Matthew 17:18 - Muklom

¹⁸ Jesu aa thangwa ma kha eq batta, etho thangwa they ethi miqwasa tha shing chak eq chuwang ta, etho ethi rangham wang miqwasa tha qhalta.

ASII LAKDAP Bible (BSI)

¹⁸ Kra ngu raütiishe Jesuq raq abi winji no khum kiiwa dongho laq nguta aming kuqto. Krai mren tha ka no khum wa donghoto. Kiimaq no tha tsi ka heasaq she heakito.

Hawa Naga Bible 2001

¹⁸ Yesu rueq htaungc kuex httonx koq tueq, kvruex nox kuex kvkaq dvyx hvlx kaz tueq.

Matthew 17:18 Referencias Cruzadas

Matthew 12:22

Eshi jio, chamtey miqtang aa thangwa eq lota ashey miq tha Jesu ching náng solkat ta, piq tha aduk ni angong angta. Etho Jesu aa eshi miq tha taqhal chakta etho piq aa jin khi eq raaq ta.

Matthew 15:28

Etho Jesu aa piq ma thawel batta, “Miqnu, ba kam rapney ajong! Nang aa cham ta chutu, eshimal hun nang ma angna.” Etho eshi rangham tho, piq miqnu sa tha aqhal sey angta.

Matthew 17:17

Jesu aa batta, “Iri miqtang raa rapney kam moq tang etho rapney jashit tang! Nga nim jamoq chamtan luk náng thok tong phanáng? Chamtan nángduk nga nim thanaan phang náng? Miqwasa ri irel náng sol kat phu.”

Matthew 17:19

Ethi jio ujiphantey tang they Jesu jamnáng shu shu ka eq pitta, “Í aa anaan tsija tha chamal ley jin phan miq ang ti?”

Matthew 9:22

Jesu aa ngik lang eq batta, “I sa miqnusa, nak cho u! Bakam wang nang uqhal ang tu.” Kalo hun eshi miqnusa tha qhalta.

Mark 1:34

Etho Jesu aa uphan phan atakasa wang tsamnang aa thaji miqtang tha taqhal ta etho thangwa eq lo aa thaji miqtang wang esha phanta. Thangwa tang tha uraaq angma komoq angta chammatakoi Jesu utang aa ta ning aa usam eq ta.

Mark 5:8

Piq aa irimal batta chammatakoi Jesu aa bat sey ta, “Anaan tsija, iri miq haan wang thalat chuwang u!”

Luke 4:41

Etho Thangwa tang tha irimal ring rak ta, “Nang raa Shkewa Miqwasa!” Etho irimal raaq eq, daqhan miqtang haan thiwang thalat chuwang ta. Etharin Jesu aa Thangwa tang thima raaqkhat kotta etho ning tha kap tharaaq moq angta, chammatakoi piq raa Khristo ta ning aa usam eq ta.

Luke 8:29

Piq ira raaq ta chammatakoi Jesu aa anaan tsija sha eshiwa haan shiwang thalat chuwang ma raaqkhat kota. Thangwa eq piq sha jukdaqhan jin lota etho piq sha jak ni ja o janru eq khak ta, etharin piq aa janru sha jinchon chak ta, thang eq rum eq piq tha shu shu haq náng jinsol katta.

Luke 9:42

Ethi sa tha takat chey pha tho, thangwa aa piq tha taphil ma ko eq haq náng thawol ta. Jesu aa anaan tsija thima raaqkhat kota, ethi jarosa tha taqhal eq etho piq wa thima thawel kota.

Acts 16:18

Irimal piq aa daklot wang sey somlo chey ta, ethirangma Paul tin rapney khata etho ngik lang eq anaan tsija shima batta, “Jesu Khristo miing o uhanphung wang thalat ma nga raaqkhat kot phang!” Etho eshi rangham o hun anaan tsija tha uhanphung wang thalat chuwang ta.