Matthew 5:3 - Hawa Naga Bible 2001

³ “Siyac htauk nuex vhtemc vrvmc rvhumc jix kuex thuinhvlx wuez yaq; yvmx khoc lac ngoz ruiux lec raungx Mungtan kuex tsuingshiq mungtan rvtueq!

ASII LAKDAP Bible (BSI)

³ “Jurwa tsangshiq ka wenyi na miitsan nguta tumtlaq, kriiti ka chochi; Ramuntan ka tsangshiq rii!”

Muklom

³ “Utin na tharangka moq tey tang ma sunmaan, chammatakoi Rangmungtan sha ning ma angna!

Matthew 5:3 Referencias Cruzadas

2 KAÜWA WERAÜ 33:12

Piq kuex kuilc daz rvhumc ningkhvnc nuex thuinz tvyomz vtueq Yehowa piq Tishox kox nuex kvroz yek ruiux romc kuy tvkoc thoz tueq.

2 KAÜWA WERAÜ 33:19

Hokhvmx waz rueq vjux thoz tueq nuiyc kvyuq seng vtueq Tishox rueq tvralc tueq lvmz, piq thuinz max kvlayc nuex honc bac yauk shuimc yaq tueq mvrax htenc lvmz, yac yuimx nawk palx juing baung htenc piq rueq vtvhungx Ashera tishox nyuiuz yac htenc nuiyc piq rueq nawk palx wvnc tueq yac yuimx htenc lotlaz kuex Shvmmax bix Mvnphvnc luik nuex wuiyq tvtsuingc taq shec tueq.

2 KAÜWA WERAÜ 33:23

Yuq muinz piq kuex vwaz ikhoc thuinz tvyomz vtueq Yehowa kox nuex yek muq; vwaz htauk nuex muinz vjvnc mvrax yaq gay tueq.

2 KAÜWA WERAÜ 34:27

Yerusalem ghaq nuiyc kvyuq httaz jix miq htenc muex murx tvgurc tvkoc ngaz rueq tvhiz yaz vshaungx lvmz kuex mnoz rueq tay vtueq, mkhoz mkhvy htenc juir gay ruiux khoar vtueq, ngvy khaungkac nuex thuinz tvyomz vshuiux. Mnoz rueq vjux thoz toq kuex ngaz rueq tay tauk,

2 KAÜWA WERAÜ 7:14

tsuingshiq rueq vshuimc tvyaq tueq layx bac yauk shuimc wawc thuinz kvlayc ruiux kvyez yek vtueq ngvy kox wawc vjux thoz ruiux yuq, raungmungx maq tay kuq shaungx, kvkhoc tsuingshiq mvrax htenc kuex dawc kuq ruiux, tsuingshiq mungtan kuex tvrungx wanx yek shaungx.

YOBA 42:6

Kvkhoc rvtueq ngaz rueq jungx wvnc tauk kvjaz htenc muex yvlc sac vtueq bokkhuyx nuiyc tvp nuex ngaungc ruiux rvwvlc khiz vshaungx.

Tvtsvmc 1:1

Layx bac jix miqsaz rueq jungphvnx yaq kuex tvdux gay jix htenc, mvrax vhttax jix bomc poz kuex phvnx muq jix htenc, Tishox muex ngoc ngac jix htenc rulc vdvmz nuex ngaungc naungx muq jix kuex thuinhvlx wuez yaq.

Tvtsvmc 112:1

Yehowa muex tvtsvmc wuez shuinz! Yehowa muex tvtsanc nganc vtueq vpiq rueq nvrc bomc htenc kuex tay phvnc raungc raq jix waz kuex thuinhvlx yaq.

Tvtsvmc 128:1

Yehowa kvjaz tay phvnx vtueq vpiq rueq nvrc bomc htenc rulc rv-ngvlc rullungx tvraungx jix htenc kuex thuinhvlx httax yaq.

Tvtsvmc 146:5

Yaku Tishox rueq romc kuy rvhumc jix htenc nuiyc Yehowa piq Tishox nuex rvwak jix htenc kuex thuinhvlx yaq.

