Luke 7:16 - Muklom

¹⁶ Eshiwang miqtang tha ucho rong ang eq Shkewa tha tasapsey ta. Ning aa batta, “Hiqtang jaktung na ajong rangsamal thutapha! Shkewa piq miqtang tha nong ma thutapha!”

ASII LAKDAP Bible (BSI)

¹⁶ Kra chhi raüta, tsangshiq tarü ka kai awang riito. Kiimaq ahai lam maq, “Nashiq ma shammi ajong pinthum ashi she saüto. Shiikeawe raq asenginok, nashiq ara chhiikai she saükito,” nguta tsangshiq raq Shiikeawe ka tiitsam kamto.

Hawa Naga Bible 2001

¹⁶ Miq lotlaz muinz hiyaz kawc yawc wuez vtueq Tishox muex tvtsvmc kvmc wuez tueq. Tsuingshiq rueq, “Shvmmax yungx nuiyshiq kox nuex dung kaz ruex ngoz tueq muinz, Tishox rueq vpiq miqsaz htenc palc wvnc muex kaz ruex ngoz tueq muinz!” tsuingshiq rueq rvjungc wuez tueq.

Luke 7:16 Referencias Cruzadas

Matthew 15:31

Angong tang mey raaq sey ang ta etho jakeq tang uqhal sey ang ta etho jakung jin qhing sey ang ta etho miikduk tang aa ukhi sey ta, eshi tang sha khi eq ning patja ta etho Israel Shkewa tha tasapsey ta.

Matthew 21:11

Miqtang aa batta, “Ira Galilee Nazareth wang rangsamal Jesu.”

Matthew 28:8

Miqnu tang ucho angta, etha otho sungrang jamoq màng bungching wang wel eq Jesu jiphantey tang ma tatat ma, ujol angta.

Matthew 9:8

Miqtang tha esha khi eq rapney patja ta etho miq ma itan patja somlot ma authority kota rangma Shkewa tha tasapsey ta.

Luke 1:65

Himkhung thaktey tang aa etha khi eq rapney rongcho ta, etho iri raaq raa Judea haqkang mung thaji ko aa kan tey tang aa samta.

Luke 1:68

Israel Shkewa, Teyhungwa miing o hiqtang aa tasapsey i! Chammatakoi piq ka eq umiq tang tha taqhapta.

Luke 19:44

Ning aa nim thaji raa etho nim pall mongna miqtang chamtan sha tho tashit chak phanin; tim aa long ashey tho khakla katáng na shing moq angna chammatakoi Shkewa nim thalun ma thupha rangham tho nim aa chamtho sam min ang tin.”

Luke 2:20

Kelwut rimtey tang aa chamlang tatta etho khita ethirangma Shkewa tha shumnuk nia tasapsey eq wey wel chuwang ta; iritang raa rangkamwa batta thimal angta.

Luke 24:19

Jesu aa pitta, “Chamlang angta?” Ningni aa batta, “Nazareth wang Jesu ma chamlang angta tha. Eshi miq tha ashey rangsamal angta, etho Shkewa nia miqtang jakho na piq aa chamta batta etho chamlang somlo ta, eshi tang thaji tha tarong angta.

Luke 5:26

Ethitang tha khi eq miqtang tha rapney rong patja tita! Ucho wang ning aa Shkewa tha tasapsey eq batta, “Thaney aa hiqtang aa baluk otho khimi patja phantha khiti!”

Luke 5:8

Ethi tang tha khi eq Simon Peter tha Jesu jaa thong o shongtong eq batta, “Teyhungwa, nang irelwang chuwang u! Nga raa ashey ngarey miqwa!”

Luke 7:15

Ethi utik teywa tha shat tong eq raaq phangwan titta, etho Jesu aa piq tha unu ma kochak ta.

Luke 7:39

Jesu haltey Phorisi wa they ethi tang tha khi eq tinmong na tathin chey ta, “Iri miqwa raa asing rangsamal ang atho, iri nuri utang aa ta etho chamtan ngarey rollung na piq tong aa ta piq aa usam eq na.”

Luke 8:37

Eshi mungwang thaji miqtang aa Jesu thima eshi haq shiwang chuwang ma batta chammatakoi ning thaji tha rapney sey chota. Ethirangma piq tha waqwan o tong eq chuwang ta.

Luke 9:19

Ning aa thawel batta, “Chamtey eq bat aa nang raa John jung thalamtey. Adak tang eq bat aa nang raa Elijah ta, etho adak miqtang aa rong bat aa nang raa aking rangsamal ashey angta tha weyjey ta.”

John 1:21

Etho ning aa pitta, “Irimal ang ajo, nang utang aa? Nang Elijah i?” John aa thawel batta, “Nga ang mong.” Ning aa pitta, “Nang Rangsamal i?” Piq aa thawel batta, “Ang mong.”

John 1:25

Etho John ma pittta, “Nang Khristo ang mu, Elijah tho ang mu etho Rangsamal tho ang mu ang ujo jung shi chamma thalam kot u?”

John 4:19

Miqnu they piq ma batta, “Tangteywa, nga nang raa rangsamal ta tathin ang.

John 6:14

Patja jaksom tha khi eq ning ni ning wanta, “Mingkang náng kattey Rangsamal tha piq raa hun.”

John 9:17

Ning aa aduk wa thima wey pitta, “Piq aa ba miikduk taqhal ta, nang aa piq tung aa raaq cham ta raaq u?” Piq aa batta, “Piq raa rangsamal.”

Acts 5:5

Ananias iri raaq tang raa tat eq hun ngak eq tita; etho iri raaq tattey tang tha ucho angta.

Acts 7:37

Iri Moses rey Israel tang ma batta, ‘Shkewa nim pho notang wang nim rangma nga mal ashey rangsamal takat na.’

Galatians 1:24

Etho ning aa i tung aa raaq ma Shkewa sha tasapsey ta.