Matthew 5:12 - Hawa Naga Bible 2001

¹² Kokez vtueq thuinz hvlc hvlc maq httax kuinz. Yvmx khoc lac ngoz ruiux lec raungmungx nuex nuimshiq yauk mauk yunghvlc httax yaq. Nuimshiq max khux wawc shvmmax bix muinz tsuingshiq rueq kvkhoc taruiyx guirguenz wvnc tueq.

ASII LAKDAP Bible (BSI)

¹² Namshiq ka khoqriiq shishiiq miili sironglaq. Jamkhano ngukla namshiq miitu ramungtan na poksi jonghea thütlo. Namshiq ma kongkhu pat wa shammibi min la akhiisii dea tiichamchao wanto.”

Muklom

¹² Nim sungrang ang inn, chammatakoi nim rangma ajong khongpha mungtan na shing aa. Chammatakoi jakho tok wang rangsamal tang ma tho ning aa irimal hun tahikham ta.”

Matthew 5:12 Referencias Cruzadas

RAPHA HIQWA LAK 15:1

Kvruex yimaq Yehowa rueq romzyac tvkhic vtueq Abram muex ngoc, “Abram lex nauk hiz kaz. Ngaz rueq mnoz kuex vhiz juing wawc tvwungx wvnc vtueq yauk noalc yunghvlc kuq phaungx,” ngoz tueq jungx yaq kvjaz kuex tay tueq.

1 HOKHVMX 18:13

Jezebel rueq Yehowa shvmmax htenc kuex thvt gay tueq nuex, phungc shiz nuex rok bv-ngac ngac raz tueq phungc nueyc tv-phvlc ruiux, miq shashiz kuex lungshaung nuex httuiyq ruiux tsuinghez muex phuiuz vsvy joalc moalc kuq wvnc tauk kuex mnoz rueq tay toq shvmx?

1 HOKHVMX 18:4

Jezebel rueq Yehowa shvmmax htenc thvt gay yaq nuex, tsuinghez wawc waz shashiz kuex phungc nueyc nuex rv-phvlc vtueq, phungc shiz nuex waz rok bv-ngac ngac raz tueq lungshaung htenc nuex httuiyq vtueq phuiuz vsvy joalc moalc kuq tueq.)

1 HOKHVMX 19:2

Jezreel rueq Eliya muex bomjungc tvtay tueq: “Invp raungnvp vtanc jauz, shvmmax bix kuex mnoz rueq ruez toq kvrulc rv-ngvlc mnoz kuex ngaz rueq ruez mauk ngoz ruiux yuq, tishox htenc rueq ngaz kuex tvthueyc laz mthvt gay phueq.”

1 HOKHVMX 21:20

Ahab rueq Eliya kuex khiz vtueq, “Ngvy ralx waz lex, mnoz rueq ngaz kuex humc phux shex nyix?” ngoz tueq. Eliya rueq, “Rvtueq, ngaz rueq lauz phaungx shex, mnoz rueq Yehowa htumc nuex vbac yauk shuimc kuex mshauk pumz maq raungc raq tvhtumx laz shuimx vshuiux.

1 HOKHVMX 22:8

Ahab rueq, “Emla saz Mikaia washiz doc httax yek yaq. Yuq muinz piq rueq ngvy tvkoc mkaq muinz vhvlx jungx kuq muq ningkhvnc nuex ngaz rueq shuiuc vshaungx; vbac lvmz dvyx jungphvnx yaq,” ngoz tueq tvralc tueq. Jehoshaphat rueq, “Kvruex lvmz kuex mnoz rueq nauk jungx kaz shex!” ngoz tueq.

2 HOKHVMX 1:9

Kvruex yimaq piq rueq Elia kuex tvshvlc kay tvkoc vyungx vlaungx washiz nuiyc miq waz rok bv-ngac kuex tvkaz tueq. Vyungx waz rueq ghaqluimx poz vshiz nuex ngaungc yaq Elia kuex khiz vtueq, “Tishox miq waz lex, svt kaz loq, hokhvmx waz rueq mnoz muex nvr yaq,” ngoz tueq jungx tueq.

