Matthew 24:11 - Muklom

¹¹ Ahut alik rangsamal tang ahan tunshat na, etho miq daqhan sha athom ma hunna.

ASII LAKDAP Bible (BSI)

¹¹ Kra akhing na arot shammibi pahea mipu wan. Kiimaq tsangshiq raq maiqse pahea lamjiq nü na mishon ronho.

Hawa Naga Bible 2001

¹¹ Vrot vkaq shvmmax paunghvlc dung vtueq miq paunghvlc muex lvmx tvmawc shuex.

Matthew 24:11 Referencias Cruzadas

Matthew 24:12

Jashit jaksom cha lo aa rangma miq daqhan tinmat sha nùng ti na.

Matthew 24:24

Chammatakoi alik Khristo tang etho alik rangsamal tang tunshat na etho ahan patja jaksom takhina, jin som eq ajo utal miqtang shima tho alik tha tahan na.

Matthew 24:5

Chammatakoi i miing o alik tang daqhan ka phana etho ning aa batna, ‘Nga Khristo tha.’ Etho ning aa miq daqhan dipkup na.

Matthew 7:15

“Alik rangsamal tang wang rangtun eq tong inn. Ning kelwut sa tang mal takhi eq nim relnáng thupha na, etha otho ning tin mong sha jashit inkaku tang mal hun.

Mark 13:22

Chammatakoi, alik Khristo etho alik rangsamal tang thu eq patja jaksom lot somlo eq takhi na etho jin som eq ajo, Shkewa utal chol miqtang sha tho dipkup eq na!

Acts 20:30

Nim jaktung wang miqtang tunshat na hutdip eq uhantey tang sha adak lam náng solna.

1 Timothy 4:1

Asang Tsija aa aláng eq bat aa, uthun rangham sho chamtey miqtang sha han wang alo na angna; ning aa alik tsija tang raaqkhat sha tat na etho thangwa tang tatal sha phan na.

2 Peter 2:1

Chamal Israel miqtang jamoq alik rangsamal tang angta eshimal nim jaktung na tho jashit tataltey tang angna, ning aa irimal raaq tatal kot na, barey chamtey tang kam sha thunna etho ning tatalna Teyhungwa sha shingchak na barey ning sha uthang kot eq rita. Irimal ang eq ning aa ning ni ning khom o uthun sha tasam moq pol tathokna.

1 John 2:18

I tinmat sa tang, ira uthom rangham! Nim aa tat tin mal Khristo ralwa thupha na etho thanga Khristo ralwa tang daqhan sey thu tapha. Etho ira uthom rangham ta iri wang hiqtang aa kap sam ni.

1 John 2:26

Nim ma dipkup eq jashit lam solkat ma tathintey tang tung aa raaq nga nim ma thaji raa wit phang.

1 John 4:1

I tinmat nok nu wa tang, thaji tsija shi nak han inn, etharin eshi tsija sha Shkewa wang ang moq tia ang aa ta thak tari inn. Chammatakoi alik rangsamal tang daqhan mingkang na thalat aa.

Jude 1:4

Chammatakoi chamtan Shkewa ahung miqtang hutshu wang hiqtang jaktung na nop ta, barey ujashit lam sha tapu rangma hiqtang Shkewa ráng manchan raaq sha kaley chak aa, etho ning aa hiqtang tataltey nia Teyhungwa barey Jesu Khristo sha shingchak aa. Jakho wang hun ning tsamnang tung aa raaq asang likwit na wit sey ta.

Revelation 19:20

Etho jatngam nia piq jamoq alik rangsamal raa kap lota. Iri alik rangsamal raa jatngam kaley o patja jaksom takhi ta iri patja jaksom tungkang o piq aa jatngam maal shingtey tang etho ushila shumnuk tey tang tha dipta. Eshi ni tha atharang eq wal bungna bara sulphur eq jung aa, eshináng bichak ta.