Tvtsvmc 2:12

kvkhuirc yaq maq vpiq muex bumx wuez kuinz; kvkhoc rvmuq ngoz ruiux vpiq thuinkhvy kuex yauk lox kvtenc kvsvmc wvnc vtueq, nuimshiq kuex huingc rvhek laz maq dvyx thueyc wvnc tuinx. Tvkhup wungx kuy tvkoc vpiq kox nuex httuiuc kay jix hez kuex thuinhvlx wuez yaq.

Tvtsvmc 34:18

Yehowa kuex thuinbac yaq jix htenc rulc rvhep shauk httax yaq; thuinz tvluimc juing vguez shex jix htenc kuex vpiq rueq palc wvnc yaq.

Tvtsvmc 41:1

Htemc vrvmc jix miqsaz htenc tvkoc rvwvlc tvmaung jix waz kuex thuinhvlx yaq; tsuingshiq kuilc daz rvhumc tuex nuex Yehowa rueq tsuingshiq muex romc kuq shuex.

Tvtsvmc 51:17

O Tishox lex, ngvy shomc nawk kuy lvmx kuex thuinz tv-nyenc tvyomx lvmz rvtueq; thuinz tv-nyenc lvmz nuiyc thuinz kvlayc thuinz vmungx kuex mnoz rueq tvdux gay toq.

Tvtsvmc 84:12

Tvphaungc Tvsuip Yehowa lex, mnoz muex tvluimc jix htenc kuex pinhtumc thuinhvlx wuez yaq!

TAKSU LAK 16:19

Htemc vrvmc raz tueq thuinz tvyomx httaz kuex tuluimc jix miq vshiz shiz rulc vnyvlc hup svmx rv-phvlc tix htauk nuex muinz vhvlx pinhtumc rvtueq.

TAKSU LAK 29:23

Tuluimc thuinz httax ruiux mnoz kuex vdvy rvwvnc tuiux, yuq muinz thuinz tvyomx tv-nyenc ruiux kuex tvtsanc nganc lvp shuiux.

TAKSU LAK 8:32

“Majuiuc kuex, yalxrox bix lex, ngvy kvjaz kuex tay shuinz. Ngaz rueq jungx phaungx rulc rv-ngvlc shuimx kaz ruiux yuq, nuimshiq thuinhvlx wuez tuinx.

ISAIA 30:18

Yuq muinz Yehowa kuex nuimshiq muex menjenc kuy tvkoc bvmc yaq. Vpiq rueq mkaq muinz vlvmx shuimx yaq ningkhvnc nuex nuimshiq muex menjenc kuy tvkoc tvyoalc hvt httax yaq. Yehowa muex tvluimc jix kuex thuinz hvlc httax yaq.

ISAIA 57:15

“Ngaz kuex pattup pat-sac httax vtueq, johvlc vsawc Tishox rvtauk. Ngaz kuex johvlc vsawc baung nuex httax vtaungx, yuq muinz ngaz kuex thuinz tvyomx jix nuiyc tharc humc jix rulc vdvmz httax vtueq, tsuingshiq thuinz maq kvmx yaq nuiyc tvluimc yaq kuex ngaz rueq tvhungx htaungx kuq shaungx.

ISAIA 61:1

Johvlc Yehowa rueq ngaz kuex vpiq Siyac maq tvmvrc phuex. Htemc saz jix kox nuex thuix thaungx vhvlx gurc lvy tvkoc muinz, Thuinz vmungx bac jix muex thuinz tvhvlc kuy tvkoc muinz, Vthuq vruez laq jix htenc nuiyc khoktep nuex vshauk gay jix htenc kuex tvdungc tvkoc tvtay jungc muex Vpiq rueq ngaz kuex thvl vtueq nvr tvkaz phuex.

ISAIA 66:2

Ngvy shauk pumz maq httax mvhttax tvdung sung! Thuinz tvyomx vtueq tharc khic wvnc jix nuiyc ngaz muex hiyaz vtueq ngvy kvjaz phvnc jix kuex ngaz rueq lungwawx shaungx.