2 KAÜWA WERAÜ 16:10

Kvruex kvjaz kvmac Asa kuex pinhtumc khaq vtueq shvmmax waz kuex yanx ruiuz maq khvrc gay tueq. Kvruex baunglaung kvkaq Asa rueq miq wvyvmc kuex guirguenz phaungc wvnc tueq.

2 KAÜWA WERAÜ 36:16

Yuq muinz tsuingshiq rueq Tishox bomjungc jix hez kuex shummarc vtueq, vpiq kvjaz kuex wvlc guez waqguez tvyaungc ruiux, vpiq shvmmax bix kuex ngoz ngax nueykuic wuez tueq, kvkhoc rvtueq tvsuip nuex Yehowa rueq vpiq miqsaz htenc kuex dungc wvnc juing vguez laz juing khaq tueq.

NEHEMIA 9:26

“Yuq muinz mmiqsaz rueq khawx lvlx vtueq mkvjaz kuex tay muq; tsuingshiq rueq mnoz Tvrac kuex tvdux gay wuez tueq. Tsuingshiq muex honc tvsvmc kuy jix nuiyc, mnoz kox nuex kvyez tvkoc jungc kuy jix, shvmmax bix kuex tsuingshiq rueq thvt gay tueq. Tsuingshiq rueq mnoz muex lauk wvruip ruip yomnamc wuez tueq,

Tvtsvmc 19:11

Kvruex htenc kuex mnvrc waz rvtauk ngaz phaqjic kuq koq; ngaz rueq kvruex htenc kuex phvnx vshaungx ningkhvnc nuex yauk noalc kejux lvp wvnc vshaungx.

Tvtsvmc 58:11

Miq rueq, “Tsuingrux jix htenc kuex vsuingc suing tvtsvmc yauk noalc lvp wvnc wuez shuex; mungkawx phoc jix Tishox kuex vsuingc suing httax yaq,” ngoz tueq jungx wuez shuex.

TAKSU LAK 11:18

Layx bac jix miqsaz htenc rueq vsuing yvmx muinz lvp luz rvmuq, yuq muinz vlvmx yauk shuimc mnoz rueq shuimx ruiux kuex somraungc yauk noalc lvp wvnc shuiux.

ISAIA 3:10

Tsuingrux jix kuex thuinhvlx yaq, taungx vwawx ruip rawx tsuingshiq tvkoc vhvlx jvnc rvtuex. Tsuingshiq kuex miqmac shuimc vkay ningkhvnc nuex vkokez juing lvp wuez shuex.

JEREMIA 2:30

Ngaz rueq nuimshiq muex murx tvgurc ruiux muinz vbac; nuimshiq muex tvhonc tvtharc kuex nuimshiq rueq roc muit. Pinhtumc khaq yaq hangsic ikhoc nuimshiq rueq nuimshiq shvmmax bix kuex thvt gay wuez tuit.

JEREMIA 26:8

ngaz rueq jungphvnc tvkoc Yehowa rueq nvr phuex kvjaz lotlaz jungx lot tauk rulc rv-ngvlc, tsuingshiq rueq ngaz kuex lvp vtueq vkhoc guyc wuez tueq: “Vruex lvmz ningkhvnc nuex mnoz kuex vthvy gay rvhumc aungx yaq!

JEREMIA 37:14

Ngaz rueq, “Kvkhoc kuex rvmuq! Ngaz yuz wvnc mauk doc,” ngoz tueq tvralc tauk. Yuq muinz Irija rueq ngvy kvjaz kuex tay muq. Kvkhoc tay tvraung, piq rueq ngaz kuex lvp vtueq vyungx vlaungx bix httax yaq nuex shvlx wvnc phuex.

Matthew 16:27

Yvmx khoc lac ngoz ruiux lec Miq Saz vruex kuex Vwaz ngauz vngax maq raungkamx bix rulc roc nuex httuiuc kaz tuex. Ekvkaq miqmac rueq shuimx wvnc tueq kvkhoc washiz maq washiz muex yauk mauk tvyez kuq shuex.

Matthew 6:16

“Nuimshiq rueq phuiuz svy mamc ruiux yuq kvyonc yuk jix miq ikhoc htvlx tvyuiuq shvmx nauk tvkhic kaz. Tsuingshiq kuex miqmac rueq phuiuz svy mamc yaq lvmz tvkhic roc vtueq, tsuingshiq htvlx kuex tvyuiuq wuez yaq. Nuimshiq muex vsuing jungx ix, tsuingshiq rueq miqmac yauk mauk kuex vlvp lvy wuez shex rvtueq.

