Mark 1:27 - Muklom

²⁷ Ethina tongtey miqtang eq esha siin eq rapney patja eq ashey eq ashey ma rong batta, “Iri chamlang aa? Iri anal tatal i? Piq aa authority wang anaan tsija ma tho raaqkhat kot eq aa etho anaan tsija tang eq uraaqkhat utat eq aa!”

ASII LAKDAP Bible (BSI)

²⁷ Kra chhi raütiishe, nokwe ka kai awang rai lam miishe, “Notsam arwe ara juwa? Ara tsütsa chongtlaq arka anye ngo chang nya? Apaiq raq tha min tiidoq mra jobaiqtlo nya!” ngutiishe riibomto.

Hawa Naga Bible 2001

²⁷ Miq htenc lotlaz vwangc raz tueq, “Vruex kuex yvmx khoc lac? Tvluingc kuy lvmz vnyalx phvnx shiz lac rvtvnx? Vruex waz nuex vshuy htaungc htenc muex nvrc juing vrangx vpangx httax yaq, tsuingshiq rueq vpiq muex tay kuq yaq,” ngoz tueq vshiz maq vshiz rvjungc wuez tueq.

Mark 1:27 Referencias Cruzadas

Matthew 15:31

Angong tang mey raaq sey ang ta etho jakeq tang uqhal sey ang ta etho jakung jin qhing sey ang ta etho miikduk tang aa ukhi sey ta, eshi tang sha khi eq ning patja ta etho Israel Shkewa tha tasapsey ta.

Matthew 8:9

Nga tho adak jaktáng na tong ang etho i jaktáng na ralkoltey tang tho atha. Nga irima ka u ta bat ang jo piq ukat ang aa; eshima kaphu ta bat ang jo piq ukat ang pha; nga i sanga ma iri somlo u ta bat ang jo piq aa somlo eq aa.”

Matthew 9:33

Jesu aa thangwa tha phanchak atho, ethi miq tha phang raaq sey angta. Etha siin eq miqtang thaji tha rapney patja ti eq batta, “Israel na baluk otho irimal khi wey mi.”

Mark 1:26

Anaan tsija eq ethi miq tha rapney jajong aa thamot eq, ring eq thalat chuwang ta.

Mark 1:28

Etho irimal wang kalo hun Galilee mungna thaji miqtang aa Jesu tung aa raaq tha sam ta.

Mark 10:24

Etharin tat eq ujiphantey tang rapney patja ta, etharin Jesu aa batta, “I sa tang, Shkewa mungtan náng nop ma rapney hal aa!

Mark 10:32

Jesu etho ujiphantey tang Jerusalem konáng kata. Jesu jakho kho kata etho ujiphantey tang patja angta etho piq jina kattey miqtang thaji tin chota. Jukshey Jesu aa wa asi wani ujiphantey tang ning chen chen hal eq piq rangma chamlang angma ta tha batta.

Mark 16:5

Ning haqbung mong náng nop atho ashey jaro miq rapney apung samkhong sam eq aqha kona tong atha khita; esha siin eq ning rapney chota.

Mark 16:6

Ethi miq they batta, “Nak cho inn. Nga usam eq phang, nim aa bólq na tita Nazareth Jesu tha bi inn i. Piq irina ahung; piq wey jey angta. Siin inn, ning aa piq tha irina shingta.

Mark 7:37

Etho utang eq piq tung aa raaq tatta, thaji patja angta. Ning aa bat chey ta, “Piq aa chamtan jaqhal wang thaji jaksom somlo aa! Naqbang tang thima tho piq aa utat eq ma kot aa, etho angong tang thima tho may raaq sey angma kot aa!”

Luke 4:36

Miqtang tha rapney rong patja tita etho ning ni ning jaktungna rong tapitta, “Iri chamal tung aa raaq rin aa? Iri miq rey anaan tsija tang thima authority nia tarong o raaqkhat kot aa, etho anaan tsija tang tha thalat chuwang aa.”

Luke 9:1

Jesu aa wasi wani ujiphantey tang tha hal eq ning thima thaji thangwa tang phan ma etho atakasa tang taqhal ma tarong kota.

Acts 17:19

Req ning aa Paul tha Areopagus rongh náng solkat eq pitta, “Ira anal tatal nang aa tatat u sha í aa usamtol eq ma nuk i.