Mikha 6:8

Rvmuq, Yehowa rueq naungshiq kuex vhvlx yauk shuimc tvkoc jungx shec phuex. Naungshiq kox wawc vpiq rueq thoz yaq kuex vruex rvtueq: tvrac vlvmz shuimc lvmx, lungwawc thuinz tvkhic lvmx, thuinz tvyomz vtueq naungshiq Tishox rulc lux rvyaungc vtueq httaz juing rvtueq.

Matthew 11:25

Kvkaq Yesu rueq jungx tueq kuex, “Raungmungx nuiyc ghaq Taungjix Waz lex! Wvtharc jix nuiyc vthenc vtuiuz jix htenc muex tvtuiuz muq laz juing httuiyq puiuc ruiux, thenc tuiuz muq jix muex tvkhic kuq toq ningkhvnc nuex ngaz rueq mnoz muex kejux vyungx ngoz vphaungx.

Matthew 11:6

Ngvy htauk nuex kvmluimx thuinz yaq muq waz kuex thuinhvlx yaq!” ngoz tueq jungx kuq tueq.

Matthew 13:16

“Nuimshiq rueq muik maq khiz vtueq, nac maq tay lvp tuit ningkhvnc nuex nuimshiq thuinhvlx yaq.

Matthew 19:14

Yesu rueq, “Nosaz rulx kuex ngvy kox nuex mkaz rueq nauk tuingshaung kaz, yvmx khoc lac ngoz ruiux lec raungx Mungtan kuex vruex sahez vkhoc jix mungtan rvtueq,” ngoz tueq.

Matthew 24:46

Piq jiyungx waz httuiuc waung yek ruiux yuq, kvkhoc shuimx lvmz yaq nvrc waz kuex pinhtumc thuinhvlx yaq!

Matthew 25:34

Kvruex yimaq Hokhvmx waz rueq vpiq yauk keq kox nuex httax yaq jix htenc muex, ‘Iwaz kox wawc ruimrix lvp lvy jix htenc lex! Kaz wuez luit, mungkawx tvdung sung tueq maq phaungc vtueq nuimshiq tvkoc vtvyoalc taq mungtan ngoz yaq tsak vnyvmx kuex lvp wvnc wuez shuinz.

Matthew 3:2

Piq rueq, “Nuimshiq mvrax kvwawc thuinz kvlayc wuez kuinz, yvmx khoc lac ngoz ruiux lec Raungx Mungtan kuex httuiuc wvnc yaq!” ngoz tueq jungphvnx tueq.

Matthew 8:11

Kvmaq ngaz rueq nuimshiq muex jungx ix, shalx dungc kox wawc nuiyc shalx nyuip kox wawc miq paunghvlc httuiuc kaz vtueq, raungx Mungtan nuex Abraham, Esak, Yaku hez rulc phuiuz svy moalx nuex vdvmz ngaungc tuex.

Mark 10:14

Yesu rueq kvruex khiz tueq rulc rv-ngvlc vthuinz kaq vtueq, vpiq sangac hez muex ngoc, “Nosaz rulx kuex ngvy kox nuex tvkaz shuinz, tsuinghez kuex nauk tuingshaung kaz, yvmx khoc lac ngoz ruiux lec Tishox Mungtan kuex vruex sahez vkhoc jix hez mungtan rvtueq.

Luke 11:28

Yuq muinz Yesu rueq, “Tishox bomjungc tay vtueq phvnc jix kuex mtanc thuinhvlc wuez!” ngoz tueq tvralc tueq.

Luke 18:14

Ngaz rueq nuimshiq muex jungx kuq ix, Pharise rvmuq maq muinghic jix kuex Tishox khaungkac nuex vlvmx shuimx kaz ruiux yuimx nuex yek waung tueq. Yvmx khoc lac ngoz ruiux lec miqmac pumz muex kvtsvmc kvmc jix waz kuex tvyomx gay rvhumc ruiux, miqmac pumz tvyomx jix kuex tvyungc loayc rvhumc tuex,” ngoz kuq tueq.

Luke 22:29

kvkhoc rvtueq Iwaz rueq ngaz muex guimz lawc vkhangx kuq phuex ikhoc, ngaz rueq muinz nuimshiq muex guimz lawc vkhangx kuq vphaungx;

Luke 22:30

Ngvy Mungtan wawc ngvy humpanx nuex nuimshiq kuex ngaz rulc vdvmz phauk saq lvp wuez shuinx, nuiyc hoc daungraungc htenc nuex ngaungc vtueq Israel phvnx waruiuz rokshiz rac vnueyc kuex guimz lawc shuinx, ngoz tueq jungx tueq.