Luke 13:34

“Yerusalem lex, Yerusalem lex! Shvmmax bix kuex thvt gay ruiux, mnoz kox nuex Tishox rueq vtvkaz kamx waz hez kuex lung maq tuip thvt gay toq! Wukuiux rueq vsahez kuex vraungx khung nuex tvkhup wungx yaq ikhoc mmiqsaz htenc lotlaz kuex ngaz rueq lauk wvruip ruip tvtuimx roc tauk, yuq muinz mnoz rueq ngaz muex kvkhoc tvshuimc muq!

Luke 6:23

Kvkhoc rvhumc ruiux yuq kokez vtueq dauk dat wuez kuinz, yvmx khoc lac ngoz ruiux lec raungmungx nuex nuimshiq yauk mauk yunghvlc httax yaq. Tsuingshiq jix vwaz rueq muinz shvmmax bix kuex kvkhoc guirguenz wvnc tueq.

Luke 6:35

Kvkhoc rvtueq nuimshiq ralx waz kvmac lungwawx kuq shuinz, tsuingshiq muex vhvlx phvnx yauk shuimc shuimx kuq shuinz; phvnx shishiz tvyez lvp yek tvkoc nauk tvmaung kaz maq tvnvmc kuq shuinz; kvkhoc shuimx kaz ruiux yuq kuex nuimshiq rueq yauk noalc yunghvlc lvp vtueq, Johvlc Pinhtumc wawc Tishox vpiq sahez muex yaungx wuez tuinx. Yvmx khoc lac ngoz ruiux lec vpiq kejux tuiuz muq jix nuiyc layx bac jix muex muinz kejux yauk shuimc shuimx kuq yaq.

Acts 16:25

Wvrx htungx tanc nuex Polu nuiyc Sila rueq vjux thoz vtueq Tishox muex tvtsvmc kvmc tueq, khoktep mungx nuex vshauk jix htenc rueq muinz tsuingnueyc kvjaz kuex tay tvtsuingc wuez tueq.

Acts 5:41

Kamx waz hez rueq miqmac kuex Yesu ningkhvnc nuex yvlc svy rvhumc aungx yaq ngoz tueq Tishox rueq wvlc kuy rvhumc ningkhvnc nuex vkoz vkez maq Suingdaungx Muingdaungx phungc wawc dung kaz wvnc wuez tueq.

Romans 5:3

Kuilc daz rvhumc ruiux muinz kokez kvsomc parc vtix, yvmx khoc lac ngoz ruiux lec kuilc daz rueq vnanx thuinz muex tvyaungc kuq yaq,

1 Corinthians 3:8

Vlix yuingc jix waz nuiyc yuix shvy jix waz kuex rv-ngvlc dvyx rvtueq; vshiz maq vshiz rueq shuimx lvmz wvnc tueq yauk mauk kuex Tishox rueq kuq shuex.

2 Corinthians 4:17

Nuiyshiq vlosaz rvhumc vtix vjawz dvyx kuilc daz rueq mkaq muinz yungx luz yaq pattup ngauz vngax kuex nuiyshiq muex tvlvp luz wvnc phuex.

Philippians 1:29

Nuimshiq kuex Christu muex kvmluimx ningkhvnc nuex dvyx muinz rvmuq, vpiq tvkoc kuilc daz rvhumc ikhoc maq vpiq yauk shuimc kuex gurc pic vkhangx kejux kuy rvhumc tuit.

Philippians 2:17

Mkhoc shoc maq nuimshiq kvmluimx tuinx kuex Tishox muex shomc kuq yaq shomc nawk kuy juing htauk nuex, ngvy thuiuzthuic tvguiy shvy kuy juing ngoz ruiux kuex, ngaz kuex kokez vtueq nuimshiq rulc vdvmz nuex kokez taungx.

