Matthew 24:11 - Hawa Naga Bible 2001

¹¹ Vrot vkaq shvmmax paunghvlc dung vtueq miq paunghvlc muex lvmx tvmawc shuex.

ASII LAKDAP Bible (BSI)

¹¹ Kra akhing na arot shammibi pahea mipu wan. Kiimaq tsangshiq raq maiqse pahea lamjiq nü na mishon ronho.

Muklom

¹¹ Ahut alik rangsamal tang ahan tunshat na, etho miq daqhan sha athom ma hunna.

Matthew 24:11 Referencias Cruzadas

Matthew 24:12

Honc vbac lvmx rueq nyvmc wvnc vtueq miq paunghvlc lungwawc thuinz thvp wvnc tuex.

Matthew 24:24

Yvmx khoc lac ngoz ruiux lec vrot vkaq Mesia nuiyc vrot vkaq shvmmax bix dung wvnc tuex; Tishox rueq thvlc tvy yoalx jix doc muinz laulawc lot ruiux laulawc gay tvkoc vwangc juing romzyac htenc nuiyc vkawc yawc juing htenc kuex tvkhic kuq wuez shuex.

Matthew 24:5

Miq paunghvlc ngvy muingc maq dung vtueq, ‘Ngaz kuex Mesia rvtauk!’ ngoz tueq miq paunghvlc muex lvmx tvyaq shuex.

Matthew 7:15

“Nuimshiq kox nuex httuiuc kaz tueq raungx nuex khelbuenx mul svmx ruiux, vmungx nuex vphuiuz gay thuinz httax yaq shoalx rulc rv-ngvlc yaq shvmmax vrot hez kvmac honc lvmz hvt maq koayc shuinz.

Mark 13:22

Yvmx khoc lac ngoz ruiux lec vrot vkaq Mesia nuiyc vrot shvmmax bix dung wvnc wuez tuex. Tsuingshiq kuex Tishox rueq vthvl miqsaz muex doc muinz lvmx tvmawz lot ruiux tvmawc lot laz juing ngoz tueq, romzyac htenc nuiyc vwangc juing yauk shuimc htenc shuimx wuez shuex.

Acts 20:30

Nuimshiq phungc kvwawc wvyvmc rueq vrot vkaq kvjaz jungx vtueq kvmluimx jix htenc kuex tsuingshiq yix nuex tvshonx tv-phvnc wvnc shuex vkhing httuiuc wvnc tuex.

1 Timothy 4:1

Yix maq miq wvyvmc rueq kvmluimx lvmz kuex tuip gay wuez shuex; tsuingshiq rueq vrot vkaq rvyaq siyac htenc kvjaz kuex phvnx vtueq, htaungc htenc rueq tvluing yaq lvmx htenc kuex phvnx wvnc shuex lvmz Siyac rueq raungraung tvkhic kuq yaq.

2 Peter 2:1

Lvy wvnc tueq vkhing nuex miq htenc nuex vrot vkaq shvmmax htenc dung wvnc tueq rulc rv-ngvlc, nuimshiq nuex muinz vrot vkaq tvluingc waz htenc dung wvnc tuex. Tsuingshiq rueq tvbac gay yaq, tsuingmuq ruxmuq tvluingc waz htenc kuex vyumx maq tv-nyuip vtueq miqmac palc wvnc jix Taungjix kuex tvdux gay shuex. Kvkhoc tsuingshiq rueq miqmac htauk nuex huingc rvhek maq tvbac gay lvmx tvhttuiuc wuez shuex.

1 John 2:18

Isuiuz isaz tamx lex, vtvsuip pat kuex vnyek shex! Nuimshiq muex jungx shec tueq rulc rv-ngvlc, Christu muex ralx ngoz yaq waz kuex httuiuc wvnc yaq shex rvtueq; majuiuc doc muinz Christu muex ralx paunghvlc shex dung wvnc yaq khuec nuex, vtvsuip pat kuex vnyek shex lvmz naungshiq rueq tuiuz wuez vshix.

1 John 2:26

Nuimshiq muex lvmx tvmawc tvyaq tvkoc hunglaungx yaq jix tsuingshiq lvmx nuex seng vtueq vkhoc ngaz rueq luik wuiyq tvwvnc vphaungx.

1 John 4:1

Lungwawc kungjix bix lex, Siyac lvp wvnc tiq ngoz tueq jungc jix miq lotlaz muex nauk kvmx kaz, tsuingshiq rueq lvp wvnc tiq ngoz yaq siyac kuex Tishox kox wawc vkaz shuex rvmuq lac kuex wisoz lawc shuinz. Yvmx khoc lac ngoz ruiux lec vrot vkaq shvmmax paunghvlc kuex baung ruip saz nuex httuiuc wvnc tueq.

Jude 1:4

Yvmx khoc lac ngoz ruiux lec tvrac vguez miqsaz htenc kuex naungshiq kox nuex kvhelc muq vyumx maq nyuip wvnc wuez yaq, tsuingshiq kuex tsuingshiq piauc juing lvmx phvnx yaq vbac honc vyaungc htenc kuex tvguing lot tvkoc naungshiq Tishox kejux nuex seng yaq bomjungc kuex miqmac rueq vroc ruip rux gay dvyx muinz rvmuq, naungshiq nuex vshiz dvyx rvtueq Taungjix Yesu Christu kuex tvdux gay wuez tueq. Tsuingshiq rueq lvp wvnc tueq vphoc vthamc lvmz kuex mvnnuex tvluz nuex phuex Rumvrc luik htenc nuex jungx shec tueq.

Revelation 19:20

Svl vwvl rulc vdvmz piq khaungkac nuex romzyac tvkhic jix vrot vkaq shvmmax kuex vkhvrc buinc rvhumc tueq. (Kvruex vrot vkaq shvmmax waz kuex svl vwvl lombot mvhttarc tvkop vtueq piq yac yuimx nawk jix htenc muex romzyac tvkhic ruiux lvmx tvmawc tvyaq jix waz rvtueq.) Tsuingnueyc wanueyc wvtaungx luic thuiyc yaq wvr jumx nuex vtvraungx maq tuip gay rvhumc tueq.