Luke 4:18

“Taungjix Siyac kuex ngvy htauk nuex svt kaz ruex; htemc saz jix muex thuix thaungx vhvlx jungc kuy tvkoc vpiq rueq ngaz muex vpuiz tix maq nyvt kuq phuex. Khvrc buinc rvhumc jix htenc tvdung wvnc shuex lvmz nuiyc, muik mawz jix htenc rueq muik khiz wvnc shuex lvmz jungphvnc kuy tvkoc muinz; tuinghtuing rvhumc jix htenc palc wvnc shuex lvmz muinz;

John 20:29

Yesu rueq, “Mnoz kuex ngaz khiz vtueq jix kvmx vtuiux ix? Khiz muq maq kvmx jix kuex thuinhvlx httax yaq!” ngoz tueq.

TRI CHONGKE 8:2

Nuimshiq kuex taruiyx lawc tvkoc ngoz tueq, vgvrx vtsvrx phvnx htenc kuex tvkaz ruiux vpiq rueq nvr yaq kvjaz htenc kuex tay phvnx vtueq shuimc kay thuinz httax yaq httax muq tuiuz lot laz juing, lvy wvnc tueq wawc rok bvlic tup Yehowa nuimshiq Tishox rueq kumtsvy tvnx lvmx luz kuex mkhoc lac shvlx kv-phuinx rvwvl shuinz.

James 1:10

luiz waungx Christan phunox waz kuex Tishox rueq piq kuex tvruinc gay rvhumc ruiux yuq muinz vkoz vkez dvyx mhttax kueq. Yvmx khoc lac ngoz ruiux lec luiz waungx jix htenc kuex yaruix wawc pulx puic ikhoc yuiuq wvnc tuex rvtueq.

James 1:12

Mvyx tvy rvhumc ruiux yuq phaungx duingduing tvmtuing httax jix waz kuex thuinhvlx yaq, yvmx khoc lac ngoz ruiux lec piq rueq kvkhoc talx lawc yaq kuex lotlaungc wvnc shuex nuex Tishox rueq vpiq muex lungwawc jix muex kuq shaungx ngoz tueq bomkhvmc kuq shec tueq rullungx yauk mauk kuex lvp wvnc shuex rvtueq.

James 2:5

Lungwawc phunox bix lex, tay wuez shuinz! Kvmluimx lvmx nuex rungwanx jix yaungx vtueq, vpiq muex lungwawc jix htenc muex kuq shaungx ngoz tueq bomkhvmc taq shec tueq raungx mungtan wawc tsak vnyvmx kuex lvp wvnc laung nuex Tishox rueq mungkawx vwawc htemc saz jix htenc kuex thvl wvnc tueq.

Revelation 19:9

Kvruex yimaq raungkamx waz rueq, “Khelbuenx Saz miqlvmc moalx nuex gvlc rvhumc jix htenc kuex thuinhvlx yaq, ngoz tueq wuiyq tvtsuingc shuiuz,” ngoz tueq muinz, “Vruex kvjaz kuex Tishox tsuingrux bomjungc rvtueq,” ngoz tueq muinz ngaz muex jungx phuex.

Revelation 22:14

Rullungx tvraungx juing pulx thuey svy lvp muex nuiyc ghaqyungx kaluix maq nyuip lvp vkhangx lvp tvkoc miqmac khoz vkhvy tvsawc huy jix htenc kuex thuinhvlx yaq.

Revelation 3:17

Mnoz rueq, ‘Ngaz kuex rungwanx vtaungx; ngaz muex rax yek yaq phvnx yvmx muinz vguez shex,’ ngoz tueq mnoz rueq jungx vshuiux. Yuq muinz miqmac mtanc khvnc lac kuilc daz vtix kuex menjenc sac yaq lvmx mnoz rueq tuiuz muq, mnoz kuex vjuk vkuix, muik mawz yaungx vtueq khoguez khvyguez httax vtuiux.