta, etho Phorisi miq tha irimal ang moq angta, chammatakoi barey piq ni piq ma ajong ta tathin aa sha tinin ma angna, etho barey piq ni piq ma tinin ta tathin aa sha ajong ma angna.”

Luke 22:29

Etho Iwa aa nga ma jaqhal jaktáng o shing ma kotphang, req nga tho irimal hun nim ma jaktáng o shing kopha náng.

Luke 22:30

I mungtan na nim aa ijamoq tong eq ling phaksat nin, etho nim asi ani Israel phan tang phung eq lungwang tang tongching na tong nin!”

Luke 4:18

“Teyhungwa Tsija tha ihann na, chammatakoi tangshit tangma tungtang aqhal raaq batma nga raa tal taphang. Khak eq shing aa tang tha tho qhap ma etho miikduk tang ma takhi eq ma Etho utang damnak eq shing aa tang sha qhap ma piq aa nga ináng tathok tapha.

John 20:29

Jesu aa piq ma batta, “Nang aa nga khi eq ta phu, ethirangma nang aa han phu i? Utang eq khi hung aa han aa sha sunmaan!”

James 1:10

Etho tanglom uhantey tang sungrang ang inn, chammatakoi Shkewa ning sha tinin angma kona. Tanglom sha jat pilpung mal maqwang na.

James 1:12

Bari miq raa tsamnang na tong aa, eshi miq sha Shkewa sunmaan aa; chammatakoi piq tari wang thalat eq rollung cha khopok kap na, eshi cha khopok shima Teyhungwa piq tinmat tang shima kotma rangtum ta.

James 2:5

I no nia pho tang tat inn, iri mingkang na tangshi tang ma, ning kam o tanglom angma Shkewa tal aa etho barey Shkewa ma tinmat aa, ning ma ukot eq na ta rangtum ta eshi rangmungtan sha ukot eq ma ning sha tal aa.

Revelation 19:9

Etho rangkamwa they ngama batta, “Iri wit u, bara Kelwut sa rungsat phaksat náng halta ning sha sunmaan.” Piq aa ngama wey bat taphang, “Iri raaq tang raa Shkewa asing raaq.”

Revelation 22:14

“Bari ning rangkho samkhong tasang khol aa ning sunmaan chammatakoi ning aa rollung bang wang uphak eq rangma etho paal kalung o ajong samhaq shináng kap nop na.

Revelation 3:17

Nga tanglom, atha wangtey, etho ngama cham tangwang tho kum moq ta nang aa bat u. Etharin nang i relna chamtho ahung ang eq jashit rollung tong u ta nang aa sam mu. Nang tangshi, miikduk, etho hansang.