Matthew 5:12 - Muklom

¹² Nim sungrang ang inn, chammatakoi nim rangma ajong khongpha mungtan na shing aa. Chammatakoi jakho tok wang rangsamal tang ma tho ning aa irimal hun tahikham ta.”

ASII LAKDAP Bible (BSI)

¹² Namshiq ka khoqriiq shishiiq miili sironglaq. Jamkhano ngukla namshiq miitu ramungtan na poksi jonghea thütlo. Namshiq ma kongkhu pat wa shammibi min la akhiisii dea tiichamchao wanto.”

Hawa Naga Bible 2001

¹² Kokez vtueq thuinz hvlc hvlc maq httax kuinz. Yvmx khoc lac ngoz ruiux lec raungmungx nuex nuimshiq yauk mauk yunghvlc httax yaq. Nuimshiq max khux wawc shvmmax bix muinz tsuingshiq rueq kvkhoc taruiyx guirguenz wvnc tueq.

Matthew 5:12 Referencias Cruzadas

Matthew 16:27

Chammatakoi, Miqna Sa urangkamwa tang jamoq, uwa phun amun o kaa phana etho piq aa thaji miqtang ma ning jaksom rangma jakthang kona.

Matthew 6:16

“Nim wokcham tong inn jo, takhi eq somtey mal nak tong inn. Ning aa miq ma takhi rangma, thalkho tasang hung aa tong aa. Nga nim ma asing batphang, ning aa jaksom thang thaji jin kap sey ta.

Luke 13:34

“Jerusalem, Jerusalem! Nang aa rangsamal tang tha tatik tu, Shkewa takatta thoksil tattey tang tha nang aa long eq pat eq tatik chak tu! Woku aa chamal eq usa tang urang khungna hop shing eq tong aa thimal nga tho nim satang raa ijak eq homlotma chamtan juk tat tathin taphang! Etharin nang aa tasom pha mu angta phu.

Luke 6:23

Baluk o iri tang raa angna, ethi tok o sungrang ang inn etho wuk eq ninney inn, chammatakoi nim rangma ajong khongpha mungtan na shing aa. Chammatakoi ning tey aa wa tho jakho rangsamal tangma tho irimal hun tintashit kota.

Luke 6:35

Etharin nim aa ralwa tangma tinmat inn etho ning ma jaqhal som ko inn; nam kot inn etho thawel kap eq ni ta nak tathin inn; eshimal ang ajo nim aa ajong kongpha kap nin, etho nim aa ajong Shkewa satang ang nin. Chammatakoi piq aa hanmoq tey nia miq jalak tang shima tho rapney manchan aa.

Acts 16:25

Paal thungkam rangham tho, Paul nia Silas aa Shkewa ma romtam chu eq Shkewa sungsey seychey ta etho adak chukna tongtey tang atho utat eq ta.

Acts 5:41

Jehudi rongh wang ran náng thalat eq, apostle tang tin sungrang ta chammatakoi Shkewa aa ning ma Jesu miing o tsamnang rangma witta.

Romans 5:3

Esha cham ang moq, hiqtang tsamnang na tho tharangka ang i, chammatakoi tsamnang wang thanan khong aa ta hiqtang aa usam eq i.

1 Corinthians 3:8

Utang eq uli wonta etho utang eq jung shat ta iri ni raa arum hun etho Shkewa ning ni jaksomlot shima kongpha kot na.

2 Corinthians 4:17

Etho iri aming nia chomwey rangma tsamnang bara í aa thanan chey i, eshiwang rapney ajong pattuk phun amun thupha na, bara í tsamnang wang rapney ajong angna.

Philippians 1:29

Nim aa Khristo jaksom somlo ma kap tin, chammatakoi piq sha han ma chen ang moq, etharin Khristo rangma tsamnang thanan eq ching.

Philippians 2:17

Nim kam jaksom Shkewa pinthong mal, iri pinthong kho o i tahi tasal ang ajo tho, nga sungrang ang náng etho nim thaji jamoq sungrang ang.

Colossians 1:24

Thanga nga eshi tsamnang tungkang o sungrang ang ang, bara nim rangma nan ang, etho Khristo tsamnang tang na bara akum angta esha uhanphung bara mondoli rangma ihanphung o tahom somlo ang.

Colossians 3:24

Chammatakoi nim aa usam eq inn, nim ma iri kaley Teyhungwa kongpha ukot eq na. Bara umiqtang rangma shing ta. Ning aa Teyhungwa Khristo jaksom sha somlo aa.

1 Thessalonians 2:15

Jehudi tang aa Jesu Khristo etho rangsamal tang sha tho tatik eq chak ta etho í tho tahikham eq taphi. Shkewa ning ma sungrang moq. Ning aa thaji miqtang sha miiksuk aa.

Hebrews 10:34

Nim chukna tongtey tsamnang jam shina rok tsamnang tin, nim lik aa ngin sungrang eq tasom tin; chammatakoi nim relna jaqhal etho salwet ang phan alik aa ngin atha ta usam eq tin.

Hebrews 11:26

Khristo tungkang o tsamnang sha Egypt tang lik aa ngin phey náng eq ahan thangchan ta tathin ta chammatakoi piq aa ukongpha ma jakho náng siin chey ta.

Hebrews 11:33

Kam tungkang o ning aa mung tang sha jin ta, jaqhal jaksom somlo ta, Shkewa rangtum ta tangwang tha kapta, shaq tang nung tha kip chak ta.

Hebrews 11:6

Kam ahung o Shkewa sha jin tasungrang moq, chammatakoi utang tho Shkewa relnáng ka ajo Shkewa atha ta kam ching, etho piq aa piq bitey shima kongpha kot aa.

James 1:2

I no nia pho tang, nim uphan phan tsamnang na ang inn jo, esha sungrang raaq ta tathin inn,

James 5:10

I no nia pho tang, bari rangsamal tang raa Teyhungwa miing wang wanta, ning sha tsamnang na thanan rangma ashey raaq tathaktey ta tathin inn.

1 Peter 4:13

Etharin Khristo tsamnang shina nim tho tsamnang ang inn ta sungrang ang inn, irimal ang eq piq phun amun takhi rangham o nim rapney sungrang ang nin.