Colossians 1:24

Ngaz kuex nuimshiq tvkoc vkuilc vdaz rvhumc ningkhvnc nuex kokez vtaungx. Christu kuex vpiq shauk pumz ngoz yaq phungc tvkoc nuex kuilc daz rvhumc wvnc tueq rulc rv-ngvlc, ngaz kuex ngvy shauk pumz tvkoc kuilc daz rvhumc ikhoc Christu shauk pumz ngoz yaq phungc laung nuex rvhumc muex kvjungx yaq kuilc daz htenc kuex ngaz rueq romc tvmvrc kuq vshaungx.

Colossians 3:24

Vpiq miqsaz muex Taungjix rueq khvmc kuq shec tueq yauk noalc kuex nuimshiq rueq lvp wvnc shuinx lvmx thuinz nuex tvtsuingc taq wuez shuinz. Yvmx khoc lac ngoz ruiux lec Christu dvyx nuimshiq Taungjix muik shauk rvtueq.

1 Thessalonians 2:15

Yuda miqsaz ngoz yaq htenc rueq Taungjix Yesu muinz, shvmmax htenc muinz thvy gay jix hez rvtueq, nuiyshiq muinz guirguenz naqsaq jix hez rvtueq. Tsuingshiq kuex Tishox rueq raungc raq yaq ikhoc ruez muq! Miq ruip rawx muex ralx yaungc jix hez rvtueq.

Hebrews 10:34

Nuimshiq kuex khoktep nuex shuiuz rvhumc jix htenc rawc nuex menjenc thuinz httax wvnc tuit, miqmac hup vsvmx htenc laungc maq nyvlc wvnc kv-phuinx muinz kokez thuinz maq dvyx nanx wvnc tuit, yvmx khoc lac ngoz ruiux lec vtsanz pinhtumc httax yaq hup vsvmx phvnx shishiz nuimshiq rueq lvp taq tuit kuex nuimshiq rueq tuiuz vshuinx.

Hebrews 11:26

Piq kuex Mesia rawc nuex shummarc rvhumc vtaungx kuex Ejip mungx wawc tsak vnyvmx lotlaz htauk nuex muinz pinhtumc raungc hvlc ngoz tueq tvmaung tueq, yvmx khoc lac ngoz ruiux lec piq rueq max kox nuex lvp wvnc juing somraungc yauk mauk rvwvl yaq.

Hebrews 11:33

Kvruex hez kuex kvmluimx vtueq miq mungtan htenc kuex khvt vtueq taungx wvnc tueq. Tsuingshiq rueq vlvmx kuex tay phvnx vtueq Tishox rueq bomkhvmc kuq tueq lvmz kuex lvp wvnc tueq. Hangsic nuix htenc kuex phup gay lot tueq,

Hebrews 11:6

Kvmluimx thuinz vguez waz kuex Tishox muex tvraungc raq lot yaq rvmuq, yvmx khoc lac ngoz ruiux lec Tishox kox nuex kvnvp wvnc jix ukhaq yuq muinz Tishox httax yaq nuiyc vpiq thuiyc jix htenc muex kejux tvyez kuq yaq, ngoz tueq kvmluimx jix waz rvtueq.

James 1:2

Iphuz inox bix lex, nuimshiq kuex guirguenc taruiyx phvnx ruip saz rvhumc tuinx nuex, nuimshiq tvkoc vkoz vkez juing rvtueq ngoz tueq lvp wvnc shuinz.

James 5:10

Phunox bix lex, Taungjix muingc maq jungphvnx wvnc tueq shvmmax bix lvmz kuex rvwvl yek wuez shuinz, vkuilc vdaz rvhumc wvnc tueq nuex tsuingshiq nanx thuinz httax wvnc tueq layx kuex lvmz wuez shuinz.

1 Peter 4:13

Vwangc tvraung, nuimshiq kuex Christu kuilc daz rvhumc wvnc tueq kvrulc roc nuex rvhumc wvnc naungx tuit ningkhvnc nuex kokez wuez kuinz, kvkhoc ngoz ruiux jix vpiq ngauz vngax maq dung wvnc tuex nuex nuimshiq kokez mvrc wvnc tuinx.

RUTHA 2:12

Mnoz rueq shuimx vshuiux yauk shuimc laung Yehowa rueq yauk mauk yauk noalc mkuq kv-phux. Mnoz kvkhup wungx kvnvp vtuiux Yehowa Israel Tishox kox wawc yauk noalc kejux mvrc laz lvp wvnc shuiuz!” ngoz tueq jungx tueq.